Kûguû 3:12 - ÎVUKU RÎA ÛVORO MWARO

¹² Arîa makavootana, nîngaamatua itugî cia hekarû ya Ngai wakwa na matikaauma kuo. Nîngaamandîka rîîtwa rîa Ngai wakwa na nîmandîke rîîtwa rîa îtûûra rîa Ngai wakwa. Îtûûra rîu nîrîo Jerusalemu njerû, îrîa îkanyûrûrûka. Îkanyûrûrûka kuuma îgûrû kûrî Ngai wakwa wana nîngaamandîka rîîtwa rîakwa rîcerû.

Kûguû 3:12 ပူးပေါင်းရင်းမြစ်များ

1Atha 7:21

Hiramu nîwarûngamirie itugî icio cia gîcango kîthakurî Kîam hekarû: Gîtugî kîrîa Kîamrûngamirue mwena wa îveti gîetirwe Jakini, nakîo kîrîa Kîamrûngamirue mwena wa rûgûrû gîetirwe Boazu

Thaburi 46:4

Kûrî na rûnjî rûretage gîkeno îtûûrarî rîa Ngai, hekarûrî ya Ngai ûrîa ûrî Îgûrû Mûno.

Thaburi 48:8

Nîtweguire maûndû marîa Ngai ekîte, na rîu nîtwonete tue ene, îtûûrarî rîa Ngai wetû, Ngai-Mûnene, mwene vinya wonthe; Ngai nîatûûra arîgitagîra tene na tene.

Thaburi 87:3

We îtûûra rîa Ngai, thikîrîria maûndû ma magegania marîa makwîgiî,

Isaia 62:2

Ndûrîrî nîikoona ûthingu waku, nao athamaki onthe moone riiri waku. Nawe nîûgetwa rîîtwa rîngî rîcerû, rîîtwa rîrîa Ngai-Mûnene ke mwene agaakûva.

Isaia 65:15

Andû akwa arîa nthuurîte magaatûmagîra rîîtwa rîenyu rîrîa makwenda mûnyitwe nî kîrumi. Makaaugaga atî: ‘Nie Mwathani Ngai-Mûnene nîngûmûraga.’ Nwatî nîngaava ndungata ciakwa rîîtwa rîcerû.

Jeremia 1:18

Taroria, ûmûnthî nîngûgûtua îtûûra ririgîre, gîtugî gîa cuuma na rûthingo rwa gîcango, nîguo wîtîkîre atongoria onthe a vûrûri, athamaki a Juda, anene onthe, athînjîri-Ngai onthe, na andû onthe a vûrûri ûcio matigakûvoota.

Ezek 40:49

Kwarî na ngathî mûndû aatûcaga nîguo akinye kanyombarî ka gûtonya hekarûrî. Ngathî icio ciarî cia wariî wa mita îkûmi (10) na ûraca wa mita ithathatû (6). Kwarî na itugî cia mathiga mîena yoîrî ya kîvingo, kîmwe mwena ûyû na kîu kîngî mwena ûcio wîngî.

Ezek 48:35

Ûraca wa rûthingo rwa îtûûra rîu mîena yonthe îna rûkethîrwa rûrî rwa mita ngiri kenda (9,000). Îtûûra rîu kuuma vîndî îo rîgetagwa, “Ngai-Mûnene arî ava.”

Maariko 12:16

Nao nîmaamûnengere mbeca, na akîmaûria atîrî, “Mbica îno, na rîîtwa rîîrî nî cia û?” Nao nîmaamûcokerie atîrî, “Nî cia Mûthamaki wa Roma.”

Agal 2:9

Nao Jakuvu, Petero na Johana, arîa moonekaga marî atongoria nîmaamenyire waro viû atî Ngai nîwamveete wîra ûyû wa mwanya. Kwoguo nîmaakethirie Baranaba na makîngethia. Ngethi ciao ciarî ta kîonereria gîa atî tuonthe tûrutaga wîra ûmwe. Nîtwetîkanirie atî Baranaba nanie tûrute wîra gatagatîrî ka andû a Ndûrîrî, nao marute wîra gatagatîrî ka Ayahudi.

Aefeso 3:15

na nîûndû wake mîciî yonthe ya îgûrû na ya nthî îthagîrwa îrî kuo na ma.

Ahib 12:22

Vandû va ûguo, nîmûkinyîte kîrîmarî gîa Zayuni îtûûrarî înene rîa Ngai ûrîa ûtûûraga mwoyo. Nîmûkinyîte Jerusalemu îtûûra rîa îgûrû kûrîa kûrî araika ngiri nyîngî.

Ahib 13:14

Nîûndû gûkû nthî tûtirî na îtûûra înene rîa gûtûûra tene na tene, nîgûcaria tûcaragia îtûûra înene rîrîa rîgaaûka.

1Joh 4:4

Nwatî mue ciana ciakwa mûrî a Ngai, na nîmûvootete arathi a maveeni. Nîûndû Roho ûrîa mûrî naguo ûrî na vinya gûkîra roho ûrîa wîthagîrwa ûrî gûkû nthî.

Kûguû 14:1

Ngîcoka ngîroria ngîona Gatûrûme arûngamîte kîrîmarî gîa Zayuni îgûrû. Na vau aarî vaarî na andû ngiri îgana na mîrongo îna na inya. Acio nî arîa maarî na rîîtwa rîake na rîa îthe mandîkîtwe mothiûrî mao.

Kûguû 17:14

Athamaki acio na nyamû nîmakaarûa na Gatûrûme. Nake Gatûrûme arî vamwe na arîa Ngai etîte, akamathuura na nî arûmîrîri evokeku, nî akaamavoota, nîûndû ke nî Mwathani wa aathani na Mûthamaki wa athamaki.”

Kûguû 2:11

Mûndû wa wonthe ûrî na matû ma kwîgua, nîathikîrîrie ûrîa Roho arera makanitha! “Arîa makaavootana matigekwa ûndû mûcûku nî gîkuû gîa kaîrî.

Kûguû 2:17

“Mûndû wa wonthe ûrî na matû ma kwîgua, nîathikîrîrie ûrîa Roho areera makanitha! “Arîa makaavootana nie nîngaamava mamwe ma maana marîa mathithe. Nie nîngaava wa ûmwe wa ciao îthiga rîa rangi njerû rîandîkîtwe rîîtwa rîcerû. Rîîtwa rîu rîtikethîrwa rîcîkene nî mûndû wîngî tiga ûrîa ûkaarîamûkîra.

Kûguû 2:7

“Mûndû wa wonthe ûrî na matû ma kwîgua, nîathikîrîrie ûrîa Roho arera makanitha! “Arîa makaavootana nîngaametîkîria marîe matunda ma mûtî wa mwoyo ûrîa ûrî mûgûndarî wa Ngai.

Kûguû 21:2

Nînoonire îtûûra rîrîa rînene rîtheru, na nîrîo Jerusalemu njerû, rîkînyûrûrûka kuuma îgûrû kwî Ngai. Narîo rîagemetue ta ûrîa mûviki egemagia nîguo agatûnge mûthuuriwe.

Kûguû 22:4

Nao nîmakoona ûthiû wa Ngai, na rîîtwa rîake nî rîkaandîkwa mothiûrî mao.

Kûguû 3:5

Arîa makaavootana nîmageekîra nguo cia rangi njerû wata andû acio. Na nie ndikaavuta marîîtwa mao îvukuurî rîrîa Ngai andîkîte marîîtwa ma andû arîa makaavewa mwoyo wa tene na tene. Nie nîngaarûngama mbere ya vava na araika ake mbuge atî nî akwa.