Kûguû 19:18 - ÎVUKU RÎA ÛVORO MWARO

¹⁸ Ûkani mûrîe mîîrî ya athamaki, anene a athigari a mbaara, andû arîa marî îgweta, ya mbarathi na ya andû arîa mathiîcaga maciîkarîrîte, na mîîrî ya andû onthe, ngombo na arîa matarî ngombo anini na arîa anene!”

Kûguû 19:18 ပူးပေါင်းရင်းမြစ်များ

Jeremia 16:4

nîmakaûragwa nî mîrimû mîcûku na gûtirî mûndû ûkamacakaîra kana amathika, mîîrî yao îgaatuîka ta irûndo cia mai gûkû nthî. Makaûragîrwa mbaararî na maûragwe nî yûra. Ciimba ciao ikaarîwa nî iconi na nyamû cia kîthaka.

Jeremia 19:7

Vandû ava nîvo ngaacûkangîria mîvango yonthe ya andû a Juda na Jerusalemu. Nîngatûma mavootwe nî nthû ciao marî mbaararî na imaûrage. Nîngatûma ciimba ciao irîwe nî iconi na nyamû cia kîthaka.

Jeremia 34:20

Andû acio nîngamarekereria kûrî nthû ciao, na kûrî andû arîa mendaga kûmaûraga. Ciimba ciao nîikaarîwa nî iconi cia rîerarî na nyamû cia kîthaka.

Jeremia 7:33

Ciimba cia andû aya ikaarîwa nî iconi cia rîerarî na nyamû cia kîthaka na gûtirî mûndû ûkaimakia.

Ezek 29:5

We vamwe na nthamaki icio nîngaamwikia werûrî na mîîrî yenyu nîîkagwa kûndû gûtarî kîndû na ndîkaathikwa. Mîîrî yenyu îgaatuîka irio cia nyamû cia kîthakarî na iconi cia rîerarî.

Ezek 39:17

Ngai-Mûnene nîwambîrire atîrî, “We mûndû, îra iconi cia mîthemba yonthe na nyamû cionthe cia kîthakarî igomane vamwe kuuma mîena yonthe ciûke kîgongoonarî kîrîa nîithondekerete. Gîkethîrwa kîrî kîrugo kînene mûno irîmarî cia Isiraeli, na nîkuo ikaarîa nyama na inyue nthakame.

Mathaayo 24:28

Kûndû kûrîa kuonthe ciimba irî, nîkuo nderi igomanaga.

Luka 17:37

Nao arutwa nîmaaûririe Jesû atîrî, “Mwathani, maûndû mama magaatuîkîkîra kû?” Nake nîwamacokerie atîrî, “Vandû varîa kimba kîrî nîvo nderi itûnganaga.”

Gûco 28:26

Ciimba cienyu ikethîrwa irî irio cia iconi na nyamû cia kîthaka na gûtirî mûndû ûgaaciîngata.

Kûguû 11:18

Andû a ndûrîrî nîmaang'ûrîkire nîûndû îvinda nîrîkinyu rîa kwonania marakara maku, na îvinda rîa gûtuîra arîa akuû. Îvinda nîrîkinyu rîa kûva ndungata ciaku iveo na nîo arathi, andû arîa atheru, arîa onthe magwîtigagîra anene wa na arîa anini. Îvinda nîrîkinyu rîa kûûraga arîa macûkangagia nthî!”

Kûguû 13:16

Nyamû îo ya kaîrî nîyatûmire andû onthe anini na anene, itonga na athîni, ngombo na arîa matarî ngombo, mekîrwe rûûri njararî ya ûrîo kana ûthiû.

Kûguû 17:16

Mvîa irîa îkûmi wonire, na nyamû nîikaathûûra mûmaraa ûcio na nîigooca indo ciake cionthe irîa arî nacio na imûtige arî njaga. Nîikaarîa nyama cia mwîrî wake na imûvîvie na mwaki athire.

Kûguû 19:5

Vuva wa ûguo nînegwire mûgambo kuuma gîtîrî Kîam ûnene ûkiuga atîrî, “Ngai wetû arokumua nî mue arîa onthe mûmûtungataga na mûmûtîîaga, mue muonthe anene na anini!”

Kûguû 6:15

Nao athamaki a nthî, andû arîa marî îgweta, anene na athigari a mbaara, itonga, andû arîa marî vinya, na andû arîa engî onthe, ngombo na arîa matarî ngombo nîmeethithire ngurungarî na mathigarî ma irîma.

1Sam 17:44

Mûfilisiti ûcio nîwerire Daudi atîrî, “Nguvîvîria na nînengera iconi cia rîerarî na nyamû cia kîthaka kimba gîaku.”

1Sam 17:46

Ûmûnthî Ngai-Mûnene nîakûmva we, ngûvoote na ngûnuke kîongo na njoke mve iconi na nyamû cia kîthaka ciimba cia athigari a Afilisiti irîe, nîguo andû a nthî mamenye atî Isiraeli kwîthagîrwa kûrî na Ngai.