Kûguû 18:20 - ÎVUKU RÎA ÛVORO MWARO

²⁰ Mue arîa onthe mûtûûraga îgûrû, kenani! Andû a Ngai, atûmwa na arathi Kenani! Nîûndû Ngai nîarîtuîrîrîte nîûndû wa maûndû marîa rîekire kûrî mue.

Kûguû 18:20 ပူးပေါင်းရင်းမြစ်များ

Thaburi 107:42

Andû arîa athingu monaga ûguo magakena, nwatî arîa onthe aganu nîmakiraga mona ûguo.

Thaburi 109:28

Tiga andû manume, nwatî we ûndathime, tiga arîa marantharîkîra maconoke, nanie, ndungata yaku, ngene.

Thaburi 18:47

Nîke wamvotithirie kwîrîvîrîria kûrî nthû ciakwa, nîwatûmire mvoote andû a ndûrîrî,

Thaburi 48:11

Tiga andû a Zayuni makene! Tiga andû a matûûra ma Juda macanjamûke, nîûndû ûtucagîra andû na kîvooto!

Thaburi 58:10

Andû arîa athingu nîmagaakena mona arîa evia makîverithua; makethambia magûrû na nthakame ya andû arîa aganu.

Thaburi 94:1

We Ngai-Mûnene, wî Ngai wîrîvagîrîria; We Ngai ûrîa wîrîvagîrîria, wîyonanie!

Nthi 11:10

Rîrîa andû arîa athingu matûûrîte waro nî kûgîcaga na gîkeno îtûûrarî, na rîrîa andû arîa aganu mathira îtûûrarî, nî riugagîrîria rîkenete.

Isaia 26:21

Nîûndû Ngai-Mûnene nîagaaûka kuuma îgûrû kûrîa ekaraga aûke averithie andû nîûndû wa mavîtia mao. Nayo nthî nîkaaumbûra arîa maaûragirwe na ndîkaathitha rîngî arîa maaûragirwe.

Isaia 44:23

Kenani mue arîa onthe mûtûûraga îgûrû, nîûndû Ngai-Mûnene nîekîte ûguo! Anîrîrani mue nthî kûrîa kûriku! Inani mûkenete mue irîma, mîtitû na mîtî yonthe îrîa îrî kuo! Nîûndû Ngai-Mûnene nîakûûrîte Jakovu, na nîatûûra akumagua vûrûrirî wa Isiraeli.

Isaia 49:13

Mue îgûrû inani mûkenete! Wanamue nthî kenani! Mue irîma ambîrîriani kwina! Nîûndû Ngai-Mûnene nîaûmîrîrîtie andû ake, na nîakeguîra ntha andû ake arîa marathînîka.

Zefania 3:15

Ngai-Mûnene nîathirîtie kûverithua kwenyu, na nîathengutîtie nthû cienyu cionthe. Ngai-Mûnene mûthamaki wa Isiraeli arî gatagatîrî kenyu; ndûgetigîra mathîna rîngî.

Aefeso 2:20

Wa namue mwîkariî ta nyomba îrîa yatumirwe îgûrû rîa atûmwa na arathi marî ta o mûcingi. Nake Kristû ke mwene nîke îthiga rîrîa rîa vata mûno rîa nyomba îo.

Aefeso 3:5

Andû arîa maatûûraga kuo mavinda marîa mavîtûku, matierwa nthitho îno. Nwatî rîu na njîra ya Roho, Ngai nîwonanîtie nthitho îo kûrî atûmwa ake atheru na arathi.

Aefeso 4:11

Ke nîke wavecanire iveo kûrî andû. Aathuurire amwe matuîke atûmwa, engî matuîke arathi, engî matuîke avunjia a Ûvoro Mwaro na engî matuîke arîthi na arimû.

Gûco 32:42

Nîngaatûma mîguî yakwa înyue nthakame. Rûviû rwakwa rûrîe nyama, na rûconjwe nî nthakame ya andû arîa aûrage na mîgwate, na nthû irîa irî njuîrî ndaca.

2Pet 3:2

Nîrenda mûririkane ciugo irîa ciarirue tene mûno nî arathi arîa atheru na rîathani rîrîa mwaveerwe nî atûmwa enyu riumîte kûrî Mwathani na Mûvonokia.

Juda 1:17

Nwatî mue arata akwa, nîmwagîrîrwe nî kûririkana ûvoro ûrîa mwerîtwe mbere nî atûmwa a Mwathani wetû Jesû Kristû.

Kûguû 12:12

Kwoguo kenani mue muonthe arîa mûtûûraga îgûrû! Nwatî kaî arîa matûûraga gûkû nthî na îriarî nîmakethîrwa na thîna-î! Nîûndû Ngoma nîanyûrûrûkîte kûrî mue. Ke nî mwîcûre nî marakara, nîûndû nîaicî atî kavinda gake karîa gatigarîte nî kanini.”

Kûguû 18:6

Mwîke wata ûrîa ke agwîkîte, mûrîve maita maîrî ma ûrîa ke aagwîkire. Îcûria gîkombe gîake ndivei ndûrû maita maîrî ma îrîa ke amûthondekerete.

Kûguû 6:10

Nayo mîoyo îo nîyaugîrîrie na mûgambo mûnene atîrî; “Mwathani mwene vinya wonthe, Mûtheru na wa ma! Nîwîkara nginya rî ûtarî mûtuîru na ûkaverithia andû a nthî nîûndû wa gûtûûraga?”

Atir 5:31

Ngai-Mûnene, nthû ciaku irokua wa ûguo, nwa arata aku maroîthîrwa mekariî ta riûa rîkîratha! Naguo vûrûri ûcio nîwagîre thayû îvinda rîa mîaka mîrongo îna.