Kûguû 7:9 - ÎVUKU RÎA ÛVORO MWARO

⁹ Vuva wa ûguo nie nînaroririe na ngîona kîrîndî Kîam andû gûtarî mûndû ûngîavotire kûmatara. Andû acio maaumîte mavûrûrirî monthe, mîvîrîgarî yonthe, irukarî cionthe, na nthiomirî cionthe. Nao onthe maarûngamîte vau mbere ya gîtî Kîam ûthamaki na ya Gatûrûme, mekîrîte nguo cia rangi njerû na manyitîte mathîgî ma mîkîndû njararî ciao.

Kûguû 7:9 ပူးပေါင်းရင်းမြစ်များ

Kîam 13:16

Nie nîngaatûma njiarwa ciaku ituîke nyîngî wata mûthetu wa nthî na gûtirî mûndû ûkaavota gûitara!

Kîam 49:10

Mûragi wa ûtongoria ndûkaauma Juda, njiarwa ciake nîcio igûtûûra ciathanaga. Mavûrûri monthe nîmakaamwathîkîra, na menamagîrîre mbere yake.

Thaburi 2:8

Mbîtia mavûrûri monthe ma nthî na nî ngûkûva, nthî yonthe nîîtuîka yaku.

Thaburi 22:27

Mavûrûri monthe nî makaaririkana Ngai-Mûnene na mamûcokerere, andû a mîvîrîga yonthe nî makaamûgooca.

Thaburi 76:4

We Ngai, kaî wî riiri-î! Umîte kîrîmarî ûrî na riiri mwîngî, kûrîa wavootere nthû ciaku.

Thaburi 77:2

Nîmvoyaga Mwathani vîndî ya thîna; mvoyaga mbûkîrîrîtie njara ciakwa ûtukû mûgima ndakûnoga, nwatî ndionaga mûndû ûngînyûmîrîria.

Thaburi 98:3

Nîendete andû a Isiraeli na arî mwîvokeku kûrî o. Andû onthe a nthî nîmonete ûvootani wa Ngai wetû.

Jeremia 16:19

We Ngai-Mûnene nîwe ûngitagîra na ûmvecaga vinya; nîwe ûndethagia vîndî ya mathîna. Mavûrûri kuuma mîena yonthe ya nthî nîmagaûka kûrî we makwîre atîrî, “Gûtirî kîndû methe metû maagaire tiga ngai cia maveeni, na indo îtarî vata kana umithio.

Jeremia 3:17

Vîndî îo îtûûra rîa Jerusalemu rîgetwa, ‘Gîtî Kîam ûthamaki Kîam Ngai-Mûnene,’ na mavûrûri monthe nîmakaagomana na mangooce. Matigatongorua rîngî nî maûndû macûku ma ngoro ciao.

Ezek 47:5

Akîthima rîngî mita magana matano (500) anyûrûrûkîte, na karûnjî gagîtuîka kariku na ndingîavotire kûringa tiga nwa mûndû athambîrîte.

Danieli 4:1

Mûthamaki Nebukadinezarû nîwatûmire ndûmîrîri îno kûrî andû a iruka cionthe, mavûrûri monthe na andû a nthiomi cionthe arîa matûûraga nthî yonthe akîmeera atîrî, “Mûrogîa na thayû!

Danieli 6:25

Nake mûthamaki Dario nîwandîkîîre andû a mavûrûri monthe, iruka, na andû a nthiomi cionthe arîa maatûûraga nthî yonthe akîmeera atîrî, “Mûrorathimwa!

Hosea 1:10

Nwatî andû a Isiraeli nîmakengîva ta mûthanga ûrîa ûrî îriarî ûrîa ûtangîthimîka kana ûtarîka; navo varîa Ngai-Mûnene amerire, “Mue mûtirî andû akwa” nîagaacoka ameere, “Mue mûrî ciana cia Ngai mûtûûra mwoyo.”

Alawi 23:40

Mûthenya wa mbere, nîmûgooca matunda marîa maro mûno kuuma mîtîrî yenyu ya matunda, mvûa cia mîtî ya mîkîndû, mvûa cia mîtî îrîa îrî mathangû meengî, na cia tûmîtî tûrîa tûrî maûa tûmeraga tûrûnjîrî na mûgaakumia Ngai-Mûnene, Ngai wenyu îvinda rîa mîthenya mûgwanja.

Zakaria 10:8

Nîngaameta na nîmagaacokanîrîra vamwe, nîûndû nînîmakûrîte, na nîmakoongerereka na mengîve ta ûrîa meekariî mbererî.

Zakaria 2:11

Îvinda rîu ndûrîrî nyîngî nîigaacokerera Ngai-Mûnene, na nîigaatuîka andû ake, na atûûranie nao. Namue nîmûkaamenya atî nî Ngai-Mûnene mwene vinya wonthe ûndûmîte kûrî mue.

Luka 12:1

Vîndî wa îo, rîrîa andû ngiri nyîngî maagomanîte nginya makambîrîria gûkinyangana magûrû, Jesû nîwambire kwarîria arutwa ake akîmeera atîrî, “Îîmenyagîrîreni kuumana na ûvinga wa Afarisai ûrîa wîkariî ta ndawa ya kwimbia mîgate.

Luka 21:36

Îkaragani mwîvarîrîtie vingo cionthe na mûkîvoyaga, nîguo mûgîe na vinya wa kûmîrîria maûndû monthe marîa marî vakuvî gwîkîka, na mûgîe vinya wa kûrûngama mbere ya Mûrû wa Mûndû.”

Johana 12:13

Kwoguo nîmoocire mathîgî ma mîkîndû na makîthiî kûmûtûnga makîanagîrîra atîrî, “Hosana! Kûrathimwa nî ûrîa ûkîte na rîîtwa rîa Mwathani! Kûrathimwa nî Mûthamaki wa Isiraeli!”

Aroma 11:25

Ariû na aarî a îthe wetû, nie nînîrenda kûmûmenyithia ûma ûrîa mûthithe nîguo mûtigekare mûkîîraga na ngoro cienyu atî mûrî aûgî mûno. Ûma ûcio nî atî ûremi wa andû amwe a Isiraeli tî wa gûtûûra, nwatî ûkethagîrwa vo tu nginya rîrîa andû onthe a Ndûrîrî magaûka kûrî Ngai.

Aefeso 6:13

Kwoguo îkîrani wa rîu indo cia mbaara cia Ngai! Naguo mûthenya ûrîa maûndû marîa macûku mageekîka, nîmûkaavota kwîgitîra kuumana na nthû, na mwarîkia kûrûa nayo, mûgaatigwa mwîkindîrîtie.

Ahib 11:12

Wana ethîrwa Iburahimu aarî ta ûyû mûkuû, kuuma kûrî ke nîgwaciarirwe andû maarî eengî ta njata cia îgûrû kana ta mûthanga ûrîa ûtangîtarîka ûrî rûtere rwa îria.

Ahib 12:22

Vandû va ûguo, nîmûkinyîte kîrîmarî gîa Zayuni îtûûrarî înene rîa Ngai ûrîa ûtûûraga mwoyo. Nîmûkinyîte Jerusalemu îtûûra rîa îgûrû kûrîa kûrî araika ngiri nyîngî.

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”

Kûguû 22:3

Kîndû kîonthe kîrume nî Ngai gîtikeethîrwa îtûûrarî rîu. Gîtî Kîam Ngai Kîam ûthamaki na Kîam Gatûrûme nîgîkethîrwa îtûûrarî rîu, na ndungata ciake nîikaamûgooca.

Kûguû 3:18

Kwoguo nie nîragûtaara ûgûre thaavu kuumana nanie îrîa ntherie na mwaki nîguo ûtonge. Wana ûgûre nguo cia rangi njerû kuuma kûrî nie nîguo wîkîre na ûtige kwîgua nthoni cia kwonekana ûrî njaga, na ûgûre ndawa ya gwîkîra metho nîguo ûvote kwona.

Kûguû 4:4

Navo vaarî na itî ciîngî mîrongo îîrî na inya cia ûthamaki ciathiûrûrûkîrîtie gîtî kîu Kîam ûthamaki. Nao athuuri mîrongo îîrî na ana nîmaaciîkarîrîte. Athuuri acio meekîrîte nguo cia rangi njerû na ciongorî ciao maarî na nthûmbî cia thaavu.

Kûguû 5:11

Nie nînaacokire ngîroria rîngî na ngîgua mîgambo ya Araika maarî ngiri nyîngî mûno. Araika acio maarûngamîte mathiûrûrûkîrîtie gîtî Kîam Ûthamaki, ciûmbe icio inya irî mwoyo, na athuuri.

Kûguû 5:9

Nacio ciûmbe icio na athuuri acio nîmaainire rwîmbo rûcerû makiugaga atîrî: “We ûrî mwagîrîru wa gwoca îvuku rîa gîkûnjo na ûtumûre ndumo ciarîo. Nîûndû we nîwaûragirwe, na njîra ya nthakame yaku we nîwagûrire andû a Ngai kuuma mîvîrîga yonthe, nthiomi cionthe, mavûrûri monthe na iruka cionthe.

Kûguû 6:11

Wa ûmwe nîwaverwe nguo cia rangi njerû. Nao nîmeerirwe mavurûke kavinda kengî kanini, nginya rîrîa andû arîa maatungataga vamwe nao wa na etîkia acio engî makaaûragwa wata ûrîa o maaûragirwe.