Kûguû 2:25 - ÎVUKU RÎA ÛVORO MWARO

²⁵ Nwatî nwa nginya mwîkarage mûrî evokeku nginya rîrîa ngaaûka.

Kûguû 2:25 ပူးပေါင်းရင်းမြစ်များ

Johana 14:3

Na narîkia kûthiî kûmûvarîrîria vandû, nîngûcoka nîmwîcîre nîguo mue mwîthagîrwe mûrî varîa nie nîrî.

Ciîko 11:28

Nake ûmwe gatagatîrî kao wetagwa Agabo, nîwarûngamire, na ke atethetue nî Roho nîwarathire akiuga atî nthî kuonthe nîgûkûgîa na yûra rînene. (Ûndû ûyû wekîkire vîndî ya wathani wa Kilaudio.)

Aroma 12:9

Nwanginya wendani wenyu ûtuîke wa ma. Menani ûndû ûrîa mûcûku na mûnyitie na vinya maûndû marîa maro.

1Akor 11:26

Na ûguo nî kuga atî vîndî cionthe rîrîa mûrarîa mûgate ûcio na mûranyua ndivei kuuma gîkomberî kîu, mwîthagîrwa mûkîanîrîra gûkua kwa Mwathani nginya rîrîa agaacoka.

1Akor 4:5

Kwoguo mue mûtiagîrîrwe nî gûtuîra mûndû wana ûmwe kavinda karîa kagîrîru ga gûka kwa Mwathani gatarî gakinyu. Mwathani nîakaarete ûtherirî maûndû monthe marîa mathithîtwe ndumarî na aguûrie maûndû marîa mathithîtwe ngororî. Kwoguo wa mûndû nîakaamûkîra îgai rîrîa rîmwagîrîrîte kuuma kûrî Ngai.

1Ath 5:21

Tuîragiani maûndû monthe; menyagîrîrani maûndû marîa maro,

Ahib 10:23

Nîtûnyiteni na vinya kîîrîgîrîro gîetû kîrîa tumbûraga tûtarî na nganja, nîûndû Ngai nî mwîvokeku na ciîranîro ciake nî cia ma.

Ahib 3:6

Nwatî Kristû nîmwîvokeku ta Mûriû ûrîa wathanaga nyombarî ya Ngai. Tue tûrî nyomba ya Ngai ethîrwa nîtûkûthiî na mbere kûmîrîria tûrî na mwîvoko wa kîrîa twîrîgîrîrîte.

Ahib 4:14

Nîtûnyitie na vinya viû wîtîkio wetû ûrîa tumbûraga nîûndû tûrî na Mûthînjîri-Ngai ûrîa mûnene na nîke Jesû Mûriû wa Ngai. Ke nîwathiîre kûrî Ngai.

2Pet 3:10

Nwatî Mûthenya wa Mwathani ûgaakinya ta ûrîa mwîi aûkaga. Mûthenya ûcio îgûrû nîrîkaathira na mûrurumo mûnene. Ciûmbe cionthe irîa irî îgûrû nîikaavîvua na mwaki ithire. Nayo nthî na indo cionthe irîa irî kuo nîikaavîvua viû.

Kûguû 1:7

Taroria, ke nî aûkîte arî matuurî! Andû onthe nîmakaamwona, wana arîa maamûmundire. Andû onthe a nthî nîmakaarîra maugîrîrîtie nîûndû wake. Ûguo nîguo gûgaatuîka. Ameni!

Kûguû 22:20

Nake ûrîa wanagîrîra ndûmîrîri îno yonthe augaga atîrî, “Nî ma nîmbûka warîu!” Ameni. Ûka, Mwathani Jesû!

Kûguû 22:7

“Tathikîrîria, nîmbûka warîu! Kûrathimwa nî mûndû ûrîa wathîkagîra ûrathi ûrîa ûrî îvukuurî rîîrî!” Ûguo nîguo Jesû arauga.

Kûguû 3:11

Nie nîngûka vuva wa Kavinda kanini. Îkaragani mûrî evokeku nîguo mûndû wana ûrîkû ndakamûcune nthûmbî yenyu ya ûvootani.

Kûguû 3:3

Ta ririkanani maûndû marîa mwathomithirue na marîa mwegwire. Marûmagîrîreni na mwîrire. Ethîrwa mue tî mûkîra, nie ngaûka kûrî mue ta mwîi na mûtikaamenya îthaa rîrîa ngaûka.