Kûguû 19:7 - ÎVUKU RÎA ÛVORO MWARO

⁷ Nîtûkeneni na tûcanjamûke; nîtûkumieni ûnene wake! Nîûndû kavinda ga Gatûrûme kûgîa na mûviki nîgakinyu. Nake mûviki wake nîmwîvarîriu nîûndû waguo.

Kûguû 19:7 ပူးပေါင်းရင်းမြစ်များ

Thaburi 107:42

Andû arîa athingu monaga ûguo magakena, nwatî arîa onthe aganu nîmakiraga mona ûguo.

Thaburi 48:11

Tiga andû a Zayuni makene! Tiga andû a matûûra ma Juda macanjamûke, nîûndû ûtucagîra andû na kîvooto!

Thaburi 9:14

nîguo ngaarûngama mbere ya andû a Jerusalemu, na nîmere maûndû monthe marîa matûmaga ngûkumie. Nîngaakena nîûndû nîûmvonoketie.

Nthi 29:2

Rîrîa andû arîa athingu marathana, andû nî makenaga, nwatî rîrîa andû arîa aganu marathana, andû nîmacaaga.

Rwîmbo rwa Nyîmbo 3:11

Aka a Zayuni, ûkani mwone mûthamaki Solomoni. Ke ekîrîte nthûmbî îrîa ng'ina aamwîkîrire kîongorî gîake, mûthenya ûrîa aavikanagia, mûthenya ûrîa ecûrîtwe nî gîkeno.

Isaia 52:1

Ûkîra, ûkîra! Gîa na vinya, we Zayuni; îkîra nguo ciaku irîa mbaro, we Jerusalemu, îtûûra rîrîa rîamûre; nîûndû gûtirî mûndû ûtarî mûruu kana ûrî na mûgiro ûgaatonya gwaku rîngî.

Isaia 62:5

Nîûndû wata ûrîa mwanake avikagia mwîrîtu nthingi, nwaguo ûrîa wakûmbire agaakûvikia. Na wata ûrîa mûvikania akenagîra mûviki wake, nwaguo Ngai waku agaakena nîwe.

Isaia 66:10

Kenanîrani na îtûûra rîa Jerusalemu; na mûcanjamûke nîûndû wa rîo, mue arîa onthe mûrîendete! Kenanîrani narîo, mue muonthe mûrîcakayagîra!

Isaia 66:14

Rîrîa mûkoona maûndû mau magîkîka nîmûgaakena, mûgeekara mûrî na ûgima wa mîîrî na mûrî na vinya. Vîndî îo nîrîo gûkaamenyekana atî nie Ngai-Mûnene, nînie ngitagîra ndungata ciakwa. Na rîrîa narakara nîmverithagia nthû ciakwa.”

Zakaria 9:9

Mue andû a Zayuni kenani mûno; Mue andû a Jerusalemu ugîrîriani na vinya. Taroriani, mûthamaki wenyu nîaûkîte kûrî mue, aûkîte akenete na arî na ûvootani. Nî mwînyivia na akuuîtwe nî mvunda, akuuîtwe nî njaû ya mvunda.

Mathaayo 1:20

Na rîrîa Josefu eeciragia îgûrû rîa maûndû mau, mûraika wa Mwathani nîwamumîrîre kîrotorî na akîmwîra atîrî, “Josefu, we ûrîa wî wa mbarî ya Mûthamaki Daudi, ndûgetigîre kûvikia Mariamu, nîûndû îvu rîu arî narîo riumanîte na vinya wa Roho Mûtheru.

Mathaayo 22:2

“Ûthamaki wa îgûrû wîkariî ta mûthamaki ûrîa wavarîrîrie kîrugo Kîam ûviki wa mûvîcî.

Luka 12:36

Tuîkani ta ndungata irîa cietererete mwathi wacio akiuma kîrugorî Kîam ûviki. Ciîkaraga ciîvarîrîtie nîguo vîndî wa yonthe îrîa angîûka na aringaringa mûrango, nwa imûrugûrîre wa rîmwe.

Johana 3:29

Mûvikania nîke wîthagîrwa arî ke mwene mûviki, nwatî rîrîa mûrûngamîrîri wa ûviki arûngamîte vakuvî na mûvikania na akamûthikîrîria, nî ecûragwa nî gîkeno egua mûvikania akîaria. Na rîu gîkeno gîakwa nîgîcûru.

2Akor 11:2

Nînîramwîguîra wîru wata ûrîa Ngai amwîgucagîra, nîûndû mue mwîkariî ta mwîrîtu nthingi ûrîa nerîrîre akaavikua nî mûthuuri ûmwe, na nîke Jesû Kristû.

Aefeso 5:23

Nîûndû mûthuuri nîke wathaga mûndûmûka wata ûrîa Kristû arî ke wathaga kanitha. Na Kristû ke mwene nîke Mûvonokia wa Kanitha, ûrîa arî guo mwîrî wake.

Aefeso 5:32

Gîcunjîrî gîkî Kîam mandîko matheru varî na nthitho ya vata mûno, na nîrona atî ciugo ino iraria ûvoro wîgiî Kristû na kanitha.

Gûco 32:43

“Mue mavûrûri, kumiani andû a Ngai-Mûnene, nîûndû nîarîvagia arîa maûragaga ndungata ciake. Nîerîvagîrîria kûrî nthû ciake, na akatheria mevia ma andû ake.”

Afil 3:3

Tue nîtue twîthagîrwa tûruîte nama. Tûkumagia Ngai na njîra ya Roho wake na nîtûkenaga ûtûûrorî wetû tûrî ûrûmwe na Kristû na tûtiîvokaga maûndû marîa twîkaga mîîrî yetû.

Kûguû 11:13

Na kavinda wa kau nîkwagîre na kîthingithia kînene. Na gîcunjî kîmwe gîa îkûmi Kîam îtûûra rîu rînene nîkîagwîre, na andû ngiri mûgwanja makîûragwa. Andû arîa maatigarire nîmaagîre na guoya nyîngî na magîkumia ûnene wa Ngai wa îgûrû.

Kûguû 19:9

Nake mûraika nîwambîrire, “Andîka atîrî: Kûrathimwa nî arîa metîtwe kîrugorî Kîam ûviki wa Gatûrûme.” Mûraika nîwaugire rîngî atîrî, “Ino nîcio ciugo cia ma kuuma kûrî Ngai.”

Kûguû 21:2

Nînoonire îtûûra rîrîa rînene rîtheru, na nîrîo Jerusalemu njerû, rîkînyûrûrûka kuuma îgûrû kwî Ngai. Narîo rîagemetue ta ûrîa mûviki egemagia nîguo agatûnge mûthuuriwe.

Kûguû 21:9

Ûmwe wa araika arîa mûgwanja maarî na mbakûri ciecûrîte mathîna marîa mûgwanja ma mûthiia nîwaûkire kûrî nie. Nîwambarîrie akîmbîra atîrî, “Ûka tûthiî, nanie nîngûkwonia mûviki, mûndûmûka wa Gatûrûme.”

1Sam 2:1

Hana nîwavoire na akiuga atîrî, Ngai-Mûnene nîecûrîtie gîkeno ngororî yakwa, nie nîngenete nîûndû wa ûrîa ekîte. Nînthekagîrîra nthû ciakwa, nîrî mûkenu nîûndû Ngai nî amvonoketie!