Kûguû 16:15 - ÎVUKU RÎA ÛVORO MWARO

¹⁵ “Tathikîrîriani! Nie nîmbûka ta mwîi! Kûrathimwa nî mûndû ûrîa wîkaraga atarî toro, na avarîrîtie nguo ciake, nîguo ndakathiîcage arî njaga na aconoke nî andû!”

Kûguû 16:15 ပူးပေါင်းရင်းမြစ်များ

Ntha 32:25

Musa nîwonire atî Aroni nîwatûmire andû matuîka aremi na magîtuîka irimû mbere nthû ciao.

Isaia 47:3

Andû nîmakoona njaga yaku, na nîmakoona gîconoko gîaku. Nie nîngerîvîrîria na ndikeguîra mûndû wanarî ûmwe ntha.”

Ezek 16:37

Kwoguo, nîngaaûngania anyanya aku onthe arîa wekenagia nao, arîa onthe mwanendana nao wana andû arîa ûthûrîte. Nîngaatûma magûkîrîre maumîte na mîena yonthe, na ngûrute nguo nîguo makwone ûrî njaga.

Hosea 2:3

Ethîrwa tî ûguo nîngûmûruta nguo atigwe arî njaga, nîngatûma ekare ta ûrîa aaciarirwe. Nîngatûma ekare ta werû, nîngatûma ekare ta nthî nyûmû. Nîngamûraga na nyonda.

Habakuku 2:15

Kaî wî na thîna-î! We ûtûmaga andû arîa mûriganîtie nao manyuîre gîkombe Kîam marakara maku, na ûgatûma marîwe nîguo ûvote kwona njaga yao.

Mathaayo 25:13

Nake Jesû akîrîkîrîria nîwamerire atîrî, “Îkaragani mwîmenyererete nîûndû mûtiîcî mûthenya kana îthaa.

Mathaayo 26:41

Mûtikamame nwatî voyani nîguo mûtikagwe mageriorî. Roho nîûrenda nwatî mwîrî ndûrî na vinya.”

Maariko 14:38

Îkaragani mwîmenyererete nîguo mûtikagwe mageriorî. Ngoro nî îrenda nwatî mwîrî ndûrî na vinya.”

Luka 21:36

Îkaragani mwîvarîrîtie vingo cionthe na mûkîvoyaga, nîguo mûgîe na vinya wa kûmîrîria maûndû monthe marîa marî vakuvî gwîkîka, na mûgîe vinya wa kûrûngama mbere ya Mûrû wa Mûndû.”

Ciîko 20:31

Kwoguo îîmenyagîrîreni! Vîndî cionthe ririkanagani kwa îvinda rîa mîaka îthatû nie ndiatiga kûmûkaania ngîtûrûraga methori ûtukû na mûthenya.

2Akor 5:3

Na twarîkia kûmîkîra tûtigaacoka kwonwa tûrî njaga.

1Ath 5:4

Nwatî mue, ariû na aarî a îthe wetû mûtirî ndumarî na mûtiagîrîrwe nî kwîthîrîrua nî mûthenya ûcio ta ûrîa mwîi aûkaga gûtarî mûndû ûkûmwîrîgîrîra.

1Ath 5:6

Kwoguo tûtiagîrîrwe nî kwîthîrwa tûmamîte ta andû arîa engî, twagîrîrwe twîthagîrwe twîîguîte na tûterigîtwe.

1Pet 4:7

Îthirîro rîa indo cionthe rîrî vakuvî. Îkaragani mwîîguîte na mwîvarîrîtie, nîguo mûvotage kûvoya.

2Pet 3:10

Nwatî Mûthenya wa Mwathani ûgaakinya ta ûrîa mwîi aûkaga. Mûthenya ûcio îgûrû nîrîkaathira na mûrurumo mûnene. Ciûmbe cionthe irîa irî îgûrû nîikaavîvua na mwaki ithire. Nayo nthî na indo cionthe irîa irî kuo nîikaavîvua viû.

Kûguû 22:7

“Tathikîrîria, nîmbûka warîu! Kûrathimwa nî mûndû ûrîa wathîkagîra ûrathi ûrîa ûrî îvukuurî rîîrî!” Ûguo nîguo Jesû arauga.

Kûguû 3:11

Nie nîngûka vuva wa Kavinda kanini. Îkaragani mûrî evokeku nîguo mûndû wana ûrîkû ndakamûcune nthûmbî yenyu ya ûvootani.

Kûguû 3:18

Kwoguo nie nîragûtaara ûgûre thaavu kuumana nanie îrîa ntherie na mwaki nîguo ûtonge. Wana ûgûre nguo cia rangi njerû kuuma kûrî nie nîguo wîkîre na ûtige kwîgua nthoni cia kwonekana ûrî njaga, na ûgûre ndawa ya gwîkîra metho nîguo ûvote kwona.