Kûguû 19:6 - ÎVUKU RÎA ÛVORO MWARO

⁶ Ngîcoka ngîgua mûgambo ta wa andû eengî mûno. Mûgambo ûcio wagambaga ta mûgambo wa ndurumo ya manjî meengî mûno, kana mûrurumo mûnene wa ngwa. Nao maaugaga atîrî, “Ngai arokumua! ‘Nîûndû Mwathani, Ngai wetû mwene vinya wonthe, nî mûthamaki!’

Kûguû 19:6 ပူးပေါင်းရင်းမြစ်များ

Ayubu 40:9

We wî vinya ta nie? Wavota kûruruma na mûgambo ta wakwa?

Thaburi 47:2

Nîûndû Ngai-Mûnene, ûrîa ûrî Îgûrû Mûno, agîrîrwe nî gûtîîwa; nîke mûthamaki mûnene, ûrîa wathanaga nthî yonthe.

Thaburi 47:7

Ngai nî mûthamaki wa nthî yonthe; mûkumieni na nyîmbo!

Thaburi 77:18

Mûrurumo wa ngwa yaku warî kîvuvûkaniorî, mveni nîciatûmire nthî ng'ima kûgîe na ûtheri; na nthî nîyainainire na îkîthingitha.

Thaburi 93:1

Ngai-Mûnene nî mûthamaki. Ecûrîtwe nî riiri na vinya; nîatûmîte nthî îîvande na ndîngîenyenyeka.

Thaburi 97:1

Ngai-Mûnene nî arathana, kena we nthî. Kenani, mue icîgîrîra irîa irî îriarî!

Thaburi 97:12

Mue andû onthe arîa athingu, kenani nîûndû wa Ngai-Mûnene; na mûmûcokerie ngatho nîûndû wa maûndû marîa ekîte.

Thaburi 99:1

Ngai-Mûnene nî mûthamaki, andû nî mateteme. Ekarîrîte gîtî Kîam ûthamaki îgûrû rîa Akerubi; nayo nthî nîîthingithe.

Isaia 52:7

Kaî nî ûndû mwaro-î kwona mûndû arî irîmarî aretete ûvoro mwaro, akîanîrîra ûvoro wa thayû, na akîanagîrîra ûvonokio! Arera andû a Zayuni atîrî, “Ngai wenyu nîke ûrathana!”

Jeremia 51:48

Narîo îgûrû na nthî na indo cionthe irîa irî kuo, nîikaaina icanjamûkîte nîûndû wa Babuloni; nîûndû andû a gûûcûkangia nîmagaûka maumîte mwena wa rûgûrû. Ûguo nîguo nie Ngai-Mûnene nîrauga.

Ezek 1:24

Nînegwire mûgambo wa mathagu ma cio magûrûkîte; mûgambo wamo warî ta wa mûrurumo wa manjî meengî, mûgambo ta wa athigari a mbaara eengî, mûgambo ta wa Ngai. Na rîrîa ciarûngama nîciakûnjaga mathagu mau.

Ezek 43:2

Riiri wa Ngai wa Isiraeli nîwaûkire umîte na mwena wa îrathîro. Naguo mûgambo wa Ngai warî ta mûrurumo wa manjî ma îria, nayo nthî nîyagîre na ûtheri wa riiri wake.

Mathaayo 6:13

Ndûgatûvire mageriorî, nwatî ûtûvonokie kuuma kûrî Ûrîa Mûcûku.’

Kûguû 1:15

nyarîrî ciake ciakengete ta cuuma ya gîcango îrî ntherie na mwaki, naguo mûgambo wake wagambaga ta ndurumo ya manjî.

Kûguû 1:8

Mwathani Ngai, Mwene vinya wonthe, ûrîa warî kuo, ûrî kuo, na ûrîa ûgaûka arauga atîrî, “Nie nînie wa mbere na wa mûthiia.”

Kûguû 12:10

Nînacokire ngîgua mûgambo mûnene kuuma îgûrû ûkiuga atîrî, “Ûvonokio, ûvoti, Ûthamaki wa Ngai wetû na wathani wa Mesaya wake rîu nîûrîkîtie gûka! Nîûndû mûcukani ûrîa warûngamaga mbere ya Ngai wetû na agacuka ariû na aarî a îthe wetû ûtukû na mûthenya nîaikîtue nthî

Kûguû 14:2

Nanie nînegwire mûgambo kuuma îgûrû wagambaga ta ndurumo ya manjî, na ta mûrurumo mûnene wa ngwa. Mûgambo ûcio wagambaga ta mûgambo ûrîa aini magambagia makîvûra ngita ciao.

Kûguû 19:1

Vuva wa ûguo, nînegwire mûgambo wekariî ta wa gîkundi kînene Kîam andû marî kûu îgûrû ûkiuga atîrî: “Ngai arokumua! Ûvonokio, riiri, na vinya nî cia Ngai wetû!

Kûguû 19:4

Nao athuuri arîa mîrongo îîrî na ana vamwe na ciûmbe irîa irî mwoyo inya nîmeegwîthirie nthî na makîgooca Ngai ûrîa wekarîrîte gîtî Kîam ûnene, makiugaga, “Ameni, Ngai arokumua!”

Kûguû 21:22

Nie ndiona hekarû îtûûrarî rîu înene. Hekarû yarîo nî Mwathani Ngai mwene vinya wonthe na Gatûrûme.

Kûguû 4:5

Gîtîrî kîu Kîam ûthamaki nîkwaumaga mveni, mîgambo, na mûrurumo na ngwa. Kwarî na imûrî mûgwanja ciaakanaga vau mbere ya gîtî kîu Kîam ûthamaki, na imûrî icio nî maaroho mûgwanja marîa maatungataga Ngai.

Kûguû 6:1

Nînaacokire ngîona Gatûrûme gagîtumûra rûtumo rûmwe rwa icio mûgwanja, na ngîgua kîûmbe kîmwe Kîam irîa inya irî mwoyo gîkiuga na mûgambo wagambaga ta ngwa, “Ûka!”

Kûguû 8:5

Mûraika ûcio nîwacokire agîoca kavakûri agîgecûria mwaki kuuma metharî ya kîgongoona, na agîgaikia nthî. Nakuo nîkwagîre na mîrurumo ya ngwa, mîgambo, mveni, na kîthingithia.