Luka 1:32 - ÎVUKU RÎA ÛVORO MWARO

³² Nake nîagaatuîka mûndû mûnene na nîagetagwa Mûrû wa Ûrîa ûrî Îgûrû Mûno. Mwathani Ngai nîakaamûtua mûthamaki wata Daudi, îthe wake wa tene.

Luka 1:32 ပူးပေါင်းရင်းမြစ်များ

2Sam 7:16

Nî ûkaagîa na njiarwa vîndî cionthe na ûthamaki waku ndûkaathira. Nakîo gîtî gîaku Kîam ûthamaki nî gîgaatûûra tene na tene.’ ”

Thaburi 132:11

Ngai-Mûnene nîwerîre Daudi na mwîvîtwa, kîîranîro kîrîa atakericûkwa atî: “Nîngaatua ûmwe wa anake aku mûthamaki, na nîakaathana vuva waku.

Thaburi 132:12

Ethîrwa ciana ciaku nîikaavingia kîrîkanîro gîakwa, na maathani makwa marîa ngaamathomithia, anake ao wanao magaatuîka athamaki tawe.”

Isaia 16:5

mûndû wa rûciaro rwa Daudi nîagaatuîka mûthamaki; na nîakaatha andû na wîvokeku na wendo ûtathiraga. Ke agaatucanagîra ciira na kîvooto na waragania na ekage maûndû ma ûthingu.”

Jeremia 17:25

athamaki na anene, arîa magekarîra gîtî Kîam ûnene Kîam ûthamaki Kîam Daudi, nîmagaatonya na mîvîrîga ya Jerusalemu mekarîrîte ikaari cia mbaara, na mbarathi na mathiî vamwe na andû a Juda, na atûûri a Jerusalemu, îtûûra rîîrî rîa Jerusalemu rîtûûrage andû tene na tene.

Jeremia 22:2

Ûmere atîrî: “We mûthamaki wa Juda ta thikîrîria; we wîkaragîra gîtî Kîam ûnene Kîam Daudi, we wana ndungata ciaku, na andû enyu arîa matonyagîra mîîrîgarî îno, tathikîrîriani ûrîa Ngai-Mûnene augîte.

Danieli 2:44

Îvinda rîu rîa athamaki acio, Ngai ûrîa wî îgûrû nîakaarûngamia ûthamaki ûtakaathira. Ûthamaki ûcio ndûkaavotwa, na nîûgaacûkangia mothamaki mau mengî monthe mathire viû, ûcoke ûtûûre wathanaga tene na tene.

Mathaayo 1:1

Ûyû nîguo mûtaratara wa methe ma tene ma Jesû Kristû wa mbarî ya Daudi, ûrîa warî wa mbarî ya Iburahimu.

Mathaayo 12:42

Mûthenya wa îtuîro, mûndûmûka mûthamaki wa Sheba nîakaarûngama na onanie ûrîa mue andû a rûciaro rûrû mûrî acûku. Mûndûmûka ûcio nîwathiîre rûgendo rûraca kûthikîrîria ûûgî wa mûthamaki Solomoni. Nie nîramwîra atî ava varî na mûndû mûnene gûkîra Solomoni.

Mathaayo 28:18

Nake Jesû nîwathiîre vakuvî nao na akîmeera atîrî, “Nie nîrî mûve wathani wonthe gûkû nthî wana îgûrû.

Mathaayo 3:11

Nie nîmûvatithagia na manjî ngîenda kwonania atî nîmwîrirîte mevia menyu. Nwatî ûrîa ûgûûka vuva wakwa, arî na vata kûngîra na nie ndirî mwagîrîru wa gûkuua iratû ciake. Ke akaamûvatithia na Roho Mûtheru na mwaki.

Maariko 14:61

Nwatî Jesû ndaamatumûka, aakirire kivi. Wana rîngî Mûthînjîri-Ngai mûnene nîwaûririe Jesû atîrî, “We nîwe Mesaya, Mûriû wa Ngai ûrîa Mûrathime?”

Maariko 5:7

Nake nîwacokire akiugîrîria akiugaga atîrî, “Jesû Mûriû wa Ngai ûrîa ûrî Îgûrû Mûno! Nîndûî ûrenda kuumana nanie? Nie nakûthaitha na rîîtwa rîa Ngai, ndûkamverithie!”

Luka 1:15

Nîûndû nîagaatuîka mûndû mûnene methorî ma Mwathani. Nake ndakaanyua ndivei wana kana anyue njovi. Kuuma gûciarwa gwake nîakethîrwa ecûrîtwe nî Roho Mûtheru.

Luka 1:35

Nake mûraika nîwamûcokerie atîrî, “Roho Mûtheru nîagûka kûrî we, naguo vinya wa Ngai ûrîa ûrî Îgûrû Mûno nîûgaagûkunîkîra ta kîruru. Kwoguo mwana ûcio ûgaaciarwa akethîrwa arî mûtheru na ageetagwa Mûriû wa Ngai.

Luka 1:76

“Nawe mwana ûyû wakwa ûgeetagwa mûrathi wa Ngai Ûrîa Ûrî Îgûrû Mûno. Nîûkaathiî mbere ya Mwathani, kûmûthondekera njîra ciake.

Luka 3:16

Nwatî Johana nîwerire andû onthe atîrî, “Nie nîmûvatithagia na manjî, nwatî ûrîa mûnene kûngîra nîaûkîte. Na nie ndirî mwagîrîru wa kwovora ndigi cia iratû ciake. Ke akaamûvatithagia na Roho Mûtheru na mwaki.

Luka 6:35

Vandû va ûguo, endagani nthû cienyu na mûciîkage waro na mûkombithanagie mûtakûgîa na mwîvoko wa gûkaarîvwa. Namue nîmûkaagîa na îgai rînene na mûtuîke ciana cia Ngai ûrîa ûrî Îgûrû Mûno. Nîûndû Ngai arî ntha kûrî andû arîa matarî ngatho na arîa methagîrwa marî na mîtugo mîcûku.

Johana 12:34

Nakîo kîrîndî nîgîacokirie atîrî, “Watho wetû ûtwîraga atî Mesaya agaatûûra tene na tene. Kûngîvoteka atîa ûtwîre atî Mûrû wa Mûndû nwa nginya ambatue? Mûrû wa Mûndû ûcio nû?”

Johana 6:69

Tue nîtwîtîkîtie na tûkamenya atî we nîwe ûrîa Mûtheru kuuma kûrî Ngai.”

Ciîko 16:17

Mwîrîtu ûcio nîwarûmîrîrie Paûlo vamwe wa natue akiugagîrîria atîrî, “Andû aya nî ndungata cia Ngai Ûrîa Ûrî Îgûrû Mûno! O nîmaranîrîra ûrîa mûngîvonoka!”

Ciîko 2:30

Ke aarî mûrathi na nîwecî kîrîa Ngai aamwîrîrîte. Ngai nîwevîtîte atî ke nîagaatûma ûmwe wa njiarwa cia Daudi atuîke mûthamaki wata ûrîa Daudi aarî.

Ciîko 2:36

“Kwoguo mue andû onthe a Isiraeli nwa nginya mûmenye na ma atî Jesû ûyû ûrîa mue mwambire mûtharavarî îgûrû, nîke Ngai atuîte Mwathani na Mesaya!”

Ciîko 7:48

“Nwatî Ngai Ûrîa Ûrî Îgûrû Makîria ndatûûraga nyombarî irîa itumîtwe nî andû. Mwathani arauga na njîra ya mûrathi atîrî:

Aroma 1:4

Îgûrû rîgiî roho ûrîa aarî naguo wa ûtheru nîwonanirue na njîra ya vinya mûno atî ke nîke Mûriû wa Ngai nîûndû wa kûriûkua.

Kûguû 3:7

“Andîka kûrî mûraika wa kanitha ûrîa ûrî Filadelifia atîrî: “Îno nîyo ndûmîrîri kuuma kûrî ûrîa mûtheru na wa ma. Ke arî na cavi îrîa yarî ya Daudi. Ke aravingûra mûrango gûtirî mûndû ûngîvota kûûvinga, na ke araûvinga gûtirî mûndû ûngîvota kûûvingûra.