Kûguû 21:5 - ÎVUKU RÎA ÛVORO MWARO

⁵ Nake ûrîa wîkaragîra gîtî Kîam ûthamaki nîwaugire atîrî, “Taroria, nie nîrathondeka maûndû monthe matuîke macerû!” Wana rîngî nîwambîrire atîrî, “Andîka maûndû mama, nîûndû ciugo ino nî cia kwîvokeka na nî cia ma.”

Kûguû 21:5 ပူးပေါင်းရင်းမြစ်များ

Isaia 42:9

Taroria maûndû marîa naarathire rîu nîmavingu. Rîu nîngûratha maûndû macerû, nîngwîra mo mbere ya mekîke.”

Isaia 43:19

Taroriani, nîngwîka ûndû mûcerû. Naguo nîûrekîka rîu, nîkwa mûtarawona! Nîngûtema njîra werûrî na ndûme kûu werûrî kûgîe na nyûnjî.

Luka 5:38

Vandû va ûguo, ndivei ya kûvivwa warîo nwa nginya îkîrwe mboororî îno njerû!

2Akor 5:17

Mûndû wa wonthe wînyitithanîtie na Kristû, ke nî kîûmbe gîcerû. Maûndû marîa makûrû nî mathiru, namo maûndû marîa macerû nîmaûku.

Ahib 12:27

Ciugo icio “Wa rîngî” nîironania waro atî indo irîa ciaûmbirwe nî ikaainainua na ithengutue nîguo indo irîa itanginainua itigare.

Kûguû 1:11

Naguo mûgambo ûcio waugire atîrî, “Andîka ûrîa ûrona na ûtûme îvuku rîu makanitharî marîa marî matûûrarî marîa mûgwanja. Namo nî: Efeso, Simurina, Perigamu, Thîatira, Saridi, Filadelifia, na Laodikia.”

Kûguû 1:19

Kwoguo andîka maûndû marîa ûkwona, maûndû marîa marî kuo rîu na maûndû marîa mageekîka vuvarî.

Kûguû 19:9

Nake mûraika nîwambîrire, “Andîka atîrî: Kûrathimwa nî arîa metîtwe kîrugorî Kîam ûviki wa Gatûrûme.” Mûraika nîwaugire rîngî atîrî, “Ino nîcio ciugo cia ma kuuma kûrî Ngai.”

Kûguû 20:11

Nînacokire ngîona gîtî kînene Kîam ûthamaki Kîam rangi njerû, na ûrîa ûgîkaragîra. Îgûrû na nthî nîciathengutire mbere yake, itianacoka kwoneka rîngî.

Kûguû 22:19

Nake mûndû wa wonthe ûkaaruta kîndû ûrathirî ûrîa ûrî îvukuurî rîîrî, Ngai nî akaamûcuuna îgai rîa matunda ma mûtî wa mwoyo, na amûcune îgai rîrîa rîrî îtûûra rîrîa rînene rîtheru. Irathimo icio nîciarîtue ûvoro wacio îvukuurî rîîrî.

Kûguû 22:6

Nake mûraika nîwacokire akîmbîra atîrî, “Ciugo icio cionthe nîciakwîvokeka na cia ma. Mwathani Ngai, Ûrîa ûvecaga arathi Roho wake, nîwatûmire mûraika wake kûrî ndungata ciake nîguo acionie maûndû marîa arî nwanginya mekîke narua.”

Kûguû 4:2

Na wa rîmwe nînecûrirwe nî Roho. Na rîrîa naaroririe Îgûrû nînoonire gîtî Kîam ûthamaki gîkarîrîtwe nî mûndû.

Kûguû 4:9

Ciûmbe icio inya irî mwoyo nîcinaga nyîmbo cia kûvecana riiri, gîtîîo na ngatho kûrî ûrîa wîkarîrîte gîtî Kîam ûthamaki, na ûtûûraga tene na tene. Na rîrîa rîonthe igwîka ûguo,

Kûguû 5:1

Nînaacokire ngîona îvuku rîa gîkûnjo rîrî njararî ya ûrîo ya ûrîa wekarîrîte gîtî Kîam ûthamaki. Îvuku rîu rîandîkîtwe mîena yoîrî na rîgatumwa na ndumo mûgwanja.