Kûguû 7:13 - ÎVUKU RÎA ÛVORO MWARO

¹³ Nake ûmwe gatagatîrî ka athuuri acio nîwambûririe atîrî, “Andû aya mekîrîte nguo cia rangi njerû nî arîkû na nî a kuuma kû?”

Kûguû 7:13 ပူးပေါင်းရင်းမြစ်များ

Kîam 16:8

Mûraika nîwamûûririe atîrî, “Hagari ndungata ya Sarai, umîte kû, na ûthiîte kû?” Nake Hagari nîwamûcokerie atîrî, “Nîkwa ndorokete kuuma kûrî Sarai mwathi wakwa”.

Danieli 7:16

Nînathiîre kûrî ûmwe wa arîa maarûngamîta vau na ngîmûthaitha anyumbûrîre ûma wîgiî maûndû mau monthe. Kwoguo nîwandaûrîre maûndû mau na akîmbîra atîrî,

Johana 7:28

Rîrîa Jesû aathomithanagia hekarûrî, nîwanîrîre akiuga atîrî, “Mue nama nîmûmbîcî na mûkamenya kûrîa nyumîte? Nwatî nie tînie nîîtûmîte. Ûrîa wandûmire nî wa ma na mue mûtimwîcî,

Ciîko 3:12

Rîrîa Petero oonire andû acio, nîwamerire atîrî: “Mue andû etû a Isiraeli, ûndû ûyû ûmûmakîtie nîkî? Mûtûroretie na vinya ûguo nîkî? Nîkwa mûreciria atî nî vinya kana ûngai wetû ûtûmire mûndû ûyû athiî na magûrû?

Kûguû 3:4

Nwatî kûrî na andû anini gatagatîrî kenyu kûu Saridi maigîte nguo ciao irî ntheru. Andû acio nîmakaathiîcania nanie mekîrîte nguo cia rangi njerû, nîûndû o nî agîrîru.

Kûguû 4:10

athuuri arîa mîrongo îîrî na ana nîmegwîthagia nthî mbere ya ûcio wîkarîrîte gîtî Kîam ûthamaki na makagooca ûcio ûtûûraga tene na tene. Nao nîmaigaga nthûmbî ciao nthî vau mbere ya gîtî kîu Kîam ûthamaki na makauga atîrî:

Kûguû 4:4

Navo vaarî na itî ciîngî mîrongo îîrî na inya cia ûthamaki ciathiûrûrûkîrîtie gîtî kîu Kîam ûthamaki. Nao athuuri mîrongo îîrî na ana nîmaaciîkarîrîte. Athuuri acio meekîrîte nguo cia rangi njerû na ciongorî ciao maarî na nthûmbî cia thaavu.

Kûguû 5:11

Nie nînaacokire ngîroria rîngî na ngîgua mîgambo ya Araika maarî ngiri nyîngî mûno. Araika acio maarûngamîte mathiûrûrûkîrîtie gîtî Kîam Ûthamaki, ciûmbe icio inya irî mwoyo, na athuuri.

Kûguû 5:5

Nake ûmwe gatagatîrî ka athuuri acio nîwambîrire atîrî, “Tiga kûrîra. Ta roria! Mûnyambû wa mûvîrîga wa Juda; na wa nyomba ya Daudi, nîavootanîte, na ke nwa avote gûtumûra ndumo icio mûgwanja na akûnjûre îvuku rîu rîa gîkûnjo.”

Kûguû 7:9

Vuva wa ûguo nie nînaroririe na ngîona kîrîndî Kîam andû gûtarî mûndû ûngîavotire kûmatara. Andû acio maaumîte mavûrûrirî monthe, mîvîrîgarî yonthe, irukarî cionthe, na nthiomirî cionthe. Nao onthe maarûngamîte vau mbere ya gîtî Kîam ûthamaki na ya Gatûrûme, mekîrîte nguo cia rangi njerû na manyitîte mathîgî ma mîkîndû njararî ciao.

Atir 13:6

Nake mûndûmûka ûcio nîwathiîre na akîra mûthuuriwe atîrî, “Mûndû wa Ngai nîwaûka kûrî nie. Nîonekaga arî wa kûgegania ta mûraika wa Ngai. Nie ndinamûûria kûrîa araumîte na ndanambîra rîîtwa rîake.