Kûguû 21:12 - ÎVUKU RÎA ÛVORO MWARO

¹² Îtûûra rîa Jerusalemu rîarî na rûthingo rûnene, na rûraca kûthiî na îgûrû, na rîarî na mîîrîga îkûmi na îîrî. Na wa mwîrîga nîwekaragua nî mûraika ûmwe. Mîîrîgarî îo yonthe nîkwandîkîtwe marîîtwa ma mbarî îkûmi na igîrî irîa ciarî cia Isiraeli.

Kûguû 21:12 ပူးပေါင်းရင်းမြစ်များ

2Maû 9:19

Ngathîrî icio ithathatû kwarî na mîvuano ya mînyambû îkûmi na îîrî (12). Wa mûthiiarî wa ngathî vaarî na mûvuano ûmwe wa mûnyambû. Gûtirî gîtî Kîam ûthamaki ta kîu Kîamrî Kîamnatumwa mbererî vûrûrirî wîngî.

Ezira 9:9

Wana ethîrwa twarî ngombo, we Ngai wetû ndwatûtiganîria ûkomborî. Nîwatûmire mûthamaki wa Perisia atwonie wendo ûtathiraga na agîtîkîra tûtûûre na tûtume hekarû yaku îrîa yarî nyomomoku, na agîtûva ûgitîri tûrî gûkû Juda na Jerusalemu.

Nehemia 12:27

Vîndî ya kwamûrîra Ngai rûthingo rwa Jerusalemu Alawi onthe nîmaaretirwe vamwe kuuma kûrîa maatûûraga. Maaretirwe vamwe Jerusalemu nîguo makûngûîre wamûri ûcio marî na gîkeno, magîcokagîria Ngai ngatho, makinaga na ithaani irîa iringithanagua, ngita na mîtûrirû.

Thaburi 122:7

Thayû ûrogîa kûrî andû a Jerusalemu, nyombarî cienyu cia athamaki kûgîe na ûgitîri.”

Thaburi 51:18

We Ngai, îka maûndû maro îtûûrarî rîa Zayuni nîûndû wa kwenda gwaku; tuma rîngî nthingo cia îtûûra rîa Jerusalemu.

Ntha 28:21

Mathiga mau ma goro makethîrwa marî îkûmi na maîrî. Na wa îthiga rîkethîrwa rîandîkîtwe rîîtwa rîmwe rîa mîvîrîga îrîa îkûmi na îîrî ya Isiraeli.

Isaia 54:12

Nîngaatuma nyomba ciaku ndaca na mathiga marîa matune, nacio ivingo ciaku nîitume na mathiga marîa makanaga ta mwaki, naruo rûthingo rwaku ruonthe rûtumwe na mathiga ma goro.

Isaia 60:18

Gûtigaacoka kwîguîka thîna rîngî vûrûrirî waku, yûra kana kwanangîka gûtikegwîka rîngî mîvakarî yaku. Nîngaakûgitagîra na ngûmenyagîrîre ta rûthingo, nawe nîûkaangoocaga nîûndû nîngûvonoketie.

Mathaayo 18:10

“Menyererani atî mûtikae kûnyarara kaana wana kamwe ga tûtû tûnini. Nîramwîra na ma atî araika a tuo arîa marî îgûrû methagîrwa marî varî Ngai Vava ûrîa ûrî îgûrû. [

Luka 15:10

Nîramwîra atî, ûguo nwa guo araika a Ngai makenagîra mwîvia ûmwe ûrîa wîrirîte mevia make.”

Luka 16:22

“Kavinda karîa mûthîni ûcio aakwire, araika nîmaamûkuuire na makîmûvira îgûrû agekaranîre na Iburahimu kîrugorî îgûrû. Nakîo gîtonga kîu nîgîakwire na gîkîthikwa.

Ciîko 26:7

Kîîranîro kîu nwakîo andû etû a mîvîrîga îrîa îkûmi na îîrî merîgagîrîra kûgîa nakîo vîndî îrîa makûgooca Ngai marî na kîîo ûtukû na mûthenya. Mûthamaki mûgathe, Ayahudi maranthitanga nîûndû nîrî na mwîrîgîrîro ûvororî wîgiî kîîranîro kîu!

Ahib 1:14

Araika nî arîkû? Nî maroho marîa matungatagîra Ngai na nîmatûmagwa nîke magatethia arîa makaavonokua.

Kûguû 21:13

Na wa mwena wa itûûra rîu kwarî na mîîrîga îthatû. Mwena wa rûgûrû mîîrîga îthatû, mwena wa îveti îthatû, mwena wa îrathîro îthatû, na mwena wa îthûîro îthatû.

Kûguû 21:15

Nake mûraika ûrîa wambarîrîtie aarî na kamûtî kaathondeketwe na thaavu ga kûthima. Kamûtî kau kaarî ga kûthima îtûûra, mîîrîga yarîo na rûthingo rwarîo.

Kûguû 21:25

Mîîrîga yarîo ndîkaavingwa wa naarî mûthenya ûmwe, nîûndû gûtikethagîrwa na ûtukû.

Kûguû 22:14

Kûrathimwa nî arîa mathambagia nguo ciao ikathera, nîguo metîkîrue kûrîa matunda kuuma mûtîrî wa mwoyo. Andû acio nîmakaavîtûkîra mîîrîgarî mathiî îtûûrarî.