Kûguû 18:4 - ÎVUKU RÎA ÛVORO MWARO

⁴ Ngîcoka ngîgua mûgambo wîngî kuuma îgûrû ûkiuga atîrî: “Umani kûrî ke, andû akwa! Nîguo mûtikevie take, na mûtikaaverithue take.

Kûguû 18:4 ပူးပေါင်းရင်းမြစ်များ

Kîam 19:14

Loti nîwacokire akîthiî kûrî arûme arîa maarî mavikie erîtu ake na akîmeera atîrî, “Îîvarîrieni narua muume îtûûrarî rîîrî, nîûndû Ngai-Mûnene nîwîvarîrîtie kûrîcûkangia.” Nwatî meeciragia nî îtherû aarî narîo.

Thaburi 50:18

Wona mwîi ûtuîkaga mûrata wake, na ûkanyitanîra na andû arîa mekaga maûndû ma ûtharia.

Isaia 48:20

Umani Babuloni, ûrani mume kûrî Akalidei! Anîrîrani ûndû ûyû mûkenete, ûmenyithanieni mîthiiarî yonthe ya nthî: ugani atîrî, “Ngai-Mûnene nîavonoketie ndungata yake Jakovu!”

Isaia 52:11

Thiîni, thiîni, mume kûu Babuloni, mûtikavutie kîndû wa kîonthe kîrî mûgiro! Îîtherieni mue mûkuuaga indo cia Ngai-Mûnene.

Jeremia 50:8

“Andû a Isiraeli, îthareni mume Babuloni! Umani vûrûrirî ûcio wa Akalidei, na mwîkare ta nthenge irî mbere ya mbûri.

Jeremia 51:45

“Andû akwa umani vakuvî nake! Wa mûndû athare mwoyo wake kuuma kûrî marakara manene ma Ngai-Mûnene.

Jeremia 51:50

Ngai-Mûnene arera andû ake arîa marî Babuloni atîrî, “Mue arîa mûtigarîte mûtarî aûrage thiîni, mûtigekare ava! Ririkanani Ngai-Mûnene wana ethîrwa mûrî vûrûrirî wa kûraca, na mûririkane îtûûra rîa Jerusalemu.

Jeremia 51:6

Ûrani mume Babuloni mûvonokie mîoyo yenyu! Babuloni îraverithua nîûndû wa mavîtia mayo, nîûndû gaka nîko kavinda ka Ngai-Mûnene ga kwîrîvîrîria, araverithia Babuloni kûringana na mavîtia mayo.

Jeremia 51:9

Nîtwageririe kûvonia vûrûri wa Babuloni nwatî ndwavona. Tûûtiganîrie tûthiî wa mûndû vûrûrirî wake; nîûndû Ngai nîaverithîtie vûrûri wa Babuloni na vinya wake mûnene; na agaûcûkangia viû.

Mathaayo 23:30

Mue mugaga atîrî, ‘Kethîrwa nîmwatûûraga mwoyo vîndî ya methe menyu, mûtingîagwatanîre nao kûûraga arathi.

2Akor 6:17

Kwoguo Mwathani augîte atîrî, “Umani kûrî o na mûtigane nao, mûtikanyite kîndû gîtarî kîtheru, na nie nîngaamwîtîkîra.

1Tim 5:22

Ndûkanaigîrîre mûndû wana ûrîkû njara na karûgî atî nîguo atuîke ndungata ya Ngai. Ndûkagwatanîre na mevia ma mûndû wîngî, îkaraga ûrî mûtheru.

2Joh 1:11

Nîûndû mûndû ûrîa ûmûkethagia nîanyitanagîra nake maûndûrî make macûku marîa ekaga.