Kûguû 16:21 - ÎVUKU RÎA ÛVORO MWARO

²¹ Mbura ya mbembe nene ciarî na ûrito ta wa kilo mîrongo îtano nîyaurire kuuma îgûrû. Nayo yaurîra andû, nîmaarumire Ngai nîûndû wa mavera ma mbura. Mavera mau maarî mûcûku mûno.

Kûguû 16:21 ပူးပေါင်းရင်းမြစ်များ

Ayubu 38:22

“Wanatonya makûmbîrî ma mbaravu, kana wona makûmbî ma mbura ya mbembe,

Ayubu 38:23

irîa mbigîte nîûndû wa mavinda ma thîna, wana nîûndû wa mavinda ma mbaara?

Ntha 9:18

Rûyû thaa ta ino nîngaatûma kuure mbura ya mbembe îtarî yanonwa Misiri kuuma tene.

Ntha 9:22

Ngai-Mûnene nîwacokire akîra Musa atîrî, “Ûkîrîria njara yaku ûmîerekeretie na îgûrû matuurî na mbura ya mbembe nîkuura vûrûrirî wonthe wa Misiri. Nîkuurîra andû, nyamû cionthe wana mîmera yonthe îrîa îrî mîgûndarî.”

Isaia 30:30

Ngai-Mûnene nîagaatûma mûgambo wake ûrîa ûrî riiri wîguîke, na aringe nthû ciake na vinya arî na marakara. Nîgûkethîrwa na rûrîrîmbî rwa mwaki rwa kûvîvia viû, marurumî, ngûa na mbura ya mbembe.

Isaia 8:21

Andû nîmakaaûrûra vûrûrirî wao mathirîtwe nî vinya na makavûta. Nîûndû wa ûrîa makethîrwa mavûtîte, nîmakaarakara na marume mûthamaki wao na Ngai wao. Nîmakaaroria îgûrû

Ezek 13:11

Îra arathi acio mavakaga rûthingo rangi mûcerû atî nîrûkaurîrwa nî mbura nene ya mbembe, na rûringwe nî rûkûngi rûnene na nî rûkaagwa.

Ezek 13:13

Kwoguo Ngai-Mûnene augîte atîrî, “Nîngaarekereria rûkûngi rûnene na mbura ya mbembe nîrî na marakara icûkangie rûthingo rûu.

Josh 10:11

Vîndî îrîa Amori maavinyûrîte mavîtûkîrîrîte mwanyarî wa kîrîma maûrîte kuuma kûrî athigari a Isiraeli, Ngai-Mûnene nîwatûmire maurîrwe nî mbura ya mbembe. Mbura îo nîyamaurîre nginya magîkinya Azeka. Amori eengî nîmaaûragirwe nî mbura îo ya mbembe gûkîra arîa maaûragirwe nî athigari a mbaara a Isiraeli.

Kûguû 11:19

Nayo hekarû ya Ngai îrîa îrî kûu îgûrû nîyavingûrirwe, na îthandûkû rîa kîrîkanîro rîkîonekana kuo. Nakuo nîgwacokire gûkîgîa na mveni, mîgambo na mîrurumo ya ngwa, kîthingithia na mbura nene ya mbembe.

Kûguû 16:11

Nao nîmaarumire Ngai wa îgûrû nîûndû wa ûrûrû ûrîa warî irondarî. Nwatî nîmaaregire kwîrira nîûndû wa maûndû marîa macûku meekîte.

Kûguû 16:9

Nao nîmaavîvirue nî ûrugarî wa riûa na makîruma Ngai ûrîa ûrî na wathani îgûrû rîa mavera mama. Nwatî nîmaaregire kwîrira na gûkumia ûnene wake.

Kûguû 8:7

Nake mûraika wa mbere nîwavuvire karumbeta gake. Nayo mbura ya mbembe na mwaki, itukanîte na nthakame nîcietîkire nthî. Nakîo gîcunjî kîmwe Kîam icunjî ithatû cia nthî na nyaki yonthe ya ngirini, na gîcunjî kîmwe Kîam icunjî ithatû cia mîtî nîciavîre.