Kûguû 16:12 - ÎVUKU RÎA ÛVORO MWARO

¹² Mûraika wa gatandatû nake nîwetûrûrire kîrîa Kîamrî mbakûrirî yake rûnjîrî rûrîa rûnene rwa Farati. Naruo rûnjî nîrwavwîre, nîguo rûthondeke njîra ya kûvîtûkîra athamaki a kuuma mwena wa îrathîro.

Kûguû 16:12 ပူးပေါင်းရင်းမြစ်များ

Isaia 11:15

Ngai-Mûnene nîaakanyarithia Îria Îtune, na arete rûkûngi rûviû nîguo rûnyarithie rûnjî rwa Farati, na arûgaanie rûtuîke tûrûnjî mûgwanja, nîguo andû maringage na magûrû.

Isaia 41:25

“Nîndûmîte mûndû aume mwena wa rûgûrû nake nîmûku, nîmûthuurîte kuuma mwena wa îrathîro, nake nîagaakaîra rîîtwa rîakwa. Ke nîagaakinyanga athamaki ta yûmba, ta ûrîa mûmbi wa nyûngû akinyangaga yûmba.

Isaia 42:15

Nîngaacûkangia irîma na tûrîma, na nyûmithie tûmîtî tuonthe twa kuo. Nîngaavûîthia nyûnjî ituîke nthî nyûmû, na mvûîthie manjî marîa marî mariarî.

Isaia 44:27

Nînie mbugaga kûrîa kûrî manjî mariku kûvûe, na nîngaavûîthia nyûnjî cienyu.

Isaia 46:11

Nîngeta mûndû kuuma mwena wa îrathîro; mûndû kuuma vûrûri wî kûraca, nîguo eke maûndû marîa mbîrîgîrîrîte gwîka. Nînie mbugîte ûguo na nîngaavingia; nînie mvangîte ûguo na nîngeka guo.

Isaia 8:7

Kwoguo nie Mwathani, nîngûmaretithîria mûthamaki wa Asîria na athigari ake a mbaara onthe arîa marî vinya mekariî ta mwîcûro mûnene wa manjî ma rûnjî rwa Farati rwîcûrîte rûkauna.

Jeremia 51:36

Kwoguo Ngai-Mûnene arauga atîrî, “Nîngûmwarîrîria na nîmûrîvîrîrie kûrî nthû cienyu; nî ngûmia varîa manjî ma Babuloni maumaga, na ndûme ithima ciake ivwe.

Kûguû 11:14

Thîna wa kaîrî nîwathira, nwatî thîna wa kathatû nîûgûka vuva wa kavinda kanini!

Kûguû 17:15

Nake mûraika nîwambîrire rîngî atîrî, “Nyûnjî irîa wonire mûmaraa ekarîrîte, nî mavûrûri, andû, iruka, na nthiomi.

Kûguû 7:2

Nînaacokire ngîona mûraika wîngî akiunûkia aumîte mwena wa îrathîro na arî na rûtumo rwa Ngai mûtûûra mwoyo. Nake nîwetire araika acio ana na mûgambo mûnene. Araika acio ana nîo maavetwe nî Ngai vinya wa gûcûkangia nthî nyûmû na îria.

Kûguû 9:14

Naguo mûgambo ûcio nîwerire mûraika wa gatandatû atîrî, “Rekereria araika ana arîa movetwe vau rûnjîrî rûnene rwa Efarati.”