Kûguû 8:11 - ÎVUKU RÎA ÛVORO MWARO

¹¹ (Rîîtwa rîa njata îo nî “Ûrûrû”.) Gîcunjî kîmwe Kîam ithatû Kîam manjî nîmaatuîkire marûrû. Nao andû eengî nîmaakwire manyua manjî mau maatuîkîte marûrû.

Kûguû 8:11 ပူးပေါင်းရင်းမြစ်များ

Ntha 15:23

Nîmaacokire magîkinya vandû vetagwa Mara, nwatî manjî ma vau Mara matingîanyuîkire nîûndû maarî marûrû. Kîu nîkîo gîatûmire vandû vau vetwe Mara.

Nthi 5:4

Nwatî mûthiiarî atigaga mathîna na ûrûrû ta wa nyongo, ta wa rûviû rûrû rûûgî mîena yoîrî.

Jeremia 23:15

Kwoguo, ûvoro wîgiî arîthi acio Ngai-Mûnene arauga atîrî: “Nîngûmava kîndû kîrûrû ta nyongo, na nîmakundie manjî marî na ûrogi manyue. Nîûndû kuuma kûrî arathi a Jerusalemu, kûregana na Ngai gûtambîte vûrûrirî wonthe.”

Jeremia 9:15

Kwoguo Ngai-Mûnene mwene vinya wonthe, Ngai wa Isiraeli arauga atî: Nîngaava andû aya mîtî mîrûrû marîe na nîmave manjî marî na ûrogi manyue.

Maca 3:19

Ngai-Mûnene, ririkana mathîna na ûrûrû wakwa, ûcûkîte ta ûrûrû wa ûrogi.

Maca 3:5

Ke anjîgîrîrîtie na mbarî cionthe, na ûrûrû na mînyamaaro.

Amosi 5:7

Îîmenyerereni mue arîa mûreganaga na ûûma na mûgakinyangîra kîvooto nthî.

Amosi 6:12

Mbarathi nîivinyûragîra mathigarî? Andû nîmarîmaga îriarî na ndegwa? Nwatî mûgarûrîte kîvooto gîgatuîka ûrogi, na ûthingu ûgatuîka ûrûrû.

Zakaria 13:8

Vûrûrirî wonthe, icunjî igîrî cia ithatû cia andû nîmagûkua, gîcunjî kîmwe Kîam ithatû nîkîo gîgaatigwa kîrî mwoyo.

Zakaria 13:9

Gîcunjî kîu kîmwe Kîam ithatû nîngaagikia mwakirî, na nîmatherie ta ûrîa mûndû atheragia sîlûva na mwaki, na nîmagerie ta ûrîa thaavu îgeragua na mwaki. Nîmakaamvoya, nanie nîngaacokia mavoya mao; Nie nîngaauga atî o nî andû akwa, nao nîmakaauga atî, nî nie Ngai-Mûnene Ngai wao.”

Gûco 29:18

Menyererani gûtikethîrwe na mûndûmûrûme, mûndûmûka, mûciî kana mûvîrîga gatagatîrî kenyu ûmûnthî ûngîtiganîria Ngai-Mûnene Ngai wetû na agatungatîre ngai cia mavûrûri mau. Ûndû ûcio ûngîthîrwa wîkariî ta mûri ûrîa ûtheûkaga mûtî mûrûrû na ûrî ûrogi.

Ahib 12:15

Îîmenyerereni mûndû ndagate wega wa Ngai. Gûtikethîrwe kûrî na mûndû ûgûtuîka ta mûtî mûrûrû ûrîa ûkûraga na ûgatûma kûgîe na mathîna meengî nî ûndû wa ûrogi waguo.

Kûguû 12:4

Njûnamatu îo nîyagucirie gîcunjî kîmwe Kîam ithatû Kîam njata cia îgûrû na mûkiia wayo, na îgîcikia nthî. Nayo nîyarûngamire mbere ya mûndûmûka ûcio warî vakuvî gûciara nîguo îrîe kaana gaciarwa warîo.

Kûguû 8:7

Nake mûraika wa mbere nîwavuvire karumbeta gake. Nayo mbura ya mbembe na mwaki, itukanîte na nthakame nîcietîkire nthî. Nakîo gîcunjî kîmwe Kîam icunjî ithatû cia nthî na nyaki yonthe ya ngirini, na gîcunjî kîmwe Kîam icunjî ithatû cia mîtî nîciavîre.

Kûguû 9:15

Kwoguo araika acio ana nîmaarekererue. Araika acio maaigîtwe mavarîrîtue nîûndû wa îthaa rîîrî, mûthenya ûyû, mweri ûyû, na mwaka ûyû nîguo mavote kûûraga gîcunjî kîmwe Kîam ithatû Kîam andû arîa marî gûkû nthî.

Kûguû 9:18

Gîcunjî kîmwe Kîam ithatû Kîam andû arîa marî gûkû nthî nîmaaûragirwe nî mathîna mathatû marîa maaumaga tûnyuarî twa mbarathi: namo nî mwaki, ndogo na ûviriti.

Ruthu 1:20

Nake Naomi nîwamacokerie atîrî, “Mûtigacoke kûmbîta Naomi rîngî, mbîtagani Mara nîûndû Ngai-Mûnene, Ngai mwene vinya wonthe nîatûmîte ûtûûro wakwa ûtuîke mûrûrû.