Kûguû 16:16 - ÎVUKU RÎA ÛVORO MWARO

¹⁶ Nacio ngoma nîciaretire athamaki vamwe vandû vetagwa na rûthiomi rwa Kîyahudi Arimagedoni.

Kûguû 16:16 ပူးပေါင်းရင်းမြစ်များ

2Maû 35:22

Kûnarî ûguo, Josia ndaatiga kûtharîkîra Neko, mûthamaki wa Misiri. Nîwaregire kûthikîrîria ûrîa Ngai aaugaga na njîra ya mûthamaki Neko. Kwoguo nîwerigaririe nîguo ndakamenyekane na nîwathiîre Megido kûndû kûrîa kwaraganu kûrûa.

Zakaria 12:11

Vîndî îo Jerusalemu nîgûkaagîa na kîrîro kînene wata kîrîa Kîamrîrirwe Hadadi Rimoni vûrûrirî ûrîa mwaraganu wa Megido.

Johana 19:13

Rîrîa Pilato eegwire ciugo icio, nîwarutire Jesû nja na akîmwîkarîria gîtîrî gîa gûtucanîra ciira kîrîa Kîamrî vandû vetagwa “Rwara rwa Îthiga.” (Na Kîhibirania vetagwa “Gabatha.”)

Johana 19:17

Nake nîwathiîre ekuuîrîte mûtharava nginya magîkinya nja ya îtûûra rîu vandû vetagwa “Vandû va Îvîndî rîa Kîongo.” (Na Kîhibirania vetagwa “Gologotha”.)

Johana 5:2

Nakuo kûu îtûûrarî rîa Jerusalemu vakuvî na Kîvingo Kîam Ng'ondu, kwarî na îria rînene rîa manjî rîatumîrîtwe ithaku ithano na rîetagwa Bethizatha na rûthiomi rwa Kîhibirania.

Ciîko 26:14

Tuonthe nîtwagwîre nthî, na nie ngîgua mûgambo ûkîmbîra na rûthiomi rwa Kîhibirania atîrî, ‘Saûlo, Saûlo! Ûnyariraga nîkî? Kûrûa nanie nî gwîtivangia we mwene.’

Kûguû 17:14

Athamaki acio na nyamû nîmakaarûa na Gatûrûme. Nake Gatûrûme arî vamwe na arîa Ngai etîte, akamathuura na nî arûmîrîri evokeku, nî akaamavoota, nîûndû ke nî Mwathani wa aathani na Mûthamaki wa athamaki.”

Kûguû 9:11

Ngige icio ciarî na mûthamaki waciathaga, na nîke mûraika wa îrima rîrikîru rîtarî mûthiia. Rîîtwa rîake na rûthiomi rwa Kîhibirania nî Abandoni; na rûthiomi rwa Kîngiriki agetwa Apolioni (ûguo nîkuga “Mûcûkangia.”)

Atir 4:7

Nanie nîngaatûma Sisera mûnene wa athigari a Jabini aûke mûrûîre nake vau rûnjîrî rwa Kishoni. Nîagaaûka na ikaari ciake cia mbaara na athigari ake, nwatî ngaatûma mûmûvoote.’ ”

Atir 5:19

Athamaki nî maaûkire na makîrûa mbaara, athamaki a Kanaani maaûkire na makîrûa. Maarûîre Taanaki vakuvî na karûnjî ka Megido; nwatî matiatava wanarî sîlûva.