Kûguû 20:9 - ÎVUKU RÎA ÛVORO MWARO

⁹ Nao nîmaathiîre nthî yonthe na makîrigicîria îtûûra rînene rîrîa Ngai eendeete, kûrîa andû ake matûûraga. Nwatî mwaki nîwanyûrûrûkire kuuma îgûrû ûkîmacûkangia.

Kûguû 20:9 ပူးပေါင်းရင်းမြစ်များ

Kîam 19:24

Na wa rîmwe Ngai-Mûnene nîwaurithirie mwaki wa ûviriti ta mbura kuuma îgûrû, matûûrarî ma Sodomu na Gomora.

2Atha 6:15

Rîrîa ndungata ya Elisha aaramûkire kîraûko na akiuma nja, nîwonire athigari a mbaara marî na mbarathi na ikaari cia mbaara marigicîrîtie îtûûra. Ndungata îo nîyacokire kûrî Elisha na îkîûria atîrî, “Ûûi mwathi wakwa! Nîtwîka atîa?”

Ayubu 38:18

Wanamenya ûrîa nthî îgana? Njokeria ethîrwa nîwîcî maûndû mama monthe.

Thaburi 106:18

Mwaki nîwaumîrîre arûmîrîri ao, na ûkîvîvia andû acio aganu.

Thaburi 87:2

Ngai-Mûnene nî endete îtûûra rîa Zayuni mûno, gûkîra matûûra marîa mengî ma Jakovu.

Thaburi 97:3

Mwaki ûthiîcaga ûrî mbere yake, ûthiîcaga ûkîvîvagia nthû ciake irîa irî vakuvî.

Isaia 30:33

Nîûndû vandû va kûvîvîria Asîria vaathondekirwe wa tene; vandû vau nî îrima îriku na rîariî, varî na mwaki na ngû nyîngî. Ngai-Mûnene nîagaakania mwaki ûcio ta mwaki wa ûviriti.

Isaia 37:36

Mûraika wa Ngai-Mûnene nîwathiîre kûrîa Asîria maambîte magema mao na akîûraga athigari ngiri îgana rîmwe rîa mîrongo înana na ithano (185,000). Rîrîa andû maaramûkire kîraûko tene, andû acio onthe methîrîrue marî ciimba.

Ezek 38:16

Nîûkaatharîkîra andû akwa a Isiraeli ta ûrîa îtu rîkunîkagîra vûrûri. Vîndî îo nîngaakûrete ûtharîkîre vûrûri wakwa nîguo mavûrûri mamenye atî nîngûvûthîrîte we Gogu nîguo monanie ûtheru wakwa mbere yao.

Ezek 38:22

Nîngaamûverithia na mîrimû mîcûku na ndûme andû maûragane. Nîngaaurithîria Gogu, athigari ake a mbaara na arîa onthe arî nao mbura nene ya mbembe na mwaki wa ûviriti.

Ezek 38:9

We, vamwe na athigari aku a mbaara, na andû a mavûrûri marîa ûkeethîrwa mûnyitanîrîte nao nîmûkaathiî na îvenya ta rûvuvo mûtharîkîre vûrûri ûcio na nîmûgaaûkunîkîra ta îtu.”

Ezek 39:6

Nîngaatûma vûrûri wa Magogu kûgîe mwaki na ûgîe kûrî andû arîa matûûraga na thayû rûtererî rwa îria. Nao nîmakaamenya atî, nînie Ngai-Mûnene.

Mika 2:13

Ngai nîakaamavingûrîra njîra na amatongorie maume îthamîriorî. Nao nîmakaauna kîvingo gîa îtûûra na maume nja, matongoreretue nî mûthamaki wao; Ngai-Mûnene ke mwene nîke ûkaamatongoria.

Habakuku 1:6

Nîûndû nînîraringîrîra Akalidei, andû acio aganu ûguo na matarî ntha. Vûrûri ûcio ûvîtûkîrîrîte nthî yonthe, nîguo woce vûrûri ûtarî wao.

Ndari 11:1

Andû a Isiraeli nîmaatetire nîûndû wa mathîna marîa moonaga. Rîrîa Ngai-Mûnene eegwire mateta mao, nîwarakarire na agîtûma mwaki kûrî andû acio. Mwaki nîwakanire kûu andû acio maarî na ûkîvîvia mîena îmwe nja ya kûrîa maambîte magema.

Ndari 16:35

Naguo mwaki nîwaumire îgûrû na ûgîûka ûkîvîvia andû magana maîrî ma mîrongo îtano (250) arîa maategagîra Ngai-Mûnene ûbani.

Luka 17:29

Nwatî mûthenya ûrîa Loti aaumire Sodomu, Ngai nîwaurithirie mwaki na ûviriti, na ûkîûraga andû acio onthe.

Luka 19:43

Kavinda nîgagûkinya karîa nthû cienyu ikaamûrigicîria na mbumbu ya mûthetu na ciînje mîtaro imûvingîrîrie mîena yonthe.

Luka 21:20

“Vîndî îrîa mûkoona îtûûra rîa Jerusalemu rîthiûrûrûkîrîtue nî athigari, nîmûkaamenya atî îvinda rîarîo rîa kwomomorwa rîrî vakuvî.

Luka 9:54

Rîrîa arutwa ake, Jakuvu na Johana maamenyire ûguo, nîmaamûririe atîrî, “Mwathani, nîûrenda tuge mwaki ûmanyûrûrûkîre kuuma îgûrû na ûmathirie?”

Gûco 23:14

Mavinda monthe rîrîa mûrî magemarî menyu, îthagîrwani mûrî atheru. Nîûndû Ngai-Mûnene Ngai wenyu ethagîrwa arî vamwe namue kûu mwambîte magema akîmûgitîra na akîmûvotithia kûvoota nthû cienyu. Kwoguo mûtigatûme Ngai-Mûnene Ngai wenyu oona ûndû mûcûku gatagatîrî kenyu ûngîtûma amûtiganîria.

2Ath 1:8

marî rûrîrîmbîrî rwa mwaki, nîguo averithie arîa maregaga Ngai na arîa matathîkagîra ûvoro mwaro wa Mwathani wetû Jesû.

Ahib 13:13

Kwoguo nîtûthiîni kûrî ke vau nja ya îtûûra tûconorithue na njîra wata îrîa aaconorithirue nayo.

Kûguû 11:5

Mûndû wa wonthe angîgeria kûmacûkangia, mwaki nî uumaga tûnyuarî twao na ûkavîvia nthû icio. Na njîra wata îo mûndû wa wonthe ûngîgeria kûmacûkangia nî akaaûragwa.

Kûguû 13:13

Nyamû îo ya kaîrî nîyaringire ciama nene. Nîyatûmire mwaki ûnyûrûrûka kuuma îgûrû gûka nthî andû onthe maroretie.