Kûguû 16:4 - ÎVUKU RÎA ÛVORO MWARO

⁴ Mûraika wa kathatû nake nîwetûrûrire kîrîa Kîamrî mbakûrirî yake nyûnjîrî na kûndû kûrîa kuumaga manjî, nacio igîtuîka nthakame.

Kûguû 16:4 ပူးပေါင်းရင်းမြစ်များ

Thaburi 78:44

Nîwatûmire manjî magarûrûke magîtuîka nthakame, nîguo andû a Misiri mature manjî ma kûnyua.

Ntha 8:5

Ngai-Mûnene nîwerire Musa atîrî, “Îra Aroni oce mûragi wake na aûkîrîrie îgûrû rîa nyûnjî, mîtaro ya manjî na maria ma manjî atûme ciûra ciume rûnjîrî ithiî ciîcûre vûrûri wonthe wa Misiri.”

Isaia 50:2

“Nîndûî gîatûmire vethîrwe vatarî mûndû vîndî îrîa naûkire? Nîndûî gîatûmire ndure mûndû wa kûnjokeria vîndî îrîa netanire? Nîkwa vinya wa njara yakwa wî mûnini, ûndû îtangîvota gûkûûra andû? Kana nîkwa ndarî na vinya wa kûvonokania? Taroriani nie nîmvûîthagia îria na uuge wakwa, na ngatûma nyûnjî ituîke werû, na nthamaki ciakuo igakua nî kûnyonda, na ikanunga nî gûtura manjî.

Ezek 35:8

Nîngecûria kîrîma gîa Seiru ciimba. Nakuo tûrîmarî, ciandarî na tûrûnjîrî twenyu nîgûgecûra andû arîa maûragîrîtwe mbaararî.

Hosea 13:15

“Wana ethîrwa Efiraimu nîakûthiî na mbere kûvua arî gatagatîrî ka aa mûrwang'ina, nie Ngai-Mûnene nîngatûma rûkûngi kuuma mwena wa îrathîro rûvurutane; rûkûngi rûu rûkauma werûrî, nacio ithima ciakuo nîikaathira manjî, na kûrîa kûtherûkaga manjî kûvwe. Kûrîa kuonthe aigîte mîthithû yake ya goro nîgûkaanyitwa.

Kûguû 11:6

Aira acio marî na ûvoti wa kûgiria mbura yure kavindarî karîa methagîrwa makîanîrîra ndûmîrîri ya Ngai. O marî na ûvoti wa kûgarûra manjî magatuîka nthakame, na wa gûtûma kûgîe na mathîna ma mîthemba mîîngî gûkû nthî maita meengî wa ûrîa mangîenda.

Kûguû 14:7

Ke nîwaugire augîrîrîtie atîrî, “Tîîani Ngai na mûkumie ûnene wake! Nîûndû kavinda gake ga gûtuîra andû a nthî nîgakinyu. Goocani Ngai ûrîa waûmbire îgûrû, nthî, îria na kûrîa kuumaga manjî!”

Kûguû 16:5

Nie nînegwire mûraika ûrîa ûrûngamagîrîra manjî auga atîrî, “We nîwe Ngai Mûtheru. Nîwe Ngai ûrîa ûrî kuo na nîwe warî kuo ûtucanagîra na kîvooto!