Kûguû 21:24 - ÎVUKU RÎA ÛVORO MWARO

²⁴ Nao andû a mavûrûri monthe makaathiîcaga mamûrîkîrîtwe nî ûtheri ûcio, na athamaki onthe a nthî nîmakaaretaga ûtonga wao îtûûrarî rîu înene.

Kûguû 21:24 ပူးပေါင်းရင်းမြစ်များ

Thaburi 22:27

Mavûrûri monthe nî makaaririkana Ngai-Mûnene na mamûcokerere, andû a mîvîrîga yonthe nî makaamûgooca.

Isaia 2:2

Mavinda nî magaakinya rîrîa kîrîma kîrîa hekarû ya Ngai-Mûnene îtumîtwe, gîgaatuwa kîrîma kîraca gûkîra irîma cionthe, na gîtûgîrue gûkîra tûrîma tuonthe. Mavûrûri monthe nîmakaathiî kuo.

Isaia 2:5

Rîu, mue njiarwa cia Jakovu, ûkani tûthiîre ûtherirî wa Ngai-Mûnene.

Isaia 49:23

Athamaki magaatuîka amenyereri aku, nao aka ao matuîke akûreri. Nîmagaaturumithia mothiû mao nthî mbere yaku na magûtîîe; na nîmagaakwonia gîtîîo menyivîtie. Nawe nîûgaacoka ûmenye atî Nie, nînie Ngai-Mûnene; na atî arîa mambetagîrîra matigaaconorithua.”

Isaia 52:15

nwaguo îkaamakia ndûrîrî nyîngî, nao athamaki magaakira ki, magegete nîûndû wake, nîûndû nîmakoona maûndû marîa matanerwa, na nîmageciria maûndû marîa mateguîte ûvoro wamo.”

Isaia 55:10

“Wata ûrîa mbura yuraga nthî na mbaravu îkagwa nthî kuuma îgûrû, na iticokaga kuo nwatî itûmaga nthî îgîe manjî, na igatûma mîmera îmere na îgakûra, na ikava mûvandi maketha na ikava andû irio,

Isaia 55:5

Nama nîmûgeta ndûrîrî irîa mûtaicî, na andû a ndûrîrî irîa itagwîcî nîmagaaûka kûrî we mavinyûrîte! Nie Ngai-Mûnene Ngai wenyu Ûrîa Mûtheru wa Isiraeli, nînie ndûmîte maûndû mau monthe mekîke, nînie ndûmîte ûvewe riiri.”

Isaia 60:13

Nîûkaareterwe riiri wonthe wa Lebanon: mîthithinda, mîcindanûgû na mîkarakava yonthe nîîkaretwe nîguo îgemie hekarû yakwa, nanie nîngaacoka nthakarie varîa mbîkaraga.

Isaia 60:16

Nîûkaareterwe irio nî andû a ndûrîrî, athamaki magaakûvecaga irio mbaro, na nîûkaamenya atî nie Ngai-Mûnene, nînie Mûvonokia waku, nînie mwene Vinya mûkûri wa Jakovu.

Isaia 66:18

Nîmbicî ciîko ciao na meciria mao. Ngaaûka gûcokanîrîria andû a ndûrîrî cionthe na nthiomi cionthe; magaaûka na meyonere riiri wakwa

Jeremia 4:2

na mûngîîvîta mûrî na ûûma, kîvooto na ûthingu, mûkiugaga, ‘wata ûrîa Ngai-Mûnene atûûraga mwoyo,’ vîndî îo mavûrûri nîmakaarathimwa, na magîe na riiri nîûndû wakwa.”

Zakaria 2:11

Îvinda rîu ndûrîrî nyîngî nîigaacokerera Ngai-Mûnene, na nîigaatuîka andû ake, na atûûranie nao. Namue nîmûkaamenya atî nî Ngai-Mûnene mwene vinya wonthe ûndûmîte kûrî mue.

Aroma 15:16

gûtuîka ndungata ya Kristû kûrî andû a Ndûrîrî, nîguo nîmavunjîrie ûvoro Mwaro wa Ngai nîrî ta mûthînjîri-Ngai, na nîguo andû a Ndûrîrî matuîke îgongoona rîngîtîkîrîka nî Ngai rîtheretue nî Roho Mûtheru.

Aroma 15:26

Nîûndû etîkia arîa marî Makedonia na Akaia nîmarutîte indo ciao matakûringîrîrua nîguo matethie andû a Ngai arîa athîni kûu Jerusalemu.

Gûco 32:43

“Mue mavûrûri, kumiani andû a Ngai-Mûnene, nîûndû nîarîvagia arîa maûragaga ndungata ciake. Nîerîvagîrîria kûrî nthû ciake, na akatheria mevia ma andû ake.”

Kûguû 21:26

Mavûrûri monthe nîmakaarete ûtonga wao na moonene mao kûu îtûûrarî.

Kûguû 22:2

Rwanyûrûrûkîte rûthiîrîrîte gatagatî ka varavara ya îtûûra rîu rînene. Mîena yoîrî ya rûnjî rûu nîkwamerete mûtî wa matunda ma mwoyo. Mûtî ûcio nîûciaraga matunda maita îkûmi na maîrî wa mwaka, na riita rîmwe wa mweri. Namo mathangû ma mûtî ûcio nîmatumagîrwa nî andû a ndûrîrî cionthe kûvonia mîrimû.