Kûguû 6:17 - ÎVUKU RÎA ÛVORO MWARO

¹⁷ Nîûndû mûthenya wao Mûnene wa marakara nîmûkinyu. Nû ûngîvota kûmîrîria îverithania rîu?”

Kûguû 6:17 ပူးပေါင်းရင်းမြစ်များ

Thaburi 110:5

Mwathani arî mwena waku wa ûrîo, rîrîa akaarakara nî akaavoota athamaki.

Thaburi 2:12

mûgooceni mwînyivîtie, nîguo ndakarakare na îvenya, mûkua mûtakinyitie. Kûrathimwa nî andû onthe arîa mathiîcaga kûrî Ngai amagitîre.

Thaburi 76:7

Nwatî we Ngai, wîtigîrîtwe nî andû onthe. Gûtirî mûndû ûngîrûngama mbere yaku rîrîa wî mûrakaru.

Isaia 63:4

Nînatuire na ngoro yakwa atî mûthenya wa kwîrîvîrîria nî mûkinyu, na vîndî ya gûkûûra andû akwa nî nginyu.

Jeremia 30:7

Nama mûthenya ûcio nî mûnene, gûtirî mûthenya wîngî ta guo, nî mûthenya wa kîeva kûrî andû a Jakovu; kûnarî ûguo nîmakavonokua kuuma thînarî ûcio.”

Joeli 1:15

Kaî twî na thîna-î; mûthenya ûcio wa Ngai-Mûnene nîûkîte; ûkîte vamwe na maûndû ma gûcûkangia, kuuma kûrî Ngai-Mûnene.

Joeli 2:1

Vuvani karumbeta mûrî Zayuni; ugîrîriani mûrî kîrîmarî gîakwa kîthuure! Tigani andû onthe a Juda mainaine, nîûndû mûthenya wa Ngai-Mûnene nîûkîte, ûrî vakuvî mûno.

Joeli 2:11

Ngai-Mûnene nîathaga athigari ake, athigari ake nî engî mûno, arîa mamwathîkagîra nî eengî mûno. Mûthenya wa Ngai-Mûnene nî mûnene na nîwakûmakania, nîûrîkû ûngîvota kûwîtirîria?

Joeli 2:31

Riûa nîrîgakûnîkwa rire, naguo mweri nîûgatunîva ta nthakame, mbere ya mûthenya wa Ngai-Mûnene ûkinya.

Nahumu 1:6

Nû ûngîvota gwîtirîria marakara ma Ngai-Mûnene? Nû ûngîvota gwîtirîria ûrûrû wa marakara make? Mang'ûrîka make metûrûragwa ta mwaki; na nîenyûrangaga mathiga inuku.

Malaki 3:2

Nwatî nîûrîkû ûkavota kûmîrîria mûthenya ûrîa agaûka? Nîûrîkû ûkaûmîrîria vîndî îrîa akeyumîria? Nîûndû ke ekariî ta mwaki mûnene ûrîa ûtheragia cuuma, kana ta thabuni îrî na vinya îrîa îthambagia nguo ikathera mûno.

Luka 21:36

Îkaragani mwîvarîrîtie vingo cionthe na mûkîvoyaga, nîguo mûgîe na vinya wa kûmîrîria maûndû monthe marîa marî vakuvî gwîkîka, na mûgîe vinya wa kûrûngama mbere ya Mûrû wa Mûndû.”

Aroma 2:5

Nwatî we ûrî na ngoro nyûmû na nîûregete kwîrira. Kwoguo nîûreîngîvîria îvera rîaku rîrîa rîgaakinya mûthenya ûrîa marakara ma Ngai na îtua rîake rîa ma rîkaguûranîrua.

Juda 1:6

Taririkanani araika arîa maaregire wathani ûrîa maavetwe, nwatî magîtiganîria ciîkaro ciao. O maigîtwe ndumarî, movetwe na mînyororo tene na tene, nîguo Ngai akaamatuîra Mûthenya ûcio mûnene.

Kûguû 11:18

Andû a ndûrîrî nîmaang'ûrîkire nîûndû îvinda nîrîkinyu rîa kwonania marakara maku, na îvinda rîa gûtuîra arîa akuû. Îvinda nîrîkinyu rîa kûva ndungata ciaku iveo na nîo arathi, andû arîa atheru, arîa onthe magwîtigagîra anene wa na arîa anini. Îvinda nîrîkinyu rîa kûûraga arîa macûkangagia nthî!”

Kûguû 16:14

Ngoma icio nî ndaimono irîa irî na vinya wa kûringa ciama. Nacio ngoma icio nîciathiîcaga kûrî athamaki onthe a nthî, ikamareta vamwe nîûndû wa mbaara ya mûthenya ûrîa mûnene wa Ngai mwene vinya wonthe.

1Sam 6:20

Kwoguo andû a Bethi-shemeshu nîmaaûririe atîrî, “Nî ûrîkû ûngîvota kûrûngama mbere ya Ngai-Mûnene. Ngai ûyû mûtheru? Nîtûmûvira kû nîguo atûthengutîre?”