Kûguû 22:17 - ÎVUKU RÎA ÛVORO MWARO

¹⁷ Roho Mûtheru na mûviki marauga atîrî, “Ûka!” Mûndû ûrîa ûkwîgua ûndû ûyû nîauge atîrî, “Ûka!” Mûndû ûrîa mûnyondu nîaûke, ûrîa nake ûkwenda nîoce manjî marîa mavecaga mûndû mwoyo atakûrîva kîndû.

Kûguû 22:17 ပူးပေါင်းရင်းမြစ်များ

Thaburi 34:8

Tuîriani mwone atî Ngai-Mûnene nî mwaro. Kûrathimwa nî andû arîa mathiîcaga kûrî ke nîguo amagitîre.

Isaia 12:3

Nîûgaatava manjî ûkenete, kuuma ithimarî cia ûvonokio.”

Isaia 2:3

Andû eengî nîmakaathiî kuo na mauge atîrî, “Ûkani, tunûkie kîrîmarî Kîam Ngai-Mûnene, tûthiîni nyombarî ya Ngai wa Jakovu, nîguo atûthomithie mîthiîre yake, natue tûrûmagîrîre njîra ciake. Nîûndû watho ûkaauma Zayuni, na ndûmîrîri ya Ngai-Mûnene îkaauma Jerusalemu.”

Isaia 2:5

Rîu, mue njiarwa cia Jakovu, ûkani tûthiîre ûtherirî wa Ngai-Mûnene.

Jeremia 50:5

Nîmakaûrîrîria njîra ya kûthiî Zayuni, merekerete kuo makiugaga, ‘Ûkani tûrûthe kîrîkanîro na Ngai-Mûnene kîrîa gîtakaariganîra.’

Ezek 47:1

Mûndû ûrîa nîwanjokirie mûromorî wa hekarû. Vau manjî maumaga na rungu rwa mûromo na makanyûrûrûka mathiîte mwena wa îrathîro (nîûndû hekarû yaroretie mwena wa îrathîro). Manjî manyûrûrûkaga kuuma nthî mwena wa îveti wa hekarû mavîtûkîrîrîte mwena wa îveti wa metha ya kîgongoona.

Mika 4:2

Na andû a mavûrûri mengî nîmakaauga atîrî, “Ûkani tunûkie kîrîmarî Kîam Ngai-Mûnene, tûthiî hekarûrî ya Ngai wa Isiraeli, nîguo agatûthomithie mîthiîre yake, natue tûrûmagîrîre njîra ciake. Nîûndû watho ûkauma Zayuni, na kiugo Kîam Ngai-Mûnene gîkauma Jerusalemu.”

Johana 1:37

Rîrîa arutwa acio aîrî meeguire Johana auga ûguo, nîmaarûmîrîre Jesû.

Johana 4:10

Jesû nîwamûcokerie atîrî, “Kethîrwa nwa ûmenye kîrîa Ngai avecanaga, na nî ûrîkû ûrakûvoya manjî ma kûnyua, we nîûngîamûvoya na nîangîakûva manjî ma mwoyo.”

Johana 4:11

Nake mûndûmûka ûcio nîwamwîrire atîrî, “Mûthuuri ûyû, kîthima nîkîrikîru mûno na we ndûrî na kîndû ûngîtava manjî nakîo. Nîkû ûngîruta manjî ma mwoyo?

Johana 4:14

Nwatî mûndû wa wonthe ûnyunyaga manjî marîa mvecanaga, ndakaanyonda rîngî. Manjî marîa ngûva mûndû ûcio nîmatuîka ta kîthima ndaarî yake kîrîa kîtherûkaga manjî marîa ma mwoyo wa tene na tene.”

Johana 4:29

“Ûkani mûkoone mûndû wambîra maûndû monthe marîa naneka. Nwa kûvoteke ethîrwe ke nîke Mesaya?”

Johana 7:37

Mûthenya ûrîa warî wa mûthiia na wa vata mûno wa kîrugo, Jesû nîwarûngamire na akîanîrîra akiuga atîrî, “Mûndû wa wonthe mûnyondu nîaûke kûrî nie, na anyue,

Aroma 3:24

Nwatî na njîra ya kîveo kîrîa kiumanaga na wega wa Ngai, andû onthe nîmatuîtwe athingu na njîra ya Jesû Kristû ûrîa ûmakûûrîte kuuma meviarî.

1Akor 2:12

Tue tûtiamûkîra roho wa gûkû nthî, nwatî twamûkîre Roho ûrîa umîte kûrî Ngai nîguo tûvotage kûmenya iveo cionthe irîa Ngai atûvete.

Kûguû 14:13

Ngîcoka ngîgua mûgambo kuuma îgûrû ûkiuga, “Andîka atîrî: Kûrathimwa nî arîa kuuma rîu magaakucaga marî wîrarî wa Mwathani!” Nake Roho mûtheru arauga atîrî, “Na ma o nîarathime, nîguo manogoke kuuma kûrî mawîra marito, nîûndû ciîko ciao nîimaumaga vuva.”

Kûguû 2:7

“Mûndû wa wonthe ûrî na matû ma kwîgua, nîathikîrîrie ûrîa Roho arera makanitha! “Arîa makaavootana nîngaametîkîria marîe matunda ma mûtî wa mwoyo ûrîa ûrî mûgûndarî wa Ngai.

Kûguû 21:2

Nînoonire îtûûra rîrîa rînene rîtheru, na nîrîo Jerusalemu njerû, rîkînyûrûrûka kuuma îgûrû kwî Ngai. Narîo rîagemetue ta ûrîa mûviki egemagia nîguo agatûnge mûthuuriwe.

Kûguû 21:6

Nake nîwaugire atîrî, “Maûndû nîmavinga! Nie nînie wa mbere na wa mûthiia, Kîambîrîria na Kîrîkîro. Mûndû wa wonthe mûnyondu nîngaamwîtîkîria anyue manjî kuuma ithimarî irîa ciumaga manjî marîa mavecanaga mwoyo atakûrîva.

Kûguû 21:9

Ûmwe wa araika arîa mûgwanja maarî na mbakûri ciecûrîte mathîna marîa mûgwanja ma mûthiia nîwaûkire kûrî nie. Nîwambarîrie akîmbîra atîrî, “Ûka tûthiî, nanie nîngûkwonia mûviki, mûndûmûka wa Gatûrûme.”

Kûguû 22:1

Mûraika nîwacokire akîmonia rûnjî rwa manjî ma mwoyo. Rûnjî rûu rwaumîte gîtîrî Kîam ûthamaki Kîam Ngai na Kîam Gatûrûme, namo manjî ma ruo maarî matheru na makengaga ta îra.

Kûguû 22:16

“Nie Jesû, nînie ndûmîte mûraika wakwa kûrî mue nîguo anîrîre ndûmîrîri îno kûu makanitharî. Nie nîrî wa rûciaro rwa nyomba ya Daudi. Nie nînie njata îrîa ngengu ya kîraûko.”

Kûguû 7:17

nîûndû Gatûrûme, karîa karî vau gatagatî ka gîtî Kîam ûthamaki nîgagaatuîka mûrîthi wao. Nake nîakaamatongoria amavire ithimarî cia manjî marîa mavecanaga mwoyo. Nake Ngai nîakagiria methori monthe kuuma methorî mao.”