Kûguû 3:17 - ÎVUKU RÎA ÛVORO MWARO

¹⁷ We uugaga atîrî, ‘Ûrî mûtongu na ûrî na indo nyîngî na gûtirî na kîndû ûvatarîte.’ Nwatî we ndûramenya ûrîa ûrî mûkîa na wagîrîrwe nî kwîguîrwa ntha! We ûrî mûthîni, ûrî njaga na ûrî mûtumumu.

Kûguû 3:17 ပူးပေါင်းရင်းမြစ်များ

Kîam 3:7

Na maarîa, metho mao oîrî nîmaavingûkire. Nao nîmaamenyire atî maarî njaga. Nao nîmaatumanirie mathangû ma mîkûyû magîîkunîkîra namo.

Ntha 32:35

Kwoguo Ngai-Mûnene nîwatûmire kûgîe na mûthiro kûrî andû nîûndû nîmaatûmire Aroni arûtha njaû ya ndegwa ya thaavu.

Nthi 13:7

Andû amwe metucaga itonga, nwatî matirî kîndû. Engî metucaga athîni, nwatî marî ûtonga mwîngî.

Nthi 30:9

nîguo ndikavae ngûkaane, na mbûrie atîrî, “Ngai-Mûnene nîke û?” Kana nthîne na nthiî ngaîe njonorithie rîîtwa rîaku.

Isaia 42:19

Nû mûtumumu tiga ndungata yakwa, kana gîtaigua ta mûnjaama ûrîa ndûmaga? Nû mûtumumu ta mûndû ûrîa nîyamûrîrîte, kana ta mûtumumu ndungata ya Ngai-Mûnene?

Jeremia 2:31

Mue rûciaro rûrû, thikîrîriani ciugo cia Ngai-Mûnene. Nîkwa mbîthîrîtwe mbîkariî ta werû kûrî andû a Isiraeli, kana vûrûri ûrî na nduma nene? Nîndûî vi gîtûmaga andû akwa mauga atî, “Tûrî na wîathi na tûtigaûka kûrî we rîngî?”

Hosea 12:8

Efiraimu etîîaga akiugaga atîrî: “Nie nî mûtongu! Nînîcarîrîtie ûtonga mwîngî mûno! Gûtirî mûndû ûngiuga atî nagîre ûtonga ûyû na njîra ya maveeni, nie ndianaîa!”

Zakaria 11:5

Arîa maigûrîte maithînjaga na mativerithagua, na rîrîa megûciendia maugaga atî, ‘Ngai-Mûnene arogoocwa, nînatonga,’ na arîthi a cio o ene maticiîgucagîra ntha.”

Mathaayo 5:3

“Kûrathimwa nî arîa mecî nîmavatarîte ûtethio wa Kîîroho, nîûndû Ûthamaki wa Îgûrû nî wao!

Mathaayo 9:12

Nwatî rîrîa Jesû eegwire ûrîa Afarisai maaûragia nîwamacokerie atîrî, “Andû arîa arwaru nîo mavataraga ndagîtarî, nwatî tî arîa matarî arwaru.

Luka 1:53

Arîa avûtu nî amavaithîtie na indo mbaro, na akengata itonga ithiî njara ntheri.

Luka 6:24

“Na kaî mue andû arîa atongu rîu mûrî na thîna-î! Nîûndû mue mûrî anyitu kîrîa kîmwîganaga ûtûûrorî wenyu.

Aroma 11:20

Nî ûvoro wa ma. Mvûa ciakavûrangirwe nîûndû itietîkia na mue mwîthagîrwa mûrî gîcunjî Kîam mûtî ûcio nîûndû nîmwîtîkîtie. Nwatî ndûgetîîe nîûndû wa ûguo, vandû va ûguo îîtigîreni.

Aroma 11:25

Ariû na aarî a îthe wetû, nie nînîrenda kûmûmenyithia ûma ûrîa mûthithe nîguo mûtigekare mûkîîraga na ngoro cienyu atî mûrî aûgî mûno. Ûma ûcio nî atî ûremi wa andû amwe a Isiraeli tî wa gûtûûra, nwatî ûkethagîrwa vo tu nginya rîrîa andû onthe a Ndûrîrî magaûka kûrî Ngai.

Aroma 12:3

Nîûndû wa wega ûrîa naveerwe nî Ngai, muonthe nîramwîra atîrî: Mûtigetue anene gûkîra ûrîa mwagîrîrwe nî kwîthîrwa mûrî. Vandû va ûguo îthagîrwani mûrî na meciria matarî ma mwîtîîo, kûringana na wîtîkio ûrîa Ngai avete wa mûndû wa mûndû.

Aroma 7:24

Kaî nîrî mûndû mûthînîku-î! Nû ûngîndethûra kuuma mwîrîrî ûyû wa gîkuû?

2Pet 1:9

Nwatî mûndû wa wonthe ûtarî na maûndû mau nî mûtumumu, na nîmûriganîre atî nîwathambirue mevia make marîa aarî namo tene.

Kûguû 16:15

“Tathikîrîriani! Nie nîmbûka ta mwîi! Kûrathimwa nî mûndû ûrîa wîkaraga atarî toro, na avarîrîtie nguo ciake, nîguo ndakathiîcage arî njaga na aconoke nî andû!”

Kûguû 2:9

Nie nîmbîcî mathîna maku na nîmbicî maûndû macûku marîa andû amwe maragia mamwîgiî. O maugaga nî Ayahudi nwatî tî Ayahudi a ma. O nî gîkundi Kîam andû a Caitani!

Kûguû 3:16

Kwoguo nîûndû mue mûrî araru, mûtirî aviû kana akiru mvevo, nîngûmûtuîra nthî muume kanyuarî gakwa.