Kûguû 22:19 - ÎVUKU RÎA ÛVORO MWARO

¹⁹ Nake mûndû wa wonthe ûkaaruta kîndû ûrathirî ûrîa ûrî îvukuurî rîîrî, Ngai nî akaamûcuuna îgai rîa matunda ma mûtî wa mwoyo, na amûcune îgai rîrîa rîrî îtûûra rîrîa rînene rîtheru. Irathimo icio nîciarîtue ûvoro wacio îvukuurî rîîrî.

Kûguû 22:19 ပူးပေါင်းရင်းမြစ်များ

Thaburi 69:28

Marîîtwa mao marorutwa îvukuurî rîa arîa marî mwoyo, matigataranîrue na andû arîa athingu.

Ntha 32:33

Ngai-Mûnene nîwacokerie Musa atîrî, “Andû arîa meevirie nîo ngaavuta marîîtwa mao îvukuurî rîakwa.

Nthi 30:6

Ndûkongerere ûndû kûrî ûndû ûrîa augîte, nîguo ndagagûkaanie na wonekane ûrarîtie maveeni.

Luka 11:52

“Na kaî mue arimû a watho mûrî na thîna-î! Nîûndû mue mûrî aigu cavi îrîa îrugûraga mûrango wa gûtonya nyombarî îrîa andû magîcagîra ûmenyo. Mue mûtirî atonyu nyombarî îo na nwakwa mûragirîrîria andû arîa marenda gûtonya!”

Gûco 12:32

“Menyagîrîrani mwîkage maûndû monthe marîa ngûmwatha; mûtikongerere kana mûrute wanarî ûndû.

Gûco 4:2

Mûtikongerere kana mûrute ûndû wanarî ûmwe kûrî maûndû marîa ngûmwatha. Athîkagîra maathani ma Ngai-Mûnene, Ngai wenyu marîa nîmûvete.

Kûguû 1:3

Kûrathimwa nî mûndû ûrîa ûthomaga îvuku rîîrî, na kûrathimwa nî arîa mathikagîrîria ciugo cia ûrathi ûyû, na makathîkîra ûrîa kwandîkîtwe îvukuurî rîîrî! Nîûndû kavinda karîa maûndû mama mageekîka karî vakuvî.

Kûguû 11:2

Nwatî ndûkathime kîvaro kîrîa kîrî nja ya hekarû. Ndûgakîthime nîûndû nîkîvecanîtwe kûrî andû a ndûrîrî. Andû acio nîmakaathiga Îtûûra rîrîa rîtheru vandû va mîeri mîrongo îna na îîrî.

Kûguû 13:8

Andû onthe arîa matûûraga nthî nîmakaagooca nyamû îo. Nwatî andû arîa marîîtwa mao maandîkirwe îvukuurî rîa mwoyo mbere ya nthî yûmbwa matikaamîgooca. Îvuku rîu nî rîa Gatûrûme karîa kaaûragirwe.

Kûguû 14:13

Ngîcoka ngîgua mûgambo kuuma îgûrû ûkiuga, “Andîka atîrî: Kûrathimwa nî arîa kuuma rîu magaakucaga marî wîrarî wa Mwathani!” Nake Roho mûtheru arauga atîrî, “Na ma o nîarathime, nîguo manogoke kuuma kûrî mawîra marito, nîûndû ciîko ciao nîimaumaga vuva.”

Kûguû 2:11

Mûndû wa wonthe ûrî na matû ma kwîgua, nîathikîrîrie ûrîa Roho arera makanitha! “Arîa makaavootana matigekwa ûndû mûcûku nî gîkuû gîa kaîrî.

Kûguû 2:26

Arîa makûvootana, arîa makûthiî na mbere gwîka wendi wakwa nginya mûthiia nîngaamava wathani wa kwatha ndûrîrî.

Kûguû 2:7

“Mûndû wa wonthe ûrî na matû ma kwîgua, nîathikîrîrie ûrîa Roho arera makanitha! “Arîa makaavootana nîngaametîkîria marîe matunda ma mûtî wa mwoyo ûrîa ûrî mûgûndarî wa Ngai.

Kûguû 21:2

Nînoonire îtûûra rîrîa rînene rîtheru, na nîrîo Jerusalemu njerû, rîkînyûrûrûka kuuma îgûrû kwî Ngai. Narîo rîagemetue ta ûrîa mûviki egemagia nîguo agatûnge mûthuuriwe.

Kûguû 21:5

Nake ûrîa wîkaragîra gîtî Kîam ûthamaki nîwaugire atîrî, “Taroria, nie nîrathondeka maûndû monthe matuîke macerû!” Wana rîngî nîwambîrire atîrî, “Andîka maûndû mama, nîûndû ciugo ino nî cia kwîvokeka na nî cia ma.”

Kûguû 22:12

Nake Jesû arauga atîrî, “Tathikîrîriani, nîmbûka warîu! Nie nîmbûka na iveo ciakwa nîguo mve wa mûndû kûringana na ûrîa ekîte.

Kûguû 22:2

Rwanyûrûrûkîte rûthiîrîrîte gatagatî ka varavara ya îtûûra rîu rînene. Mîena yoîrî ya rûnjî rûu nîkwamerete mûtî wa matunda ma mwoyo. Mûtî ûcio nîûciaraga matunda maita îkûmi na maîrî wa mwaka, na riita rîmwe wa mweri. Namo mathangû ma mûtî ûcio nîmatumagîrwa nî andû a ndûrîrî cionthe kûvonia mîrimû.

Kûguû 22:7

“Tathikîrîria, nîmbûka warîu! Kûrathimwa nî mûndû ûrîa wathîkagîra ûrathi ûrîa ûrî îvukuurî rîîrî!” Ûguo nîguo Jesû arauga.

Kûguû 3:12

Arîa makavootana, nîngaamatua itugî cia hekarû ya Ngai wakwa na matikaauma kuo. Nîngaamandîka rîîtwa rîa Ngai wakwa na nîmandîke rîîtwa rîa îtûûra rîa Ngai wakwa. Îtûûra rîu nîrîo Jerusalemu njerû, îrîa îkanyûrûrûka. Îkanyûrûrûka kuuma îgûrû kûrî Ngai wakwa wana nîngaamandîka rîîtwa rîakwa rîcerû.

Kûguû 3:21

Arîa makaavootana, nîngaamava rûtha rwa gwîkara mwenarî wakwa gîtîrî gîakwa Kîam ûthamaki wata ûrîa wananie naavootanire na rîu mbîkarîte mwenarî wa Vava gîtîrî gîake Kîam ûthamaki.