Kûguû 8:13 - ÎVUKU RÎA ÛVORO MWARO

¹³ Nînacokire ngîroria na ngîgua nderi îrîa yagûrûkîte îgûrû rîerarî îkiugîrîria na mûgambo mûnene atîrî, “Uuui! Uuui! Uuui! Na kaî andû arîa matûûraga nthî nîmakeethîrwa na thîna rîrîa araika acio engî athatû makaavuva tûrumbeta-î!”

Kûguû 8:13 ပူးပေါင်းရင်းမြစ်များ

Thaburi 103:20

Kumiani Ngai-Mûnene, mue araika arîa anene na marî vinya, mue mwathîkagîra watho wake na mwîkaga ûrîa augîte.

Ezek 2:10

Nîwacokire akîrîkûnjûra mbere yakwa, na ngîona rîandîkîtwe mîena yoîrî ciugo cia gûcakaya, kîrîro na mathîna.

Ahib 1:14

Araika nî arîkû? Nî maroho marîa matungatagîra Ngai na nîmatûmagwa nîke magatethia arîa makaavonokua.

Kûguû 11:14

Thîna wa kaîrî nîwathira, nwatî thîna wa kathatû nîûgûka vuva wa kavinda kanini!

Kûguû 12:12

Kwoguo kenani mue muonthe arîa mûtûûraga îgûrû! Nwatî kaî arîa matûûraga gûkû nthî na îriarî nîmakethîrwa na thîna-î! Nîûndû Ngoma nîanyûrûrûkîte kûrî mue. Ke nî mwîcûre nî marakara, nîûndû nîaicî atî kavinda gake karîa gatigarîte nî kanini.”

Kûguû 14:3

Andû acio ngiri îgana na mîrongo îna na inya (144,000) nîmaarûngamîte mbere ya gîtî Kîam ûnene, mbere ya ciûmbe irîa irî mwoyo inya, na mbere ya athuuri. Nao nîmaainaga rwîmbo rûcerû rûrîa tu nwa o mangîarûmenyire. Acio nî arîa maarî akûûre.

Kûguû 14:6

Nie nînaacokire ngîona mûraika wîngî agûrûkîte îgûrû rîerarî. Mûraika ûcio aarî na ûvoro mwaro wa tene na tene wa kûvunjia kûrî andû arîa matûûraga nthî, kûrî iruka cionthe, mbarî, nthiomi, na mavûrûri monthe.

Kûguû 19:17

Nînacokire ngîona mûraika arûngamîte îgûrû rîa riûa. Nîwaugîrîrie na mûgambo mûnene agîîta iconi cionthe irîa ciagûrûkaga rîerarî agîciîra atîrî: “Ûkani mûgomane vamwe kîrugorî kînene Kîam Ngai.

Kûguû 3:10

Mue nîmûrûmîrîrîte kîthomo gîakwa gîa kûmîrîria mûkirîrîrîtie na kwoguo nie nîngaamûgitîra kuuma kûrî îvinda rîa mathîna rîrîa rîgaûka kûgeria andû onthe arîa matûûraga gûkû nthî.

Kûguû 8:2

Nînaacokire ngîona araika mûgwanja arîa marûngamaga mbere ya Ngai. Nao nîmaanengerwe tûrumbeta mûgwanja.

Kûguû 9:1

Nake mûraika wa gatano nîwavuvire karumbeta gake. Nanie nînoonire njata îrîa yagwîte nthî. Nayo nîyanengerwe cavi cia îrima îrikîru rîtarî na mûthiia.

Kûguû 9:12

Thîna wa mbere nî mûthiru, nwatî nîkûrî na mathîna meengî maîrî magûka.