Kûguû 21:15 - ÎVUKU RÎA ÛVORO MWARO

¹⁵ Nake mûraika ûrîa wambarîrîtie aarî na kamûtî kaathondeketwe na thaavu ga kûthima. Kamûtî kau kaarî ga kûthima îtûûra, mîîrîga yarîo na rûthingo rwarîo.

Kûguû 21:15 ပူးပေါင်းရင်းမြစ်များ

Ezek 40:3

Rîrîa aambirire vau, nînoonire mûndû wavenavenagia ta cuuma ya gîcango. Mûndû ûcio aarûngamîte kîvingorî anyitîte kîthimi gîa kamûkumbû na akanyita kîthimi gîa kamûtî.

Zakaria 2:1

Nînaroririe na ngîona kûrî na mûndû warî na rûrigi rwa kûthima arûgwete na njara.

Zakaria 2:2

Nînamûririe atîrî, “Wathiî kû?” Nake nîwanjokerie atîrî, “Nathiî kûthima îtûûra rîa Jerusalemu nîguo menye ûraca na wariî warîo.”

Kûguû 21:12

Îtûûra rîa Jerusalemu rîarî na rûthingo rûnene, na rûraca kûthiî na îgûrû, na rîarî na mîîrîga îkûmi na îîrî. Na wa mwîrîga nîwekaragua nî mûraika ûmwe. Mîîrîgarî îo yonthe nîkwandîkîtwe marîîtwa ma mbarî îkûmi na igîrî irîa ciarî cia Isiraeli.

Kûguû 21:16

Mîena yonthe ya îtûûra rîu înene nî yeganene, ûraaca na wariî warîo. Rîrîa mûraika aarîthimire, rîarî rîa kilomita ngiri igîrî na magana mana (2,400), ûraaca, wariî, wana kûracava kuuma nthî kûthiî na îgûrû.

Kûguû 21:21

Nayo mîîrîga îo îkûmi na îîrî nî mathiga ma goro îkûmi na maîrî. Na wa mwîrîga wathondeketwe na îthiga rîmwe rîa goro. Njîra cionthe ciarî cia thaavu ntheru ta gîcicio.

Kûguû 21:25

Mîîrîga yarîo ndîkaavingwa wa naarî mûthenya ûmwe, nîûndû gûtikethagîrwa na ûtukû.