Kûguû 19:20 - ÎVUKU RÎA ÛVORO MWARO

²⁰ Nayo nyamû nîyanyitirwe wa vamwe na mûrathi wa maveeni ûrîa waringaga ciama îrî vo. (Na njîra ya ciama icio, mûrathi ûcio wa maveeni nîwavîtithirie arîa maarî na rûûri rwa nyamû na maagoocete mûvuanano wayo.) Nyamû îo na mûrathi ûcio wa maveeni nîmaaikirue marî mwoyo îriarî rîa mwaki ûrîa wakanaga na ûviriti.

Kûguû 19:20 ပူးပေါင်းရင်းမြစ်များ

Kîam 19:24

Na wa rîmwe Ngai-Mûnene nîwaurithirie mwaki wa ûviriti ta mbura kuuma îgûrû, matûûrarî ma Sodomu na Gomora.

Ayubu 18:15

Nyomba yake rîu îtûûragwa nî andû engî, na kûu atûûraga gûakanaga ûviriti.

Thaburi 11:6

Nîakaaurithîria andû arîa aganu makara ma mwaki na ûviriti ta mbura, nîakaamaverithia na rûkûngi rûrî na ûrugarî mûnene.

Isaia 30:33

Nîûndû vandû va kûvîvîria Asîria vaathondekirwe wa tene; vandû vau nî îrima îriku na rîariî, varî na mwaki na ngû nyîngî. Ngai-Mûnene nîagaakania mwaki ûcio ta mwaki wa ûviriti.

Isaia 34:9

Tûrûnjî twa Edomu nîtûkaagarûrûka tûtuîke rami, naguo mûthetu wa kuo ûtuîke ûviriti. Vûrûri wonthe ûgaatuîka ta rami îgûakana mwaki.

Ezek 24:5

Oca nyama cia ng'ondu îrîa mbaro, îkîra ngû rungu rwa thuvuria; itherûkie waro, therûkia nginya mavîndî. ”

Ezek 38:22

Nîngaamûverithia na mîrimû mîcûku na ndûme andû maûragane. Nîngaaurithîria Gogu, athigari ake a mbaara na arîa onthe arî nao mbura nene ya mbembe na mwaki wa ûviriti.

Danieli 11:45

Nîakaamba magema make ma ûthamaki gatagatî ka îria na kîrîma kîrîa kîtheru, varîa hekarû îtumîtwe. Nwatî kavinda gake ga gûkua gakinya, gûtirî mûndû ûkamûtethia.”

Danieli 8:24

Ke nîakaagîa na vinya mûno. Nwatî tî ûvoti wake ke mwene. Nîagaacûkangia maûndû meengî na manene, na avootanage maûndûrî marîa ageekaga. Nîagaacûkangia andû arîa marî îgweta vamwe na andû a Ngai.

Danieli 8:26

Cioneki ciîgiî magongoona ma kîraûko na ma kîvwaî marîa matarîrîtue nîkavinga. Nwatî nîmaigîtwe marî nthithorî, nîûndû nîgûgwîkara kavinda karaca nginya rîrîa magaatuîkîka.’

Mathaayo 7:15

“Îîmenyagîrîreni arathi a maveeni arîa maûkaga kûrî mue mekariî ta ng'ondu, nwatî ndaarî yao mekariî ta ciathi ngoroku.

Gûco 29:23

Vûrûri wonthe ûkeethîrwa ûkunîkîtwe nî cumbî na ûviriti, na ûtangîvandwa wanarî kîndû gîkamera, nginya nyaki ndîkaamera. Vûrûri wenyu ûkethîrwa wîkariî ta Sodomu na Gomora, Adima na Zeboimu, matûûra marîa Ngai-Mûnene aacûkangirie rîrîa aarakarîte nîmo mûno.

Josh 8:23

tiga mûthamaki wa Ai. Anyitwa nîwavirirwe arî mwoyo kûrî Joshua.

Kûguû 14:10

wa nake nîakaanyua ndivei ya mang'ûrîka ma Ngai, îkîrîtwe gîkomberî Kîam marakara make îtarî ndwekie! Andû onthe arîa mageeka ûguo nîmakaaverithua na mwaki na ûviriti marî mbere ya araika arîa atheru na mbere ya Gatûrûme.

Kûguû 17:12

“Nacio mvîa îkûmi irîa wonire nî athamaki îkûmi arîa matarî marambîrîria kwathana. Na rîrîa makaambîrîria kwathana, magetîkîrua mathane kavinda ka îthaa rîmwe marî vamwe na nyamû îo.

Kûguû 19:19

Nînacokire ngîona nyamû na athamaki a nthî na mbûtû ciao cia athigari a mbaara. Nao maagomanîte nîguo marûe na ûrîa wathiîte ekarîrîte mbarathi ya rangi njerû na mbûtû yake ya athigari a mbaara.

Kûguû 20:10

Nake Ngoma ûrîa wamavîtithîtie, nîwaikirue îriarî rîa mwaki na ûviriti, kûrîa nyamû na mûrathi wa maveeni maaikîtue. Nao nîmagatûûra maverithagua ûtukû na mûthenya tene na tene.

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”

Kûguû 22:15

Nwatî nakûu nja ya îtûûra nîkuo kûrî andû arîa mekaga maûndû macûku na arîa maragûraga, arîa mekaga maûndû ma ûtharia na aûragani. Na nwakuo kûrî avoi mîvuanano na arîa maveenanagia na ciîko na mîario yao.

Kûguû 9:17

Nakîo kîonekirî gîakwa nînoonire mbarathi na arîa maathiîte maciîkarîrîte: nao maarî na ngo cia cuuma cia mbaara ithûrirî cia kwîgitîra nacio. Na ngo cia rangi ndune ta mwaki, rangi ya vururu na ya erûû ta ya ûviriti. Ciongo cia mbarathi icio ciekariî ta ciongo cia mînyambû. Natuo tûnyuarî twacio nîkwaumaga mwaki, ndogo na ûviriti.