Kûguû 18:9 - ÎVUKU RÎA ÛVORO MWARO

⁹ Athamaki a nthî arîa meekire maûndû ma ûtharia na nîmaagwatanîre merirîria macûku nake nîmakaarîra na maugîrîrie mona ndogo îrîa yaumaga kûrî rîo rîkîvîa.

Kûguû 18:9 ပူးပေါင်းရင်းမြစ်များ

Kîam 19:28

Nîwaroririe nthî matûûrarî ma Sodomu na Gomora wana Kîamnda kîonthe, na akîona ndogo îkîthiî na îgûrû yumîte nthî. Yekariî ta ndogo îrîa yumaga mwakirî mûnene mûno.

Thaburi 58:10

Andû arîa athingu nîmagaakena mona arîa evia makîverithua; makethambia magûrû na nthakame ya andû arîa aganu.

Isaia 13:19

Babuloni îrî riiri gûkîra mothamaki monthe; ûnene waguo nîûtûmaga Akalidei metîîa. Nwatî nie Ngai-Mûnene ngaacûkangia îtûûra rîu, wata ûrîa nacûkangirie Sodomu na Gomora.

Isaia 30:33

Nîûndû vandû va kûvîvîria Asîria vaathondekirwe wa tene; vandû vau nî îrima îriku na rîariî, varî na mwaki na ngû nyîngî. Ngai-Mûnene nîagaakania mwaki ûcio ta mwaki wa ûviriti.

Jeremia 50:40

Ta ûrîa Ngai aacûkangirie Sodomu na Gomora vamwe na matûûra marîa mariganîtie na kuo, gûtirî mûndû ûgaatûûra kana ararîrîra kuo.

Jeremia 50:46

Rîrîa Babuloni îgatavwa, nthî yonthe nîîkathingitha na kîrîro gîake nîgîkeguwa nî mavûrûri marîa mengî.”

Jeremia 51:8

Babuloni nîûgwîte wa rîmwe na ûkavootwa; ûcakaîreni! Carîriani ironda ciaguo ndawa, nwa kwîthîrwa nîûkûvona.

Ezek 27:35

“Andû onthe arîa matûûraga rûtere rwa îria, nîmamakîte nîûndû waku. Nao athamaki a kuo nîetigîru mûno na magakûnja mothiû mao nî gûtangîka.

Danieli 4:14

Nake nîwanîrîre na mûgambo mûnene atîrî, “Tema mûtî ûcio na ûvarie nvûa ciaguo. Ûrivarive mathangû na ûnyagie matunda ma guo. Îngata nyamû cionthe irîa irî rungu rwa guo na iconi cionthe irîa itumîte ciomba mvûarî ciaguo.

Gûco 29:23

Vûrûri wonthe ûkeethîrwa ûkunîkîtwe nî cumbî na ûviriti, na ûtangîvandwa wanarî kîndû gîkamera, nginya nyaki ndîkaamera. Vûrûri wenyu ûkethîrwa wîkariî ta Sodomu na Gomora, Adima na Zeboimu, matûûra marîa Ngai-Mûnene aacûkangirie rîrîa aarakarîte nîmo mûno.

1Tim 5:11

Nwatî ndûkandîke aka a ndigwa arîa ethî mûtaratararî ûcio, nîûndû vîndî îrîa magîa na merirîria ma mwîrî marîa matûmaga mende kûvika, nîmatiganagîria ûvoro wa Kristû.

Kûguû 14:11

Nayo ndogo ya mwaki ûrîa ûkaamanyamaria yunûkagia na îgûrû tene na tene. Arîa magoocaga nyamû kana mûviano wayo na marî na rûûri rwa rîîtwa rîayo, magatûûra manyamaragua.”

Kûguû 17:2

Athamaki a nthî nîmatharîtie nake. Nao andû a nthî nîmaatuîkire mîrîu ya ûtharia.”

Kûguû 18:18

Na moona ndogo îrîa yaumaga mwakirî ûrîa warîvîvagia, nîmaugîrîrie atîrî, “Gûtirî kwagîa îtûûra rîngî rînene ta rîrî!”

Kûguû 18:20

Mue arîa onthe mûtûûraga îgûrû, kenani! Andû a Ngai, atûmwa na arathi Kenani! Nîûndû Ngai nîarîtuîrîrîte nîûndû wa maûndû marîa rîekire kûrî mue.

Kûguû 18:3

Mavûrûri monthe matuîkîte mîrîu ya merirîria macûku ma mwîrî. Athamaki a nthî nîmatharîtie nake. Nao avûri a mbiacara, matuîkîte itonga kuumana na merirîria meengî mûcûku make ma mwîrî.”

Kûguû 18:7

Mûve mathîna meengî na kîeva ciîgana ta riiri na ikeno irîa ke eeveere. Ke eeîraga atîrî, ‘Nie nî mûndûmûka mûthamaki! Nie ndirî mûndûmûka wa ndigwa, na ndikethîrwa na kîeva!’

Kûguû 19:3

Wana rîngî nînaugîrîrie atîrî, “Ngai arokumua! Ndogo kuuma mwakirî ûrîa ûravîvia îtûûra rîu înene yunûkagia na îgûrû tene na tene!”

Kûguû 2:22

Kwoguo nîngaatûma arware. Nao andû onthe arîa mekaga ciîko cia ûmaraa nake nîngaatûma mathînîke mûno, ethîrwa tîmatiga gwîka ciîko icio njûku nake.