Kûguû 9:20 - ÎVUKU RÎA ÛVORO MWARO

²⁰ Nao andû acio engî mataakua na njîra ya mathîna mau mathatû, matiatigana na maûndû marîa o ene meethondekerete. Matiatiga kûgooca ndaimono, kana mîvuanano ya thaavu, ya sîlûva, gîcango, kana mathiga na mîtî. Mîvuanano îo ndîavotaga kwona, kwîgua kana kûthiî na magûrû.

Kûguû 9:20 ပူးပေါင်းရင်းမြစ်များ

2Atha 22:17

Nîmandiganîrîtie na nîmarutîrîte ngai ciîngî magongoona na kwoguo nîmandakarîtie nî maûndû monthe marîa mekîte. Nîûndû wa ûguo, nîndakarîtue nî Jerusalemu na marakara makwa matingîthira.

2Maû 28:22

Îvinda rîu mûthamaki Ahazi aarî na mathîna mengî, nîrîo aatuîkire mûndû ûtarî mwîvokeku kûrî Ngai-Mûnene mûno makîria.

2Maû 34:25

Nîûndû nîmaareganire nanie na makîvîvîria ngai ciîngî ûbani. Nîmatûmîte ndakare nîûndû wa maûndû mau monthe mekîte. Kwoguo marakara makwa nîmagûkinya Jerusalemu na tîmathira.

Thaburi 106:37

Nîmaarutire anake na erîtu ao marî magongoona kûrî mîvuanano ya Kanaani.

Isaia 2:8

Vûrûri wao wîcûrîte mîvuanano, na magoocaga indo irîa marûthîte na njara ciao.

Isaia 41:7

Mûtumi wa indo cia mbaû nîaraûmîrîria, mûturi wa indo cia thaavu, nake mûndû ûrîa ûnyorokagia mûvuanano na nyondo, nîaraûmîrîria mûndû ûrîa ûûnyitithanagia na mîcumarî. Onthe marauga atîrî: ‘Mûvuanano ûcio nî mwaro,’ nao nîmaranyitithania mûvuanano ûcio na mîcumarî, na akaûnyinyia mûno nîguo ndûkagwe.

Jeremia 1:16

Nanie nîngaverithia matûûra monthe nîûndû wa waganu wao wa kûregana nanie. Nîmarutîrîte ngai cia mûvuanano magongoona na makagooca indo irîa marûthîte na njara ciao.

Jeremia 25:6

Mûtikarûmîrîre ngai ciîngî mûigooce kana mûitungatîre, wana kana mûndakarie nîûndû wa kûgooca mîvuanano îrîa mwerûthîre na njara cienyu. Mwathîkîra Ngai-Mûnene, ke ndakaamûverithia.

Jeremia 44:8

Mûrandakaria nîkî mûkîgooca ngai irîa mwîrûthîrîte mue ene, na kûvîvîria ngai cia mîvuanano ûbani Misiri kûrîa mûraûkire gûtûûra? Mûrenda gwîcûkangia mue ene na gûtuîka kîrumi na gîconoko mbere ya mavûrûri monthe ma nthî?

Jeremia 5:3

We Ngai-Mûnene na kinthî we ndûcaragia kîvooto? We nîûmarivîte nwatî matiîgucaga ûrûrû, we nîûmavîvîtie na mwaki makathira, nwatî nîaregu kûrûngwa. Maûmîtie ngoro gûkîra îthiga; nîmaregete kûvera mevia mao.

Jeremia 51:17

Mûndû wa wonthe nî mûritu na ndarî ûmenyo, mûturi wa indo cia thaavu aconorithagua nî indo ciake; nîûndû mîvuanano îo arûthaga tî ya ma, na ndîrî mwoyo.

Danieli 5:23

Vandû va ûguo, we nîûreganîte na Ngai-Mûnene wa îgûrû; na indo kuuma hekarûrî yake nîiretetwe kûrî we. We na atongoria aku, aka aku, na aka aku a kwiga mwacoka mwanyuîra ndivei indorî icio, na mwambîrîria gûkumia ngai irîa ciûmbîtwe na thaavu, sîlûva, gîcango, cuuma, mûtî na mathiga; irîa itangîona, ciîgua kana imenya ûndû. Nwatî we nîûregete gûtîîa Ngai ûrîa ûkûvecaga mwoyo na ûrîa ûrûmbûyagia maûndû maku monthe.

Danieli 5:4

Maanyuire ndivei magîkumagia ngai irîa ciarûthîtwe na thaavu, sîlûva, gîcango, cuuma, mîtî na mathiga.

Alawi 17:7

Andû a Isiraeli matikethîrwa matarî evokeku kûrî Ngai-Mûnene rîngî na njîra ya kûragîra nyamû na kûu nja ya mûromo wa îgema marî magongoona ma ngoma ciîkariî ta mbûri. Andû a Isiraeli na njiarwa ciao nîmatûûra marûmagîrîra watho ûyû.

Mika 5:13

Nîngaacûkangia mîvuanano yenyu, na itugî cia mathiga irîa mûgoocaga. Mûtigaacoka kûgooca rîngî indo irîa mwîthondekerete.

Mathaayo 21:32

Nîûndû Johana Mûvatithania aaûkire kûrî mue akîmwonagia njîra îrîa mbaro, namue nîmwaregire kûmwîtîkia. Nwatî etia mbeca cia gooti na maraa nîmaamwîtîkirie. Na wana mwona ûguo, mûtiacoka gûcenjia meciria menyu nîguo mûmwîtîkie.”

Ciîko 17:29

Na nîûndû tue tûrî ciana cia Ngai, tûtiagîrîrwe nîgwîciria atî Ngai nî kîndû andû meciragîria kana mathondekaga kuumana na thaavu, sîlûva kana îthiga.

Ciîko 19:26

Rîu mue nîmûreyonera na mûkeîguîra maûndû marîa Paûlo areka. Ke augaga atî ngai cia mîvuanano irîa ithondeketwe na njara cia andû tî ngai cia ma. Ke nîarîkîtie kwîgwithia na akagarûra andû eengî arîa marî gûkû Efeso na arîa marî Asia vakuvî yonthe.

Ciîko 7:41

Kwoguo andû acio nîmaathondekire mûvuanano wekariî ta njaû na makîûrutîra îgongoona. Nao nîmaagîre na îruga magîkenerera wîra wa njara ciao.

2Akor 12:21

Nînîramaka atî rîrîa ngaaûka rîngî Ngai wakwa nîagaatûma njonoke nîrî mbere yenyu. Nanie nîngeguîra andû engî kîeva arîa meevirie na matirî merira maûndû macûku marîa meekire ta ûmaraa na merirîria macûku ma mwîrî.

Gûco 31:29

Nîmbicî narîkia gûkua nîmûgaatuîka andû aganu na mûregane na maûndû marîa naamwathire mwîkage. Mavinda marîa magaaûka nî mûkaanyitwa nî mîthiro, nîûndû mûkethîrwa mûrakarîtie Ngai-Mûnene na njîra ya gwîka maûndû macûku marîa areganîte namo.”

Gûco 32:17

Nîmaarutîre ndaimono magongoona, nwatî tî ngai irîa methe mao maaicî; ngai irîa ciaumîrîte kavinda gatarî karaca, irîa methe mao mataatîîaga.

Gûco 4:28

Mûrî mavûrûrirî mau, mûgaatungataga ngai cia mûvuanano irûthîtwe nî andû: ngai cia mîtî, mathiga, irîa itonaga, itegucaga, itarîcaga na itanungagîra.

1Tim 4:1

Roho Mûtheru nîaugaga waro atî mîthenya ya kûrigîrîria andû nîmakaarega gwîtîkia; nîmakaathîkîra maroho ma maveeni na marûmîrîre maûndû marîa mathomithanagua nî ndaimono.

Kûguû 15:1

Nînaacokire ngîona ûrirû wîngî mûnene na wa magegania ûrî îgûrû. Kwarî na araika mûgwanja maarî na ûvoti wa gûtûma nthî îgîe na mavera mûgwanja ma mûthiia. Namo makoonania mûthiia wa marakara ma Ngai.

Kûguû 16:8

Nake mûraika wa kana nîwetûrûrire kîrîa Kîamrî mbakûrirî yake riûarî. Narîo riûa nîrîaverwe rûtha rîvîvie andû na ûrugarî warîo.

Kûguû 9:19

Vinya wa mbarathi icio warî tûnyuarî twacio na mîkiarî yacio. Mîkia yacio yekariî ta njoka irî na ciongo, na nîciavûthagîra mîkia îo kûnyamaria andû.

Kûguû 9:21

Andû acio matierira ûûragani wao, ûragûri wao, maûndû mao ma ûtharia kana wîi wao.