Kûguû 3:2 - ÎVUKU RÎA ÛVORO MWARO

² Kwoguo ûkîrani na mwîkîre maûndû marîa matigarîte vinya mbere ya makua viû. Nie nîmonete atî ciîko cienyu tînginyanîru methorî ma Ngai wakwa.

Kûguû 3:2 ပူးပေါင်းရင်းမြစ်များ

1Atha 11:4

Vîndî îrîa Solomoni aakûrire, aka acio ake nîmaatûmire agarûrûke na agooce ngai cia kûndû kwîngî. Ke ndaarî mwîvokeku kûrî Ngai-Mûnene, Ngai wake ta ûrîa îthe Daudi eekariî.

1Atha 15:3

Nîwekire mevia monthe ta marîa meekagwa nî îthe, na ndaarûmîrîra Ngai-Mûnene, Ngai wake na ngoro yonthe ta ûrîa îthe Daudi, îthe eekaga.

2Maû 25:2

Amazia nîwekire maûndû marîa maakenagia Ngai-Mûnene, nwatî ndaamekaga na ngoro yonthe.

Ayubu 16:5

Nîngîrî kûmûva ciugo cia kûmûmîrîria, na mîario yakwa ya kûmûmîrîria nîîngîramûva thayû.

Isaia 35:3

Ongererani vinya njara icio icunjurîte, na mwongerere vinya maru mau maregerû.

Isaia 56:10

Atongoria ao onthe nî atumumu, onthe matirî na ûmenyo; onthe mekariî ta ngui irîa itagambaga, itingîkûûma; nwakwa marotaga mamamîte nthî, mendete mûno kûgocerera!

Isaia 57:12

Nie nîngaaumbûrîra andû ûvoro wa ûthingu wenyu na mawîra menyu, nwatî mîvuanano yenyu ndîkaamûguna.

Ezek 34:16

“Ng'ondu irîa ciûrîte nîngaaicaria, na irîa inyaganîtie nîngaaicokanîrîria vamwe. Irîa ikûthua nîngaaciova na mbîkîre vinya irîa itarî na vinya. Nwatî irîa noru na irî na vinya nîngaaicûkangia nîûndû nie ndîthagia na kîvooto.

Danieli 5:27

TEKELI nî kuga, atî we wî mûthime na ratiri ûkoneka ûtarî mwagîrîru.

Zakaria 11:16

Nînthurîte mûrîthi gûkû vûrûrirî. Mûrîthi ûcio ndamenyagîrîra ng'ondu irîa igûkua, kana irîa ciûrîte, kana ova irîa munîku, kana arîthia irîa irî na vinya. Vandû va ûguo, athînjaga na akarîa nyama cia ng'ondu irîa noru na agaatûranga mavûngû ma cio.

Mathaayo 23:5

Mekaga maûndû mao monthe nîguo monwe nî andû. Nîmaramagia ithitû ciao na nîmaracavagia mîcivi ya nguo ciao!

Mathaayo 25:13

Nake Jesû akîrîkîrîria nîwamerire atîrî, “Îkaragani mwîmenyererete nîûndû mûtiîcî mûthenya kana îthaa.

Mathaayo 25:7

Nao erîtu acio nîmaaûkîrire na makîambatia ndambi cia taa ciao.

Ciîko 18:23

Na vuva wa gwîkara kuo kwa îvinda rîîgana ûndû mûna, nîwaumire kuo na akîthiî avîtûkîrîrîte vûrûrirî wa Galatia na Furîgia akîûmagîrîria arutwa onthe.

Gûco 3:28

Atha Joshua na ûmûmîrîrie na ûmwîkîre vinya; nîûndû nîke ûgûtongoria andû aya nginya maringe na megwatîre vûrûri ûcio ûkwona.’

1Pet 4:7

Îthirîro rîa indo cionthe rîrî vakuvî. Îkaragani mwîîguîte na mwîvarîrîtie, nîguo mûvotage kûvoya.

1Pet 5:8

Îkaragani mwîîguîte na mwîvarîrîtie! Nthû yenyu, na nîke Ngoma, araûrûra akîraramaga ta mûnyambû agîcaragia mûndû wa gûcûkangia.

Kûguû 16:15

“Tathikîrîriani! Nie nîmbûka ta mwîi! Kûrathimwa nî mûndû ûrîa wîkaraga atarî toro, na avarîrîtie nguo ciake, nîguo ndakathiîcage arî njaga na aconoke nî andû!”

Kûguû 2:4

Nwatî nîrî na ûndû nîramûcukîra: mue nîmwatiganîrie wendani ûrîa mwarî naguo mbere.

Kûguû 3:1

“Andîka kûrî mûraika wa kanitha ûrîa ûrî Saridi atîrî: “Îno nîyo ndûmîrîri kuuma kûrî ûrîa wathaga maroho mûgwanja ma Ngai na ûrîa ûnyitîte njata mûgwanja. Nie nîmbîcî ciîko cienyu. Nîmbîcî mwonekaga takwa mûrî mwoyo, nwatî mûrî akuû.

Kûguû 3:3

Ta ririkanani maûndû marîa mwathomithirue na marîa mwegwire. Marûmagîrîreni na mwîrire. Ethîrwa mue tî mûkîra, nie ngaûka kûrî mue ta mwîi na mûtikaamenya îthaa rîrîa ngaûka.