Kûguû 17:9 - ÎVUKU RÎA ÛVORO MWARO

⁹ “Ava varenda ûûgî na ûtaûku. Ciongo icio mûgwanja nî irûngamîrîrîte irîma mûgwanja irîa mûndûmûka ûcio ekaragîra. Wana nî athamaki mûgwanja.

Kûguû 17:9 ပူးပေါင်းရင်းမြစ်များ

Danieli 12:4

Nwatî we, Danieli, vinga îvuku na ûrîkîre rûtumo, nginya kavinda ka mûthiia wa nthî. Andû eengî nî makaavinyûra ava na vaarîa na nî makoongerera ûûgî.

Hosea 14:9

Mûndû wa wonthe mûgî nîataûkîrwe nî maûndû mama, arîa maicî gûkûûrana nîmamenye maûndû mama. Nîûndû njîra cia Ngai-Mûnene nî nûngarû na andû arîa athingu matûûraga mairûmagîrîra, nwatî evia nîmavîngagwa marî njîrarî icio.

Mathaayo 13:11

Nake Jesû nîwamacokerie atîrî, “Mue nîmûvetwe ûmenyo wa nthitho cia ûthamaki wa îgûrû nwatî acio engî tî ave.

Mathaayo 24:15

“Mue nîmûkoona ‘Kîndû kîrîa kîrî mûgiro’ kîrîa mûrathi Danieli aaririe ûvoro wakîo kîrûngamîte vandû varîa vatheru.” (Mûndû ûrîa ûrathoma nîataûkîrwe nî ûrîa kûrerwa!)

Kûguû 13:1

Nînaacokire ngîona nyamû îkiumîra îriarî. Nayo yarî na mvîa îkûmi na ciongo mûgwanja. Na wa rûvîarî rwayo kwarî na nthûmbî. Na wa kîongorî Kîamyo nîkwarî na rîîtwa rîa kûruma Ngai.

Kûguû 13:18

Ava varenda ûûgî. Ûrîa ûrî na ûtaûku atuîrie ûrîa namba ya nyamû îo yugîte, nîûndû namba îo nî rîîtwa rîa mûndû. Nayo namba îo nî magana matandatû na mîrongo îtandatû na ithathatû (666).

Kûguû 17:18

“Mûndûmûka ûrîa wonire nî îtûûra rîrîa rînene rîrîa rîathaga athamaki a nthî.”

Kûguû 17:3

Nînecûrirwe nî Roho Mûtheru, nake mûraika nîwanguire akîmvira werûrî. Kûu nînoonire mûndûmûka ekarîrîte nyamû ya rangi ndune. Nyamû îo yarî na marîîtwa mwîrîrî wonthe marîa maarumaga Ngai. Yarî na ciongo mûgwanja na mvîa îkûmi.

Kûguû 17:7

Nwatî mûraika nîwambûririe atîrî, “Ûmakîtue nîndûî? Nie nîngaakwîra ûrîa nthitho îo yugîte ya mûndûmûka na ya nyamû îrîa îmûkuuaga, na îrî na ciongo mûgwanja na mvîa îkûmi.