Kûguû 7:10 - ÎVUKU RÎA ÛVORO MWARO

¹⁰ Andû acio nîmaaugagîrîria na mûgambo mûnene atîrî: “Ûvonokio uumaga kûrî Ngai wetû, ûrîa wîkarîrîte gîtî Kîam ûthamaki, na kûrî Gatûrûme!”

Kûguû 7:10 ပူးပေါင်းရင်းမြစ်များ

Thaburi 115:1

Tî tue, we Ngai-Mûnene, tî tue, we wenga nîwe wagîrîrwe nî gûkumua; nîûndû wa wendo waku ûtathiraga na wîvokeku waku.

Thaburi 3:8

Ûvootani umaga kûrî Ngai-Mûnene; irathimo ciake irogîa kûrî andû aku.

Thaburi 37:39

Ngai-Mûnene nîavonokagia andû arîa athingu, na nîamagitagîra vîndî ya thîna.

Isaia 43:11

“Nie nienga tu, nînie Ngai-Mûnene, na gûtirî mûvonokia wîngî tiga nie.

Isaia 45:15

Nama we wî Ngai ûrîa wîthithîte, Ngai wa Isiraeli, Mûvonokia.

Isaia 45:21

Umbûrani na mwîtetere; tigani andû maciire marî vamwe. Nû waririe maûndû mama wa tene? Anga tî nie Ngai-Mûnene? Gûtirî ngai îngî tiga nie, nînie Ngai mûthingu na Mûvonokia; gûtirî ngai îngî tiga nie.

Jeremia 3:23

Nama tûrî aveenie mûno rîrîa tûragooca tûrî îgûrû rîa irîma; nama ûvonokio wa Isiraeli; umaga kûrî Ngai-Mûnene Ngai wetû.

Hosea 13:4

Ngai-Mûnene arauga atîrî, “Nînie Ngai-Mûnene Ngai wenyu, nînie namûrutire ûkomborî Misiri; mûtirî na Ngai wîngî tiga nie, na gûtirî ûngîvota kûmûvonokia tiga nie.

Jona 2:9

Nwatî nîngaakuinîra nyîmbo cia gûgûkumia; nîngaakûrutîra îgongoona, na mvingie ûrîa mbîranîrîte na mwîvîtwa. Ngai-Mûnene nîke ûvonokanagia!”

Zakaria 4:7

Gûtirî kîndû gîgaakûrigîrîria wana kîethîrwa kîrî kînene ta kîrîma, nwatî nîgîkaavaraganua. We nîûgatuma hekarû rîngî, na ûkîmîrîkia andû nîmakaugîrîria atîrî, “Nî mbaro! Nî mbaro!”

Zakaria 9:9

Mue andû a Zayuni kenani mûno; Mue andû a Jerusalemu ugîrîriani na vinya. Taroriani, mûthamaki wenyu nîaûkîte kûrî mue, aûkîte akenete na arî na ûvootani. Nî mwînyivia na akuuîtwe nî mvunda, akuuîtwe nî njaû ya mvunda.

Luka 3:6

Nao andû onthe nîmakoona ûvonokio wa Ngai!’ ”

Johana 1:29

Naguo mûthenya ûcio wîngî Johana nîwonire Jesû athiîte kûrî ke na akiuga atîrî, “Taroriani Gatûrûme ka Ngai karîa kathengutagia wîvia wa andû a nthî!

Johana 1:36

Rîrîa oonire Jesû avîtûkîrîrîte vo, nîwaugire atîrî, “Taroriani Gatûrûme ka Ngai.”

Johana 4:22

Mue Asamaria mûtiîcî nî ûrîkû mûgoocaga nwatî tue Ayahudi nîtwîcî nî ûrîkû tûgoocaga, nîûndû ûvonokio uumaga kwa Ayahudi.

Aefeso 2:8

Nî wega wa Ngai ûtûmîte mûvonokue na njîra ya gwîtîkia. Ûvonokio wenyu ndumanîte na mawîra marîa mwanaruta, nwatî nî kîveo kuuma kûrî Ngai.

Kûguû 12:10

Nînacokire ngîgua mûgambo mûnene kuuma îgûrû ûkiuga atîrî, “Ûvonokio, ûvoti, Ûthamaki wa Ngai wetû na wathani wa Mesaya wake rîu nîûrîkîtie gûka! Nîûndû mûcukani ûrîa warûngamaga mbere ya Ngai wetû na agacuka ariû na aarî a îthe wetû ûtukû na mûthenya nîaikîtue nthî

Kûguû 19:1

Vuva wa ûguo, nînegwire mûgambo wekariî ta wa gîkundi kînene Kîam andû marî kûu îgûrû ûkiuga atîrî: “Ngai arokumua! Ûvonokio, riiri, na vinya nî cia Ngai wetû!

Kûguû 21:5

Nake ûrîa wîkaragîra gîtî Kîam ûthamaki nîwaugire atîrî, “Taroria, nie nîrathondeka maûndû monthe matuîke macerû!” Wana rîngî nîwambîrire atîrî, “Andîka maûndû mama, nîûndû ciugo ino nî cia kwîvokeka na nî cia ma.”

Kûguû 22:3

Kîndû kîonthe kîrume nî Ngai gîtikeethîrwa îtûûrarî rîu. Gîtî Kîam Ngai Kîam ûthamaki na Kîam Gatûrûme nîgîkethîrwa îtûûrarî rîu, na ndungata ciake nîikaamûgooca.

Kûguû 4:6

Mbere ya gîtî kîu Kîam ûthamaki kwarî kîndû kîonekaga gîkariî ta îria rîa icicio na rîtheru ta îra. Nakîo gîtî kîu Kîam ûthamaki nîkîathiûrûrûkîrîtue mîena yakîo îna nî ciûmbe inya ciarî mwoyo ciecûrîte metho mbere na vuva.

Kûguû 5:7

Nako Gatûrûme nîkaathiîre na gagîoca Îvuku rîa gîkûnjo kuuma njararî ya ûrîo ya ûrîa wîkaragîra gîtî Kîam Ûthamaki.