Kûguû 2:19 - ÎVUKU RÎA ÛVORO MWARO

¹⁹ Nie nîmbîcî ciîko cienyu. Nie nîmbîcî wendani wenyu, wîtîkio wenyu, ûtungatîri wenyu, na kûmîrîria kwenyu mûkirîrîrîtie. Nie nîmbîcî atî ciîko cienyu irîa mwîkaga rîu nî nyîngî gûkîra irîa mwekaga mbere.

Kûguû 2:19 ပူးပေါင်းရင်းမြစ်များ

Ayubu 17:9

Nwatî mûndû ûrîa wîtîkîtie Ngai ndavîngagwa, na mûndû ûrîa wîkaga maûndû maro, ongagîrîrwa wa mûthenya.

Thaburi 92:14

Îthiîcaga na mbere gûciara matunda wana îrî mîkûrû, vîndî cionthe îthagîrwa îrî na vinya na îrî mîruru.

Nthi 4:18

Nwatî njîra ya andû arîa athingu îkariî ta riûa rîkîratha, rîrîa rîaraga na rîkathiî na mbere kwongerera ûtheri nginya mûthenya gatagatî.

Luka 1:23

Rîrîa kavinda gake ga gûtungata hekarûrî kaathirire, Zakaria nîwenûkire gwake mûciî.

Johana 15:2

Ke nîatemaga rûvûa wa ruonthe rwakwa rûrîa rûtaciaraga maciaro, na rûvûa wa ruonthe rûciaraga maciaro nîarûcaaga nîguo rûciare maciaro meengî.

Akol 3:14

Na maûndû mau monthe, endanagani nîûndû wendani nîguo ûgwatithanagia andû onthe na ngwatanîro nginyanîru.

1Ath 3:6

Nwatî rîu Timotheo nîacokete aumîte kûrî mue na nîaratûveere ndeto mbaro ciîgiî wîtîkio na wendo wenyu. Nîatwîrîte atî vingo cionthe nîmûtûririkanaga na njîra mbaro na atî nîmwendaga mûno gûtwona wata ûrîa wa natue twendaga mûno kûmwona.

2Ath 1:3

Ariû na aarî a îthe wetû, nwanginya tûcokagie ngatho kûrî Ngai vîndî cionthe nîûndû wenyu. Tue nîtwagîrîrwe nî gwîka ûguo nîûndû wîtîkio wenyu nîûrakûra mûno, na wendani gatagatîrî kenyu nî ûrongerereka.

1Tim 1:5

Nîrakwatha ûguo nîguo mûrurumûkie wendo ûrîa umaga ngororî ntheru, thamirirî mbaro na wîtîkiorî wa ma.

1Pet 4:8

Îgûrû rîa maûndû monthe endaga mûndû ûrîa wîngî na ngoro yaku yonthe, nîûndû wendani nîûkunîkagîra mevia mengî.

2Pet 1:7

Ûngairî wenyu mwongagîrîre ûtaana kûrî aarî na ariû a îthe wetû, ûtaanarî wenyu kûrî aarî na ariû a îthe wetû mwongagîrîre wendani.

2Pet 3:18

Nwatî thiîni na mbere gûkûra mûrî na wega na ûûgî wa Mwathani na Mûvonokia wetû Jesû Kristû. Ke arokumua rîu nginya tene na tene! Ameni.

Kûguû 2:13

Nie nîmbîcî we ûtûûraga kûrîa Caitani arî na gîtî gîake Kîam ûthamaki. We ûrî mwîvokeku kûrî nie, na ndwatiganîria wîtîkio waku kûrî nie wa na vîndî îrîa Anitipa aaûragirwe. Anitipa aarî mûira wakwa ûrîa waûragirwe arî îtûûrarî rîu rîenyu kûrîa Caitani atûûraga.

Kûguû 2:9

Nie nîmbîcî mathîna maku na nîmbicî maûndû macûku marîa andû amwe maragia mamwîgiî. O maugaga nî Ayahudi nwatî tî Ayahudi a ma. O nî gîkundi Kîam andû a Caitani!