Luka 1:11 - ÎVUKU RÎA ÛVORO MWARO

¹¹ Zakaria arî kûu hekarûrî ndarî, mûraika wa Mwathani nîwamumîrîre na akîrûngama mwenarî wa ûrîo wa metha ya kîgongoona îrîa yavîvagîrua ûbani.

Luka 1:11 ပူးပေါင်းရင်းမြစ်များ

Alawi 16:13

Aroni arî vau mbere ya Ngai-Mûnene nîagekîra ûbani mwakirî, nîguo ndogo ya ûbani îkaamika gîkunîko Kîam îthandûkû rîa kîrîkanîro nîguo ndagakîone akua.

Luka 1:19

Nake mûraika ûcio nîwamûcokerie atîrî, “Nie nînie Gaburieli na nûngamîte mbere ya Ngai ûrîa ûndûmîte mbûke ngûkinyîrie ûvoro ûyû mwaro.

Luka 1:28

Mûraika ûcio nîwathiîre kûrî Mariamu na akîmûkethia atîrî, “Wî mwaro? We wî mûrathime mûno! Mwathani arî vamwe nawe!”

Luka 2:10

Nake mûraika ûcio nîwamerire atîrî, “Tigani kûmaka! Nie nîmûretere ûvoro mwaro na wa gîkeno kînene kûrî andû onthe,

Luka 2:9

Mûraika wa Mwathani nîwamaumîrîre wa rîmwe. Naguo riiri wa Mwathani nîwamatherere mîena yonthe, nao makîmaka mûno.

Ciîko 5:19

Nwatî ûtukû wa mûthenya ûcio, mûraika wa Mwathani nîwavingûrire mîrango ya njeera, akîmaruta kuo, na akîmeera atîrî,

Ahib 1:14

Araika nî arîkû? Nî maroho marîa matungatagîra Ngai na nîmatûmagwa nîke magatethia arîa makaavonokua.

Kûguû 9:13

Nake mûraika wa gatandatû nîwavuvire karumbeta gake. Nanie nînegwire mûgambo ûkiuma mîthiiarî îna ya metha ya kûrutîra kîgongoona ya thaavu îrîa yarî vau mbere ya Ngai.

Atir 13:3

Mûraika wa Ngai-Mûnene nîwaumîrîre mûndûmûka ûcio na akîmwîra atîrî, “Taroria, we ûtûîre ûrî nthata, nwatî îvinda rîtarî îraca nîûkûgîa îvu na nîûgaaciara kavîcî.

Atir 13:9

Ngai nîwekire ûrîa Manoa aamûririe, na mûraika wa Ngai nîwacokire kûrî mûka wa Manoa na akîmwîthîra mûgûndarî ekarîte nthî. Nwatî matiarî na mûthuuriwe, Manoa.