Kûguû 20:4 - ÎVUKU RÎA ÛVORO MWARO

⁴ Ngîcoka ngîona itî cia ûthamaki kûu îgûrû. Nao arîa maaciîkarîrîte nîmaaveetwe ûvoti wa gûtucanîra. Wana nînoonire mîoyo ya andû arîa maaûragirwe nîûndû nîmaanîrîre ûvoro wa Ngai na ûma ûrîa waguûrirue nî Jesû. Acio matianagooca nyamû kana mûvuanano wayo, na matianekîrwa rûûri rwa nyamû ûthiû kana njararî ciao. Andû acio nîmaagîre na mwoyo rîngî na makîathana marî athamaki vamwe na Kristû kavinda ka mîaka ngiri îmwe.

Kûguû 20:4 ပူးပေါင်းရင်းမြစ်များ

Danieli 2:44

Îvinda rîu rîa athamaki acio, Ngai ûrîa wî îgûrû nîakaarûngamia ûthamaki ûtakaathira. Ûthamaki ûcio ndûkaavotwa, na nîûgaacûkangia mothamaki mau mengî monthe mathire viû, ûcoke ûtûûre wathanaga tene na tene.

Danieli 7:18

Nwatî andû a Ngai Ûrîa Ûrî Îgûrû mûno nîmakaavewa ûthamaki, na ûtûûre ûrî wao tene na tene.’

Danieli 7:22

Nake ûrîa ûtûûrîte tene na tene, nîwatuîrîre andû a Ûrîa Ûrî Îgûrû Mûno, na kavinda nîgaakinyire rîrîa andû a Ngai maamûkîre Ûthamaki.

Danieli 7:27

Naguo ûthamaki na wathani, na ûnene wa mothamaki monthe ma nthî ûkavewa andû a Ngai Ûrîa mûnene, na ûthamaki wao ndûkaathira, na athamaki onthe a nthî nîmakaamathîkîra na mamatungatagîre.’

Danieli 7:9

“Ndoretie wa ûguo, nînoonire itî cia ûthamaki ikigwa vandû va cio. Nake ûrîa wîthîrîtwe atûûrîte tene na tene nîwekarîre gîtî kîmwe. Nguo ciake ciacerûvîte ta îra, nacio njuîrî ciake cia kîongo ciacerûvîte ta guoya wa ng'ondu. Gîtî gîake Kîam ûthamaki Kîamrî na nthugû ciavenagia ta nînîmbî cia mwaki.

Malaki 4:5

“Taroria, mbere ya mûthenya ûcio mûnene na wa kûmakania ûkinye nîngaatûma mûrathi Elija.

Mathaayo 19:28

Nake Jesû nîwamerire atîrî, “Nîramwîra nama atî vîndî îrîa Mûrû wa Mûndû ageekarîra gîtî gîake Kîam ûnene kîrîa kîrî riiri kûu nthî îo njerû, mue arîa mûnûmagîrîra nîmûgeekarîra itî cia ûnene na nîmûkaatha mîvîrîga îrîa îkûmi na îîrî ya Isiraeli.

Mathaayo 24:10

Vîndî îo andû eengî nîmagaatiganîria wîtîkio wao; nîmagaacukananîra na mathûrane o ene.

Maariko 6:16

Na rîrîa Herode eegwire ûvoro ûcio nîwaugire atîrî, “Nî Johana Mûvatithania ûrîa naarengithirie kîongo gîake ûriûkîte.”

Maariko 6:27

Na wa rîmwe mûthamaki nîwarutire watho akiuga mûrangîri ûmwe gatagatîrî ka arîa maamwîkaragia, athiî agîre kîongo Kîam Johana. Nake mûrangîri ûcio nîwathiîre njeera, akîrenga kîongo Kîam Johana na

Maariko 9:11

Nao nîmaacokire makîûria Jesû atîrî, “Nîndûî gîtûmaga arimû a Watho mauge atî nî Elija wagîrîrwe nî gûka mbere?”

Luka 1:17

Nîakaathiî mbere ya Mwathani arî na Roho na vinya wata mûrathi Elija. Nîagaatûma methe mendane na ciana ciao; na acoke agarûre andû arîa aremi magîe na ûûgî wata wa andû arîa athingu na avarîrie andû nîguo meterere Mwathani.”

Luka 14:14

nawe nîûkaarathimwa nîûndû o matingîvota gûkûrîva. Nake Ngai nîagaakûrîva vîndî îrîa andû arîa maakwire marî athingu makariûka.”

Luka 22:30

Nîmûkaarîra na mûnyuîre metharî yakwa Ûthamakirî wakwa, na mûcoke mwîkarîre itî cia Ûthamaki na mwathe mîvîrîga îrîa îkûmi na îrî ya Isiraeli.”

Johana 14:19

Vuva wa kavinda kanini andû a nthî tî macoka kûmona rîngî, nwatî mue mûkaamona; na nîûndû nîndûûraga mwoyo, wa namue nîmûgaatûûra mwoyo.

Aroma 11:15

Nîûndû rîrîa Ngai aaregire Ayahudi, andû acio engî a nthî nîmaatuîkire arata ake. Kwoguo rîrîa Ngai ageetîkîra Ayahudi, andû arîa makeethîrwa marî akuû nîmakaariûka.

Aroma 8:17

Ethîrwa tûrî ciana cia Ngai, tûrî agai a irathimo irîa aigîrîte andû ake. Wana nîtûkagaa vamwe na Kristû kîrîa Ngai amwigîrîte. Nwatî nwanginya tûthînue ta Kristû nîguo tûkaagîa na riiri ta ke.

2Tim 2:12

Ethîrwa nîtûkûthiî na mbere kûmîrîria, nîtûkaathana nake. Ethîrwa nwa tûmûkaane, wanake nîagaatûkaana.

Kûguû 1:2

na Johana nîwîranîte ûrîa wonthe onete. Rûrû nîruo rûgano rwake rwîgiî ndûmîrîri kuuma kûrî Ngai, na ûma ûrîa waguûrirue nî Jesû Kristû.

Kûguû 1:9

Nie nînie Johana mûrû wa îthe wenyu. Nî mbîtîkîtie Jesû na nîrî ûmwe wenyu. Nîtûgwatanagîra namue ngirîrîtie ngîûmagîrîria kûthînua kûrîa gûkaga kûrî arîa marî a Ûthamaki wake. Nie naigirwe gîcîgîrîrarî gîtagwa Patimo nîûndû nînaanîrîre Ûvoro wa Ngai na Ûma ûrîa Jesû aaguûririe.

Kûguû 11:11

Nwatî vuva wa mîthenya îo îthatû na nuthu Ngai nîwamavere mîvevû îrîa îtûmaga mûndû agîe na mwoyo. Nao nîmaarûngamire na andû onthe arîa mamoonire nîmaagîre na guoya nyîngî.

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”

Kûguû 11:3

Nie nîngaava aira akwa aîrî ûvoti wa kwanîrîra ndûmîrîri yakwa kwa îvinda rîa mîthenya ngiri îmwe na magana maîrî ma mîrongo îtandatû. Nao makeethîrwa mekîrîte nguo cia macakaya.”

Kûguû 11:7

Na marîkia kûvecana ûira wao, nyamû îrîa yumaga îrimarî îrikîru rîtarî mûthiia nîîkarûa nao îmavoote na îmaûrage.

Kûguû 12:11

Ariû na aarî a îthe wetû nî maavootire Ngoma na nthakame ya Gatûrûme na njîra ya ndûmîrîri îrîa maavunjirie. O matietigagîra gûkua, nîmeevarîrîtie kûvecana mîoyo yao.

Kûguû 14:11

Nayo ndogo ya mwaki ûrîa ûkaamanyamaria yunûkagia na îgûrû tene na tene. Arîa magoocaga nyamû kana mûviano wayo na marî na rûûri rwa rîîtwa rîayo, magatûûra manyamaragua.”

Kûguû 15:2

Na nînoonire kîndû kîonekaga gîkariî ta îria rîa gîcicio rîtukanîtue na mwaki. Wana nînonire arîa maavootete nyamû, mûvuanano wayo, na makavoota ûrîa namba yarûngamagîrîra rîîtwa rîake. Andû acio maarûngamîte mwenarî wa îria rîu rîa gîcicio manyitîte ngita irîa Ngai aamaveere,

Kûguû 17:8

Nyamû îo vîndî îmwe yarî mwoyo, nwatî rîu ndîrî mwoyo. Nyamû îo nî îkunûkia yume îrimarî rîrîa rîtarî mûthiia îthiî îgacûkangue. Nîkûrî andû marî mwoyo na marîîtwa mao mataanandîkwa kuuma rîrîa nthî yambîrîrie kûmbwa. Andû acio onthe nîmakaamaka rîrîa makoona nyamû îo, nîûndû vîndî îmwe yarî mwoyo, na rîu ndîrî mwoyo, nwatî nîgaacoka yûke rîngî.

Kûguû 2:26

Arîa makûvootana, arîa makûthiî na mbere gwîka wendi wakwa nginya mûthiia nîngaamava wathani wa kwatha ndûrîrî.

Kûguû 20:6

Gûkena na kûrathimwa nî arîa makethîrwa marî vamwe na arîa Ngai akariûkia vîndî ya kûriûka kwa mbere. Acio matigaakua gîkuû gîa kaîrî, nîûndû makethîrwa marî athînjîri-Ngai a Ngai na Mesaya, na matuîke aathani vamwe nake mîaka ngiri îmwe.

Kûguû 22:5

Gûtigacoka kûgîa na ûtukû, na matikethîrwa makîvatara taa kana ûtheri wa riûa, nîûndû Mwathani Ngai nîke ûkethagîrwa arî ûtheri wao. Na nîmakaathana marî athamaki tene na tene.

Kûguû 3:21

Arîa makaavootana, nîngaamava rûtha rwa gwîkara mwenarî wakwa gîtîrî gîakwa Kîam ûthamaki wata ûrîa wananie naavootanire na rîu mbîkarîte mwenarî wa Vava gîtîrî gîake Kîam ûthamaki.

Kûguû 4:4

Navo vaarî na itî ciîngî mîrongo îîrî na inya cia ûthamaki ciathiûrûrûkîrîtie gîtî kîu Kîam ûthamaki. Nao athuuri mîrongo îîrî na ana nîmaaciîkarîrîte. Athuuri acio meekîrîte nguo cia rangi njerû na ciongorî ciao maarî na nthûmbî cia thaavu.

Kûguû 6:9

Rîrîa Gatûrûme gatumûrîre rûtumo rwa gatano, nînoonire mîoyo ya andû arîa maaûragîtwe îrî vau rungu rwa metha ya kûrutîra kîgongoona. Andû acio maaûragîtwe nîûndû wa kûvunjia kiugo Kîam Ngai na kûvecana ûira marî evokeku.

Kûguû 7:3

Nake mûraika ûcio nîwamerire atîrî, “Mûtigacûkangie nthî nyûmû, îria, kana mîtî. Etererani nginya rîrîa tue tûgekîra ndungata cia Ngai wetû rûûri ithithiirî ciao.”