Kûguû 19:17 - ÎVUKU RÎA ÛVORO MWARO

¹⁷ Nînacokire ngîona mûraika arûngamîte îgûrû rîa riûa. Nîwaugîrîrie na mûgambo mûnene agîîta iconi cionthe irîa ciagûrûkaga rîerarî agîciîra atîrî: “Ûkani mûgomane vamwe kîrugorî kînene Kîam Ngai.

Kûguû 19:17 ပူးပေါင်းရင်းမြစ်များ

Isaia 29:2

Kûnarî ûguo nîngaatûma Jerusalemu kûgîe kîeva, na nîgûkaagîa kîrîro na macakaya, na kûrî nie îtûûra rîu rîkethîrwa rîkariî ta metha ya kîgongoona îrî na nthakame.

Isaia 56:9

Mue nyamû cionthe cia kîthaka, mue nyamû cionthe cia mûtitû, ûkani mûcûkangie andû akwa.

Jeremia 12:9

Andû arîa nthurîte mekariî ta iconi mbaro, irîa itharîkagîrwa na mbarî cionthe nî nderi. Thiî ûnganie nyamû cionthe irîa mbaganu, nîguo ciûke kîrugorî.

Ezek 31:13

Iconi cionthe cia rîerarî nîikaagûcaga mûtîrî ûcio mûgûu nthî, nacio nyamû cionthe cia kîthakarî nîigaakinyangaga mvûa ciaguo.

Kûguû 14:6

Nie nînaacokire ngîona mûraika wîngî agûrûkîte îgûrû rîerarî. Mûraika ûcio aarî na ûvoro mwaro wa tene na tene wa kûvunjia kûrî andû arîa matûûraga nthî, kûrî iruka cionthe, mbarî, nthiomi, na mavûrûri monthe.

Kûguû 19:21

Nao athigari ao a mbaara nîmaaûragirwe na rûviû rwa njûra rûrîa rumaga kanyuarî ka ûrîa wathiîte ekarîrîte mbarathi. Nacio iconi cionthe nîciarîre nyama cia mîîrî yao wata ûrîa ingîavotire.

Kûguû 8:13

Nînacokire ngîroria na ngîgua nderi îrîa yagûrûkîte îgûrû rîerarî îkiugîrîria na mûgambo mûnene atîrî, “Uuui! Uuui! Uuui! Na kaî andû arîa matûûraga nthî nîmakeethîrwa na thîna rîrîa araika acio engî athatû makaavuva tûrumbeta-î!”

1Sam 17:44

Mûfilisiti ûcio nîwerire Daudi atîrî, “Nguvîvîria na nînengera iconi cia rîerarî na nyamû cia kîthaka kimba gîaku.”