Kûguû 18:14 - ÎVUKU RÎA ÛVORO MWARO

¹⁴ Nao avûri a mbiacara nîmakaamwîra atîrî, “Indo irîa cionthe mbaro wendete nîciaûra, naguo ûtonga waku na indo irîa ûregemagia nacio nîciathiî na ndûgaciona rîngî.”

Kûguû 18:14 ပူးပေါင်းရင်းမြစ်များ

Thaburi 106:14

Marî werûrî nîmecûrirwe nî ngumba nene ya irio, na makîgeria Ngai marî kûu werûrî.

Thaburi 78:18

Nîmaatwire na ngoro ciao magerie Ngai, na njîra ya kûmwîtia irio irîa meeriragîria.

Ndari 11:34

Kwoguo vandû vau nîvaatuîrîrwe rîîtwa Kivirothi Hatava (ûguo nî kuga mbîrîra cia arîa akoroku) nîûndû vau nîvo andû arîa maarî na ngumba ya nyama maathikirwe.

Ndari 11:4

Kwarî na andû ageni mathiîcanîtie na andû a Isiraeli. Andû acio maarî na ngumba ya nyama mûno. Kwoguo nîmaatûmire andû a Isiraeli mambîrîria kûrîra makiugaga atîrî, “Narî kethîrwa tûrî na nyama cia kûrîa!

Mathaayo 11:8

Mue mwathiîte kwona ndûî? Nî mûndû wekîrîte nguo cia goro? Andû arîa mekagîra nguo cia goro mekaraga nyombarî cia mûthamaki.

Luka 12:20

Nwatî Ngai nîwamwîrire atîrî, ‘We kîrimû gîkî! Ûtukû wa ûmûnthî nî ûkûnenganîra mwoyo ûcio waku. Kwoguo, nî ûrîkû ûkûnyita îgai rîu rîa indo ciaku?’ ”

Luka 16:25

“Nwatî Iburahimu nîwamwîrire atîrî, ‘Mwana wakwa, taririkana atî kavinda karîa warî mwoyo nîwavetwe maûndû monthe maro, nake Lazaro akavewa maûndû monthe macûku. Nwatî rîu Lazaro arî gîkenorî nawe ûrî mathînarî.

1Akor 10:6

Maûndû mau monthe meekîkire nîguo matuîke kîonereria kûrî tue gîa gûtûkaania atî tûtikeriragîrie maûndû macûku ta ûrîa mekire,

Jakuvu 4:2

Mue nîmwîriragîria indo, nwatî mûtigîcaga nacio, kwoguo nîmûraganaga. Mue nîmwîriragîria indo na vinya, nwatî mûtingîvota kûgîa nacio. Kwoguo nîmûtetanagia na mûkarûa. Mûtirî na kîrîa mwîriragîria nîûndû mûtiîtagia Ngai.

Kûguû 18:13

Nî mendagia mîthemba yonthe ya maguta na mîtu ya goro yanungaga waro mûno. Nî mendagia indo cia kûrîwa na kûnyua ta ndivei, maguta, mûtu, ngano, ng'ombe, ng'ondu, na mbarathi, ikaari cia gûkuua andû kana mîrigo, na makendia ngombo. Indo icio cionthe itiagûragwa.

Kûguû 18:15

Avûri a mbiacara arîa maatongire kuumana na wîra ûcio wao îtûûrarî rîu rînene, nîmakaarûngama varaca nîûndû wa gwîtigîra kûverithua marî nake. Nîmakaarîra na megue kîeva, makiugaga atîrî,