Luka 1:25 - ÎVUKU RÎA ÛVORO MWARO

²⁵ “Rîu Mwathani nîandethetie na akanthengutîria gîconoko gîakwa mbere ya andû!”

Luka 1:25 ပူးပေါင်းရင်းမြစ်များ

Kîam 25:21

Rebeka aarî nthata, na Isaka nîwavoire kûrî Ngai-Mûnene nîûndû wake. Ngai-Mûnene nîwegwire mavoya make na Rebeka akîgîa îvu.

2Sam 6:23

Mikali mwarî wa Saûlo ndaagîa na ciana nginya rîrîa aakwire.

Isaia 25:8

Ngai-Mûnene nîakaathiria gîkuû tene na tene, nîakaagiria methori mothiûrî monthe na kûthirîria andû ake gîconoko nthî yonthe. Ngai-Mûnene nîke ugîte ûguo.

Isaia 4:1

Rîrîa mûthenya ûcio ûgaakinya, aka mûgwanja nîmakaanyita mûndûmûrûme ûmwe mamwîre atîrî, “Tûkaarîcaga irio cietû tue ene na twîkagîre nguo cietû; nwatî twîtîkîrie twîtanague nawe, nîguo ûtûthengutîrie gîcambio gîa kwîthîrwa tûtarî aviku.”

Luka 1:13

Nwatî mûraika ûcio nîwerire Zakaria atîrî, “Zakaria, ndûkegue guoya. Ngai nîwîguîte mavoya maku. Mûkaguo Elizabethi nîagûgûciarîra mwana wa kavîcî na ûkaagatuîra rîîtwa Johana.

Luka 1:24

Nayo mîthenya mînini yavîtûka, mûka Elizabethi nîwagîre îvu. Elizabethi nîwekarire ethithîte îvinda rîa mîeri îtano na akaugaga atîrî,

Ahib 11:11

Nîûndû wa wîtîkio Sara nîwagîre na mwana wana ethîrwa aarî nthata nake Iburahimu aarî mûkûrû. Iburahimu nîwetîkîtie atî Ngai nîmwîvokeku na nîakaavingia ûrîa aamwîrîîre.

Atir 11:37

Nwatî nîwacokire akîra îthe atîrî, “Mbîtîkîria mbîke ûndû ûmwe. Tiga mbîthîrwe nîrî nienga îvinda rîa mîeri îîrî, nîguo tûthiî irîmarî na arata akwa tûgacakae nîûndû ngaakua ndarî mûviku.

1Sam 1:6

Nake Mwîruwe, Penina nîwarakaragia na akathirîkia Hana ngororî, nîûndû Ngai-Mûnene ndaaveete Hana ciana.