Kûguû 3:18 - ÎVUKU RÎA ÛVORO MWARO

¹⁸ Kwoguo nie nîragûtaara ûgûre thaavu kuumana nanie îrîa ntherie na mwaki nîguo ûtonge. Wana ûgûre nguo cia rangi njerû kuuma kûrî nie nîguo wîkîre na ûtige kwîgua nthoni cia kwonekana ûrî njaga, na ûgûre ndawa ya gwîkîra metho nîguo ûvote kwona.

Kûguû 3:18 ပူးပေါင်းရင်းမြစ်များ

Thaburi 107:11

nîûndû nîmaareganîte na mawatho ma Ngai, na makaira mataaro ma Ûrîa ûrî Îgûrû Mûno.

Thaburi 16:7

Nîngumagia Ngai-Mûnene nîûndû nîandongoragia, na ûtukû thamiri ciakwa nîindaaraga.

Thaburi 32:8

Ngai-Mûnene augîte atîrî, “Nîngûkwonia njîra îrîa wagîrîrwe nî kûrûmîrîra, nî ngûthomithia na ngûmenyerere.

Thaburi 73:24

We nîûndongoragia na mataaro maku, na mûthiiarî nîûkaanyamûkîra na gîtîîo.

Nthi 1:25

Mue nîmûregete ûtaaro wakwa wonthe, na nîmûregete gwîtîkîra ngîmûkaania.

Nthi 1:30

na nîmwareganire na ûtaaro wakwa, na mûkînyarara maûndû monthe marîa namûkaanirie.

Nthi 19:20

Thikagîrîria ûgîtaarwa na ûrûmagîrîre ûrîa ûkûthomithua, nîguo vuvarî ûkaagîa na ûûgî.

Nthi 23:23

Gûra ûma na ndûkawendie, gûra ûûgî, kîrîra na ûmenyo.

Mûvunjia 8:2

Athîkagîra mawatho ma mûthamaki, na nîûndû wa mwîvîtwa waku mûtheru ndûkaûrwe nî vinya.

Isaia 47:3

Andû nîmakoona njaga yaku, na nîmakoona gîconoko gîaku. Nie nîngerîvîrîria na ndikeguîra mûndû wanarî ûmwe ntha.”

Isaia 55:1

Ngai-Mûnene arauga atîrî, “Mue muonthe arîa anyondu ûkani mûnyue manjî! Ûkani, wanamue mûtarî na mbeca, gûrani irio mûrîe! Ûkani! Gûrani ndivei na îriia, mûtarî na mbeca na mûtarî kîndû!

Jeremia 13:26

Nie nîngûkûnja nguo nginya kîongo, na njaga yaku nîîkonekana.

Danieli 12:2

Andû eengî arîa makethîrwa marî mbîrîrarî nî makaariûka, amwe magîe na mwoyo wa tene na tene, nao acio engî matûûre manyamarîkaga.

Mika 1:11

Mue andû a Shafiri, umagarani mûrî njaga na mûconokete, atûûri a Zaanani mûtikaume nja ya îtûûra rîenyu. Andû a Bethezeli nîmararîra, matirî na kûndû gwa kûûrîra.

Nahumu 3:5

Ngai-Mûnene mwene vinya wonthe arauga atîrî, “Nîngûkûverithia we Nineve! Nîngûkûruta nguo wîthîrwe wî njaga, na ndûme andû a mavûrûri moone njaga yaku, na mothamaki moone gîconoko gîaku.

Malaki 3:3

Ke agaûka gûtûtuîra ta mûndû ûrîa ûthambagia na akatheria sîlûva. Nîakaatheria njiarwa cia Lawi, ta mûndû ûrîa ûtheragia thaavu kana sîlûva, nginya rîrîa makarutîra Ngai-Mûnene îgongoona rîrîa rîngîtîkîrîka.

Mathaayo 13:44

“Ûthamaki wa îgûrû wîkariî ta mûthithû ûthithîtwe mûgûndarî. Mûndû ûmwe nîwonire mûthithû ûcio na akîûthitha mûgûndarî ûcio rîngî. Ke nîwakenire mûno na akîthiî akîendia indo ciake cionthe na akîgûra mûgûnda ûcio.

Mathaayo 25:9

Nwatî erîtu acio maarî aûgî nîmaamacokerie atîrî, ‘Naarî, maguta marîa tûrî namo matingîtwîgana na mamwîgane. Thiîni ndukarî mûkagûre menyu.’

Luka 12:21

“Ûguo nwa ta guo gwîkaraga vîndî îrîa mûndû eigîra mûthithû ûrîa ûtarî wa ndûmîrîri ya Ngai.”

2Akor 5:3

Na twarîkia kûmîkîra tûtigaacoka kwonwa tûrî njaga.

2Akor 8:9

Mue nîmwîcî wega wa Mwathani wetû Jesû Kristû. Wana ethîrwa aarî mûtongu, ke nîwetwire mûthîni nîûndû wenyu nîguo atûme mûtuîke atongu na njîra ya ûthîni wake.

1Tim 6:18

Atha itonga ituîke andû aro na ituîke itonga cia mawîra marîa maro. Maathe matuîke andû ataana na andû a kûgaana indo ciao na andû arîa engî.

Jakuvu 2:5

Tathikîrîriani arata akwa ende! Ngai aathuurire andû arîa athîni gûkû nthî nîguo matuîke itonga cia wîtîkio na magae ûthamaki ûrîa Ngai erîîre arîa mamwendete.

1Pet 1:7

Mworoto wa magerio mama monthe nî kwonania atî wîtîkio wenyu nî wa ma. Wana nginya thaavu îgeragua na mwaki nîguo yonekane kana nî mbaro. Kwoguo wîtîkio wenyu ûrîa wî vata gûkîra thaavu, nwanginya ûgerue nîguo wonekane kana nî wa ma. Namue nîmûgaacoka kûgîa na ûkumio, riiri na gîtîîo vîndî îrîa Jesû Kristû akaaguûrua.

Kûguû 16:15

“Tathikîrîriani! Nie nîmbûka ta mwîi! Kûrathimwa nî mûndû ûrîa wîkaraga atarî toro, na avarîrîtie nguo ciake, nîguo ndakathiîcage arî njaga na aconoke nî andû!”

Kûguû 19:8

Ke nîmûnengere nguo mbaro ya hariri îravenavenia ya gwîkîra.” (Nguo mbaro nî ciîko mbaro irîa andû a Ngai mekaga.)

Kûguû 2:9

Nie nîmbîcî mathîna maku na nîmbicî maûndû macûku marîa andû amwe maragia mamwîgiî. O maugaga nî Ayahudi nwatî tî Ayahudi a ma. O nî gîkundi Kîam andû a Caitani!

Kûguû 3:17

We uugaga atîrî, ‘Ûrî mûtongu na ûrî na indo nyîngî na gûtirî na kîndû ûvatarîte.’ Nwatî we ndûramenya ûrîa ûrî mûkîa na wagîrîrwe nî kwîguîrwa ntha! We ûrî mûthîni, ûrî njaga na ûrî mûtumumu.

Kûguû 4:4

Navo vaarî na itî ciîngî mîrongo îîrî na inya cia ûthamaki ciathiûrûrûkîrîtie gîtî kîu Kîam ûthamaki. Nao athuuri mîrongo îîrî na ana nîmaaciîkarîrîte. Athuuri acio meekîrîte nguo cia rangi njerû na ciongorî ciao maarî na nthûmbî cia thaavu.

Kûguû 7:13

Nake ûmwe gatagatîrî ka athuuri acio nîwambûririe atîrî, “Andû aya mekîrîte nguo cia rangi njerû nî arîkû na nî a kuuma kû?”