Luka 1:10 - ÎVUKU RÎA ÛVORO MWARO

¹⁰ Nao andû eengî nîmaavoyaga marî nja vîndî îrîa ûbani wavîvagua.

Luka 1:10 ပူးပေါင်းရင်းမြစ်များ

Thaburi 141:2

Amûkîra îvoya rîakwa ta mûtararûko wa ûbani, na wamûkîre njara ciakwa, irîa mbûkîrîrîtie ta îgongoona rîa kîvwaî.

Ezek 46:3

Mîthenya yonthe ya thavatû na mîthenya ya irugo cia karûngamo ka mweri, andû onthe makaagoocaga Ngai-Mûnene marî kîvingorî kîu.

Alawi 16:17

Kuuma vîndî îrîa Aroni agaatonya vandû varîa vatheru Mûno kûrûtha mambura ma kûtheria nginya rîrîa akaauma, gûtirî mûndû wagîrîrwe nî kwîthîrwa arî îgemarî rîa Ngai-Mûnene vîndî îo. Athiria kûrûtha mambura make ke mwene, ma andû a mûciî wake na ma andû onthe a Isiraeli,

Ndari 7:50

Thaani îmwe ya thaavu ya ûrito wa ngiramu îgana rîa îkûmi (110 g) îcûrîte ûbani,

Ahib 4:14

Nîtûnyitie na vinya viû wîtîkio wetû ûrîa tumbûraga nîûndû tûrî na Mûthînjîri-Ngai ûrîa mûnene na nîke Jesû Mûriû wa Ngai. Ke nîwathiîre kûrî Ngai.

Ahib 9:24

Nîûndû Kristû ndaatonyire Vandû Vatheru vatumîtwe na njara cia andû, na nîvo mûvuano wa vandû varîa va ma. Kristû aatonyire îgûrû kuo kwene. Kûu nîkuo arûngamîte mbere ya Ngai vandûrî vetû.

Kûguû 8:3

Mûraika wîngî nîwaûkire na akîrûngama metharî ya kûrutîra kîgongoona, anyitîte kavakûri ka thaavu ga kûvîvîria ûbani. Nake nîwanengerwe ûbani mwîngî mûno nîguo aûrutanîrie vamwe na mavoya ma andû onthe a Ngai. Nake mûraika ûcio nîwaigîrîre maruta mau metharî ya kûrutîra kîgongoona ya thaavu îrîa yarî vau mbere ya gîtî Kîam ûthamaki.