Kûguû 6:8 - ÎVUKU RÎA ÛVORO MWARO

⁸ Nînaroririe na ngîona mbarathi ya rangi îno nthererûku. Nake ûrîa wathiîte amîkarîrîte eetagwa Gîkuû na Vûrûri wa arîa akuû nîwamûrûmîrîrîte. Nao nîmaaveerwe ûvoti wa kwatha kîmwe gîa icunjî inya cia nthî nîguo maûrage andû na njîra ya mbaara, yûra, mîrimû, na nyamû cia kîthaka.

Kûguû 6:8 ပူးပေါင်းရင်းမြစ်များ

Nthi 5:5

Magûrû make mamûviraga gîkuûrî, arûmagîrîra njîra îrîa îthiîcaga kwa arîa akuû.

Isaia 25:8

Ngai-Mûnene nîakaathiria gîkuû tene na tene, nîakaagiria methori mothiûrî monthe na kûthirîria andû ake gîconoko nthî yonthe. Ngai-Mûnene nîke ugîte ûguo.

Jeremia 14:12

Wana ethîrwa nîmarenyerekia, nie ndikegua mathaithana mao, na wana ethîrwa nîmarandutîra matega ma kûvîvua, na ma irio cia mûgûnda; ndikamamûkîra. Îthenya rîa ûguo, nîkwa ngamaûraga mathire na njîra ya mbaara, yûra na mîrimû.”

Jeremia 16:16

Ngai-Mûnene arauga atîrî, “Nîngwîta ategi eengî mûno a nthamaki nîguo matege andû aya. Nîngûcoka mbîte aguîmi eengî mûno, nîguo mamacarie irîmarî cionthe na tûrîmarî na ngurungarî cia mathiga.

Jeremia 16:4

nîmakaûragwa nî mîrimû mîcûku na gûtirî mûndû ûkamacakaîra kana amathika, mîîrî yao îgaatuîka ta irûndo cia mai gûkû nthî. Makaûragîrwa mbaararî na maûragwe nî yûra. Ciimba ciao ikaarîwa nî iconi na nyamû cia kîthaka.

Jeremia 24:10

Nîngatûma magîe na mbaara, yûra na manyitwe nî mîrimû mîcûku nginya rîrîa magacûkangua onthe mathire viû vûrûrirî ûrîa namaveere vamwe na methe mao.”

Jeremia 29:17

Ngai-Mûnene mwene vinya wonthe arauga atî, ‘Nîngûmaretere mbaara, yûra na mîrimû, na ndûme matuîke ta ngûû mboru na njûku mûno ûndû itangîrîka.

Jeremia 43:11

Nîagaaûka na acûkangie vûrûri wa Misiri. Arîa maavangîrîtwe kûûragwa na mîrimû nîmakaaûragwa nayo, arîa maavangîrîtwe gûtavwa mavirwe îthamîriorî nîmagaatavwa, arîa maavangîrîtwe kûragîrwa mbaararî nîmakaaûragîrwa kuo.

Ezek 29:5

We vamwe na nthamaki icio nîngaamwikia werûrî na mîîrî yenyu nîîkagwa kûndû gûtarî kîndû na ndîkaathikwa. Mîîrî yenyu îgaatuîka irio cia nyamû cia kîthakarî na iconi cia rîerarî.

Ezek 5:12

Gîcunjî kîmwe Kîam ithatû Kîam andû enyu, nîmagaakua nî mûrimû mûcûku na yûra marî kûu mûrî; gîcunjî kîmwe Kîam ithatû kîngî nîgîgaakuîra mbaararî kûu îtûûrarî; gîcunjî kîu kîngî Kîam ithatû nîngaakînyagania nthî yonthe na njoke nîkîrûmîrîrie na rûviû.

Hosea 13:14

Nwanginya nîmakûûre kuuma kûrî arîa akuû? Nwa nginya nîmavonokie kuuma kûrî gîkuû? We gîkuû, mûthiro waku ûrî kû? Nawe kwa arîa akuû, gûcûkangua gwaku kûrî kû? Nie ndikaameguîra ntha rîngî.

Habakuku 2:5

Ûtonga nîûtûmaga mûndû aveenanie; andû arîa etîi mativurûkaga, mekariî ta gîkuû kîo kîene, matiîganagîra. Kîu nîkîo gîtûmaga eyûnganîria ndûrîrî cionthe, na agacokanîrîria andû onthe matuîke ake.

Zakaria 6:3

Gîkaari gîa kathatû Kîamgucîtue nî mbarathi cia rangi njerû, nakîo gîa kana Kîamgucîtue nî mbarathi cia rangi wa kîmûu.

Mathaayo 11:23

Namue andû a Kaperinaumu, nîkwa mwendaga kwînenevia nginya mûkinye îgûrû? Mue nî mûgaaikua îcuarî. Nîûndû ciama irîa mwaringîrwe ingîaringîtwe Sodomu andû a kuo nî mangîtwîre vo nginya ûmûnthî!

Mathaayo 24:7

Mavûrûri nîmakaarûa, namo mothamaki mathithûkanîre. Nîgûkaagîa na yûra kûndû kwîngî na kûgîe na ithingithia.

1Akor 15:55

“We Gîkuû, ûvootani waku ûrî kû? We Gîkuû, rûvora rwaku rûrî kû?”

Kûguû 1:18

Nie nînie ûrîa ûrî mwoyo! Nie nînaakuîte, nwatî rîu nîrî mwoyo tene na tene. Nie nîrî na ûvoti îgûrû rîa gîkuû na vûrûri wa arîa akuû.

Kûguû 12:4

Njûnamatu îo nîyagucirie gîcunjî kîmwe Kîam ithatû Kîam njata cia îgûrû na mûkiia wayo, na îgîcikia nthî. Nayo nîyarûngamire mbere ya mûndûmûka ûcio warî vakuvî gûciara nîguo îrîe kaana gaciarwa warîo.

Kûguû 9:15

Kwoguo araika acio ana nîmaarekererue. Araika acio maaigîtwe mavarîrîtue nîûndû wa îthaa rîîrî, mûthenya ûyû, mweri ûyû, na mwaka ûyû nîguo mavote kûûraga gîcunjî kîmwe Kîam ithatû Kîam andû arîa marî gûkû nthî.

Kûguû 9:18

Gîcunjî kîmwe Kîam ithatû Kîam andû arîa marî gûkû nthî nîmaaûragirwe nî mathîna mathatû marîa maaumaga tûnyuarî twa mbarathi: namo nî mwaki, ndogo na ûviriti.