Kûguû 22:8 - ÎVUKU RÎA ÛVORO MWARO

⁸ Nie Johana, nînegwire na ngîona maûndû mama monthe. Na rîrîa narîkirie kûmegua na kûmona, nie nînegwîthirie nthî magûrûrî ma mûraika ûrîa wamonetie maûndû mama, nîguo nîmûgooce.

Kûguû 22:8 ပူးပေါင်းရင်းမြစ်များ

Danieli 2:46

Mûthamaki Nebukadinezarû nîwaturumithirie ûthiû wake nthî na akîathana Danieli arutîrwe iveo cia irio na ûbani.

Ciîko 10:26

Nwatî Petero nîwamûtethererie kûrûngama na akîmwîra atîrî, “Rûngama; Wa nanie nîrî mûndû.”

Kûguû 1:1

Îvuku rîîrî nî mûtaratara wa maûndû marîa Jesû Kristû aaguûririe. Ngai aamûveere kûguûrîrua gûkû, nîguo onie ndungata yake maûndû marîa maarî nwa nginya mekîke narua. Nake Kristû nîwatûmire mûraika wake akamenyithie ndungata yake Johana,

Kûguû 1:4

Nie Johana nîrandîkîra makanitha marîa mûgwanja marî vûrûrirî wa Îsia: Gîa na wega na thayû kuuma kûrî Ngai, ûrîa ûrî kuo, warî kuo, na ûrîa ûgaûka, na kuuma kûrî maroho mûgwanja marîa marî mbere ya gîtî gîake Kîam ûthamaki,

Kûguû 19:10

Nînegwîthirie nthî mbere yake nîmûgooce, nwatî ke nîwambîrire atîrî, “Tiga gwîka ûguo! Nie ndungatagîra Ngai wa tawe na etîkia arîa engî onthe evokeku. Acio nî arîa marûmagîrîra ûira wa Jesû. Goocani Ngai arî ke!” Nîûndû ûira ûrîa ûguûragwa nî Jesû nîguo ûtûmaga arathi manîrîre ndûmîrîri ya ûkristiano.

Kûguû 19:19

Nînacokire ngîona nyamû na athamaki a nthî na mbûtû ciao cia athigari a mbaara. Nao maagomanîte nîguo marûe na ûrîa wathiîte ekarîrîte mbarathi ya rangi njerû na mbûtû yake ya athigari a mbaara.