Kûguû 16:2 - ÎVUKU RÎA ÛVORO MWARO

² Kwoguo mûraika wa mbere nîwathiîre na agîtûrûra kîrîa Kîamrî mbakûrirî yake kûu nthî. Nao andû arîa maarî na rûûri rwa nyamû na arîa magoocete mûviano wayo, nîmaagîre na ironda njûku na ciarî na ûrûrû mîîrîrî yao.

Kûguû 16:2 ပူးပေါင်းရင်းမြစ်များ

2Maû 21:15

Nawe nîûkaagwatwa nî mûrimû mûcûku mûno mararî maku, ûrîa ûkaathiî ûgîgûcûkagîra wa mûthenya wa mûthenya nginya mara maku maume.”

2Maû 21:18

Vuva wa maûndû mama gwîkîka Ngai-Mûnene nîwatûmire mûthamaki Jehoramu anyitwa nî mûrimû ûtangîvora mararî make.

Thaburi 78:26

Nîwatûmire rûvuvo rûvurutane kuuma mwena wa îrathîro, vinya wake nîwatûmire rûvuvo rûvurutane kuuma mwena wa îveti;

Isaia 3:17

Kwoguo, nie Ngai-Mûnene nîngaamaverithia; aka acio a Zayuni nîngaamenja njuîrî cia ciongo ciao, na nîmarute nguo matigwe marî njaga.”

Isaia 3:24

Vandû va kûgîa na mûnungo mwaro, makaanungaga woru; vandû va kwîyova mîcivi, makeyova mîkanda; vandû va kwîthîrwa na njuîrî nthaka, makethîrwa na ivara; vandû va kwîthîrwa na nguo mbaro, mageekîra matangari; vandû va ûthaka makethîrwa na gîconoko!

Ciîko 12:23

Na nîûndû Herode ndaakumia Ngai, mûraika wa Mwathani nîwatûmire arware wa rîmwe. Herode nîwarîrwe nî igunyû na agîkua.

Gûco 28:27

Ngai-Mûnene nîagaatûma mûgîe na nyimba ta irîa ciarî na andû a Misiri, na atûme mîîrî yenyu îtûrîkange ironda. Nîmûkaagîa na ûvere na mwîthûa na mûtikaavora.

Gûco 28:35

Ngai-Mûnene nîagaatûma magûrû menyu mecûrwe nî nyimba irî na ûrûrû mûno na itangîvora, kuuma gîtende nginya kîongo.

Gûco 7:15

Ngai-Mûnene nîakaamûgitîra kuuma kûrî mîrimû yonthe. Ndagaatûma mûgîe na mîrimû mîcûku ta îrîa mwonire Misiri, nwatî arîa onthe mamûthûrîte nîo makaanyitwa nî mîrimû îo.

Kûguû 13:12

Nyamû îo nîyavûthagîra wathani wonthe ûrîa waumaga kûrî nyamû îo ya mbere. Yekaga ûguo methorî ma nyamû îo ya mbere. Nîyatûmaga nthî na arîa matûûraga kuo magooce nyamû îo ya mbere, îrîa kîronda Kîamyo Kîamrî kîvonu.

Kûguû 14:16

Kwoguo ûrîa wekarîrîte îtu nîwaikirie kaviû ga gûketha nthî. Namo maketha ma nthî nîmaakethirwe.

Kûguû 14:9

Nake mûraika wa kathatû nîwarûmîrîre arîa a mbere aîrî akiugagîrîria atîrî, “Mûndû wa wonthe ûgoocaga nyamû na mûvuanano wayo, na agekîrwa rûûri ûthiû kana njara ya ûrîo,

Kûguû 16:1

Ngîcoka ngîgua mûgambo mûnene kuuma hekarûrî ûkîra araika acio mûgwanja atîrî, “Thiîni nthî na mwîtûrûre mbakûri cia marakara ma Ngai!”

Kûguû 16:11

Nao nîmaarumire Ngai wa îgûrû nîûndû wa ûrûrû ûrîa warî irondarî. Nwatî nîmaaregire kwîrira nîûndû wa maûndû marîa macûku meekîte.

Kûguû 8:7

Nake mûraika wa mbere nîwavuvire karumbeta gake. Nayo mbura ya mbembe na mwaki, itukanîte na nthakame nîcietîkire nthî. Nakîo gîcunjî kîmwe Kîam icunjî ithatû cia nthî na nyaki yonthe ya ngirini, na gîcunjî kîmwe Kîam icunjî ithatû cia mîtî nîciavîre.

1Sam 5:6

Nake Ngai-Mûnene nîwavere andû a Ashidodi wa vamwe na andû a ndûrîrî irîa ciavakanîte nao îvera înene mûno na akîmeguithia guoya. Narîo îvera rîu rîarî rîa gûtûma andû a Ashidodi vamwe na andû acio engî magîe na nyimba mîîrîrî yao.

1Sam 5:9

Nwatî vuva wa kûrîkinyia kuo, Ngai-Mûnene nîwaverithirie andû a îtûûra rîu wanao na agîtûma mamake mûno. Ngai-Mûnene aamaverithirie onthe kwambîrîria mwana nginya mûndû mûgima na njîra ya gûtûma magîe na nyimba mîîrîrî yao.