Kûguû 22:1 - ÎVUKU RÎA ÛVORO MWARO

¹ Mûraika nîwacokire akîmonia rûnjî rwa manjî ma mwoyo. Rûnjî rûu rwaumîte gîtîrî Kîam ûthamaki Kîam Ngai na Kîam Gatûrûme, namo manjî ma ruo maarî matheru na makengaga ta îra.

Kûguû 22:1 ပူးပေါင်းရင်းမြစ်များ

Thaburi 46:4

Kûrî na rûnjî rûretage gîkeno îtûûrarî rîa Ngai, hekarûrî ya Ngai ûrîa ûrî Îgûrû Mûno.

Isaia 41:18

Nîngaatûma nyûnjî itherûke kuuma irîmarî irîa itarî kîndû, na ithima cia manjî itherûke kûu Kîamndarî, nîngaatûma kûu werûrî kûgîe maria ma manjî, nakuo nthî nyûmû ndûme kûgîe na ithima cia manjî.

Isaia 48:18

“Naarî kethîrwa nîweguîte maathani makwa! Thayû ûngîakûnyûrûrûkîre ta rûnjî, ûngîagîre na ûthingu mwîngî ta makûmbî ma manjî.

Isaia 66:12

Ngai-Mûnene arauga atîrî, “Ngaava îtûûra rîa Jerusalemu ûtonga mwîngî ta rûnjî, na ûtonga wa ndûrîrî ûgeecûra kuo ta rûnjî rûrî rwîcûru. Namue mûkoonga na mûkuuagwe ta mwana wa rûkenge, na mûthathawe ta mwana athathaagwa arî cierorî cia ng'ina.

Jeremia 17:13

Ûi Ngai-Mûnene we nîwe mwîrîgîrîro wa Isiraeli, arîa onthe magûtiganagîria nîmagaconorithua; arîa mareganaga nawe marîîtwa mao mandîkîtwe mûtheturî, nîûndû nîmatiganîrîtie Ngai-Mûnene, na nîke îtherûkîro rîa manjî ma mwoyo.

Jeremia 2:13

Nîûndû andû akwa nîmekîte mavîtia maîrî; nîmandiganîrîtie nie îtherûkîro rîa manjî ma mwoyo, na makeînjîra iriko ciao cia manjî; iriko mbatûkangu itangiga manjî.

Zakaria 14:8

Vîndî îo yakinya, manjî maro nîmakaanyûrûrûka maumîte Jerusalemu. Nuthu îmwe ya manjî mau îkaanyûrûrûkaga îthiîte îriarî rîa mwena wa îrathîro, nayo nuthu îo îngî îkaanyûrûrûkaga îthiîte îriarî rîa mwena wa îthûîro. Manjî mau makaanyûrûrûkaga vîndî cionthe, vîndî ya riûa na vîndî ya mvevo.

Johana 13:32

Ethîrwa Ngai nîmûve riiri na njîra ya Mûriû wa Mûndû, kwoguo wana nginya Ngai nîakoonania na njîra yake riiri wa Mûrû wa Mûndû.

Johana 15:26

“Nie nîngaamûtûmîra Mûtethia kuuma kûrî Vava. Ke nîke Roho wa ma ûrîa uumaga kûrî Vava na nîke ûkaaruta ûira wakwa.

Johana 4:14

Nwatî mûndû wa wonthe ûnyunyaga manjî marîa mvecanaga, ndakaanyonda rîngî. Manjî marîa ngûva mûndû ûcio nîmatuîka ta kîthima ndaarî yake kîrîa kîtherûkaga manjî marîa ma mwoyo wa tene na tene.”

Ciîko 2:33

Jesû nîwanenevirue na rîu ekaraga mwena wa ûrîo wa Ngai Îthe wake. Nake Ngai Nîwamûvere Roho Mûtheru wata ûrîa aamwîrîrîte. Kwoguo Jesû nîatwîtîrîrîtie Roho ûcio. Ûndû ûyû mûrona na mûregua nî kîveo Kîam Roho ûrîa Jesû atwîtîrîrîtie.

Kûguû 1:1

Îvuku rîîrî nî mûtaratara wa maûndû marîa Jesû Kristû aaguûririe. Ngai aamûveere kûguûrîrua gûkû, nîguo onie ndungata yake maûndû marîa maarî nwa nginya mekîke narua. Nake Kristû nîwatûmire mûraika wake akamenyithie ndungata yake Johana,

Kûguû 21:11

rîgîkengaga nî riiri wa Ngai. Îtûûra rîu rîakengete ta îthiga rîa goro, kana ta gîcicio na rîrî rîtheru ta îra.

Kûguû 21:6

Nake nîwaugire atîrî, “Maûndû nîmavinga! Nie nînie wa mbere na wa mûthiia, Kîambîrîria na Kîrîkîro. Mûndû wa wonthe mûnyondu nîngaamwîtîkîria anyue manjî kuuma ithimarî irîa ciumaga manjî marîa mavecanaga mwoyo atakûrîva.

Kûguû 21:9

Ûmwe wa araika arîa mûgwanja maarî na mbakûri ciecûrîte mathîna marîa mûgwanja ma mûthiia nîwaûkire kûrî nie. Nîwambarîrie akîmbîra atîrî, “Ûka tûthiî, nanie nîngûkwonia mûviki, mûndûmûka wa Gatûrûme.”

Kûguû 22:17

Roho Mûtheru na mûviki marauga atîrî, “Ûka!” Mûndû ûrîa ûkwîgua ûndû ûyû nîauge atîrî, “Ûka!” Mûndû ûrîa mûnyondu nîaûke, ûrîa nake ûkwenda nîoce manjî marîa mavecaga mûndû mwoyo atakûrîva kîndû.

Kûguû 22:6

Nake mûraika nîwacokire akîmbîra atîrî, “Ciugo icio cionthe nîciakwîvokeka na cia ma. Mwathani Ngai, Ûrîa ûvecaga arathi Roho wake, nîwatûmire mûraika wake kûrî ndungata ciake nîguo acionie maûndû marîa arî nwanginya mekîke narua.”

Kûguû 3:21

Arîa makaavootana, nîngaamava rûtha rwa gwîkara mwenarî wakwa gîtîrî gîakwa Kîam ûthamaki wata ûrîa wananie naavootanire na rîu mbîkarîte mwenarî wa Vava gîtîrî gîake Kîam ûthamaki.

Kûguû 5:13

Nînaacokire ngîgua ciûmbe cionthe irî mwoyo, irîa irî îgûrû, gûkû nthî, rungu rwa nthî, na îriarî na irîa irî kûndû kuonthe ikiuga atîrî: “Ngumo, gîtîîo, riiri na vinya irogîa kûrî ûrîa wîkaragîra gîtî Kîam ûthamaki na kûrî gatûrûme, tene na tene!”

Kûguû 5:6

Nanie nînaacokire ngîona Gatûrûme arûngamîte vau gatagatî ka gîtî Kîam ûthamaki kathiûrûrûkîrîtue nî ciûmbe icio inya irî mwoyo na athuuri acio mîrongo îîrî na ana. Gatûrûme kau koonekaga takwa kaarî kaûrage. Nako kaarî na mvîa mûgwanja na metho mûgwanja, marîa arî mo maaroho mûgwanja marîa maatungataga Ngai na matûmîtwe nthî yonthe.

Kûguû 7:17

nîûndû Gatûrûme, karîa karî vau gatagatî ka gîtî Kîam ûthamaki nîgagaatuîka mûrîthi wao. Nake nîakaamatongoria amavire ithimarî cia manjî marîa mavecanaga mwoyo. Nake Ngai nîakagiria methori monthe kuuma methorî mao.”