Luka 1:15 - ÎVUKU RÎA ÛVORO MWARO

¹⁵ Nîûndû nîagaatuîka mûndû mûnene methorî ma Mwathani. Nake ndakaanyua ndivei wana kana anyue njovi. Kuuma gûciarwa gwake nîakethîrwa ecûrîtwe nî Roho Mûtheru.

Luka 1:15 ပူးပေါင်းရင်းမြစ်များ

Kîam 12:2

Nanie nîngaakûva njiarwa nyîngî nacio nîigaatuîka rûrîrî rûnene. Nie nîngaakûrathima na ndûme rîîtwa rîaku rîgîe îgweta. Nawe ûtuîke kîrathimo.

Kîam 48:19

Nwatî îthe Jakovu nîwaregire na akiuga atîrî, “Mûvîcîwa, nîmbicî ûrîa nîreka. Njiarwa cia Manase wana cio nîigaatuîka rûrîrî rûnene. Nwatî mûrwang'ina ûcio mûnini nîagaatuîka mûnene kûmûkîra na njiarwa ciake nîigaatuîka ndûrîrî nyîngî.”

1Maû 17:8

Nîrethagîrwa nawe kûrîa kuonthe ûrathiîcaga na nîravootaga nthû ciaku cionthe wa ûrîa ûrathiîcaga na mbere, na nîngaagûtua mûndû ûrî na îgweta wata atongoria arîa anene a nthî.

1Maû 29:12

Ûtonga na gîtîîo ciumaga kûrî we, nîûndû we nîwe mwathi wa indo cionthe. We ûrî na vinya na ûvoti wa gûtûma mûndû atuîke mûnene na ûrî vinya.

Thaburi 22:9

We Ngai nîwe wandutire îvurî rîa nyanya, na rîrîa naarî gakenge nîwamenyerere.

Jeremia 1:5

“Mbere ya ngûmba îvurî rîa nyûkwe nînagwîcî, na mbere ya ûciarwe nînakwamûrire; nînakûthuurire ûtuîke mûrathi kûrî mavûrûri.”

Jeremia 35:6

Nwatî nîmaacokirie atîrî, “Tîtûnyua ndivei nîûndû Jonadabu mûvîcî wa Rekabu, îthe wetû nîwatwathire atî, ‘Mûtikanyua ndivei, mue wana njiarwa cienyu tene na tene.

Alawi 10:9

“We kana avîcî aku mûtikanyue ndivei kana njovi rîrîa mûgûtonya îgemarî rîa Ngai-Mûnene. Mweka ûguo nî mûgaakua. Watho ûyû nîûtûûra ûrûmagîrîrwa nî njiarwa ciaku cionthe tene na tene.

Zakaria 9:15

Ngai-Mûnene mwene vinya wonthe nîakaagitîra andû ake, na nîmakaavoota nthû ciao na mathiga ma ikûtha. Makaaugagîrîria marî mbaararî ta mîrîu ya ndivei, magîtûrûra nthakame ya nthû ciao, ta îcûrîte mbakûrirî, îkanyûrûrûka mîthiiarî ya metha ya kîgongoona.

Luka 1:14

We nîûgaakena na ûcanjamûke na andû engî eengî nîmagaakena vîndî îrîa agaaciarwa.

Luka 7:28

Nie nîramwîra atîrî, ‘Gatagatîrî ka andû arîa onthe maanaciarwa nî aka, gûtirî wa na ûmwe wao mûnene gûkîra Johana. Nwatî mûndû ûrîa mûnini viû ûthamakirî wa Ngai, nî mûnene gûkîra Johana.’ ”

Luka 7:33

Nie namwîra ûguo nîûndû vîndî îrîa Johana Mûvatithania aaûkire na akîînyerekia kûrîa mîgate wana nginya kûnyua ndivei mwaugire atî, ‘Ke arî na ngoma!’

Johana 5:35

Johana aakengaga ta taa yakanîte, namue nîmwendire gûkenerera ûtheri ûcio wake kavinda kanini.

Ciîko 2:4

Nao onthe nîmecûrirwe nî Roho Mûtheru, na makîambîrîria kwaria na nthiomi ciîngî wata ûrîa Roho ûcio aamavotithirie kwaria.

Agal 1:15

Nwatî Ngai nîwanthuurire na njîra ya wega wake wana mbere ya njiarwe na akîmbîta nîmûtungatîre. Na rîrîa aatwire

Aefeso 5:18

Tigagani kûrîwa nî ndivei nîûndû ûrîu nîkwa ûkûmwananga, vandû va ûguo îcûragwani nî Roho.

Josh 3:7

Nake Ngai-Mûnene nîwerire Joshua atîrî, “Ûmûnthî ûndû ûrîa ngwîka nî wa gûtûma ûneneve methorî ma andû onthe a Isiraeli, nîguo mamenye atî ngethagîrwa nîrî nawe ta ûrîa nethagîrwa nîrî na Musa.

Josh 4:14

Mûthenya ûcio Ngai-Mûnene nîwekire ûndû wa gûtûma Joshua aneneve methorî ma andû onthe a Isiraeli. Nao nîmeekarire makîmûvecaga gîtîîo ûtûûrorî wake wonthe wata ûrîa mavecaga Musa.