Kûguû 9:1 - ÎVUKU RÎA ÛVORO MWARO

¹ Nake mûraika wa gatano nîwavuvire karumbeta gake. Nanie nînoonire njata îrîa yagwîte nthî. Nayo nîyanengerwe cavi cia îrima îrikîru rîtarî na mûthiia.

Kûguû 9:1 ပူးပေါင်းရင်းမြစ်များ

Isaia 14:12

“We wakengaga ta njata ya kîraûko, na kaî wî mûgwîu na vinya kuuma îgûrû-î! We wavootire mavûrûri, nwatî rîu ûrî mûgwîthie nthî-î!

Luka 10:18

Nake Jesû nîwamacokerie atîrî, “Nie nîronire Caitani akîgwa nthî wa rîmwe kuuma îgûrû wata ûrîa rûveni rûvenûkaga.

Luka 8:31

Nacio ngoma icio nîciathaithire Jesû ndagaciathe ithiî itonye îrimarî rîrîa rîriku na rîtarî mûthiia.

Aroma 10:7

Ndûkeyûrie we mwene nû ûkûnyûrûrûka rungu rwa nthî (ûguo nî kuga, “Nû ûkûnyûrûrûka îrimarî rîrîa rîtarî mûthiia na atûme Kristû aunûkie kuuma kûrî arîa akuû?”)

Kûguû 1:18

Nie nînie ûrîa ûrî mwoyo! Nie nînaakuîte, nwatî rîu nîrî mwoyo tene na tene. Nie nîrî na ûvoti îgûrû rîa gîkuû na vûrûri wa arîa akuû.

Kûguû 1:20

Nayo nthitho ya njata icio mûgwanja irîa irî mwena wa ûrîo wa Ngai yonanagia njata mûgwanja nî araika arîa mûgwanja a makanitha marîa mûgwanja. Nayo mînyamû îrîa mûgwanja ya kwigîrîrwa taa nî makanitha marîa mûgwanja.

Kûguû 11:7

Na marîkia kûvecana ûira wao, nyamû îrîa yumaga îrimarî îrikîru rîtarî mûthiia nîîkarûa nao îmavoote na îmaûrage.

Kûguû 17:8

Nyamû îo vîndî îmwe yarî mwoyo, nwatî rîu ndîrî mwoyo. Nyamû îo nî îkunûkia yume îrimarî rîrîa rîtarî mûthiia îthiî îgacûkangue. Nîkûrî andû marî mwoyo na marîîtwa mao mataanandîkwa kuuma rîrîa nthî yambîrîrie kûmbwa. Andû acio onthe nîmakaamaka rîrîa makoona nyamû îo, nîûndû vîndî îmwe yarî mwoyo, na rîu ndîrî mwoyo, nwatî nîgaacoka yûke rîngî.

Kûguû 20:1

Nînacokire ngîona mûraika akînyûrûrûka kuuma îgûrû. Njararî yake nîwanyitîte mvungûro cia îrima rîrîa rîtarî mûthiia na akanyita nyororo nene.

Kûguû 20:10

Nake Ngoma ûrîa wamavîtithîtie, nîwaikirue îriarî rîa mwaki na ûviriti, kûrîa nyamû na mûrathi wa maveeni maaikîtue. Nao nîmagatûûra maverithagua ûtukû na mûthenya tene na tene.

Kûguû 6:13

Nacio njata cia îgûrû nîciagwîre nthî wata ûrîa mûkûyû ûgwîthagia ngûû irîa nthatu vîndî îrîa wainainua nî rûkûngi rûnene.

Kûguû 8:10

Nake mûraika wa kathatû nîwavuvîre karumbeta gake. Nayo njata nene, yakanaga ta kîmûrî nîyagwîre kuuma îgûrû. Nayo yagwîrîre gîcunjî kîmwe Kîam ithatû Kîam nyûnjî na ithima cia manjî.

Kûguû 8:12

Nake mûraika wa kana nîwavuvire karumbeta gake. Nakîo gîcunjî kîmwe Kîam ithatû Kîam riûa, mweri na njata nîciaringirwe. Kwoguo gîcunjî kîmwe Kîam ithatû Kîam ûtheri wacio nîwarumire. Nakîo gîcunjî kîmwe Kîam ithatû Kîam mûthenya na Kîam ûtukû gûtiarî na ûtheri.

Kûguû 8:2

Nînaacokire ngîona araika mûgwanja arîa marûngamaga mbere ya Ngai. Nao nîmaanengerwe tûrumbeta mûgwanja.

Kûguû 9:2

Njata îo nîyavingûrire îrima rîu rîtarî mûthiia. Nayo ndogo yekariî ta ndogo ya mwaki wa îcua nîyaumire kûu îrimarî rîu. Nayo ndogo îo yaumaga îrimarî rîu îrikîru rîtarî mûthiia nîyecûrire rîerarî na îkîvingîrîria ûtheri wa riûa.