Kûguû 15:3 - ÎVUKU RÎA ÛVORO MWARO

³ nao nîmaainire rwîmbo rûrîa Musa, ndungata ya Ngai aainire, na rûrîa Gatûrûme aainire, akiuga atîrî: “We Mwathani Ngai mwene vinya wonthe, ciîko ciaku nî nene na nî cia magegania! Mûthamaki wa mavûrûri monthe, maûndû monthe marîa wîkaga nî ma kîvooto na nî ma ma!

Kûguû 15:3 ပူးပေါင်းရင်းမြစ်များ

Kîam 17:1

Rîrîa Aburamu aarî na ûkûrû wa mîaka mîrongo kenda na kenda (99), Ngai-Mûnene nîwamumîrîre na akîmwîra atîrî, “Nînie Ngai mwene vinya wonthe. Mbathîkagîra na wîthagîrwe ûrî mûthingu vîndî cionthe.

1Maû 6:49

Aroni na njiarwa ciake nîmaarutaga magongoona ma kûvîvua metharî ya kîgongoona na nîmaavîvagia ûbani metharî ya kîgongoona. Nîo maarutaga mawîra monthe ma vandû varîa vatheru Mûno. Nîmaarutaga magongoona nîguo andû a Isiraeli mathengutîrue mevia mao kûringana na ûrîa Musa ndungata ya Ngai aathanîte.

2Maû 24:6

Kwoguo mûthamaki nîwetire Jehoiada, mûnene wa athînjîri-Ngai na akîmûria atîrî, “Ûregete kwîra Alawi maûnganie gooti kuuma kûrî andû a Juda na Jerusalemu nîkî îrîa Musa ndungata ya Ngai-Mûnene aathanire îrutagwe nîûndû wa gûtuma îgema rîa Ngai-Mûnene?”

Nehemia 9:14

Nîwamathomithirie kûrûmagîrîra thavatû yaku ntheru, kûvîtûkîrîra Musa ndungata yaku nîwamaathire marûmagîrîre maathani maku.

Ayubu 36:24

Ndûkariganîrwe nî gûkumia wîra wake, ûrîa andû mainaga magîûkumia.

Ayubu 5:9

Ke ekaga maûndû manene tûtangîvota gûtarîria, maûndû ma magegania matangîtarîka.

Thaburi 100:5

Nîûndû Ngai-Mûnene nî mwaro; wendo wake ûtathiraga ûtûûraga tene na tene, wîvokeku wake ûkinyagîra njiarwa cionthe.

Thaburi 105:5

Ririkanani maûndû ma magegania marîa eekire, ciama ciake na ûrîa aaririe ûvoro wa gûtucanîra ciira.

Thaburi 111:2

Kaî maûndû marîa Ngai-Mûnene ekaga nî manene-î! Andû onthe arîa makenagua nîmo nîmendaga kûmamenya.

Thaburi 111:7

Maûndûrî monthe marîa ekaga nî ma ma na ma kîvooto; maathani make monthe nî ma kwîvokwa,

Thaburi 139:14

Nînîragûkumia nîûndû nî ûnyûmbîte na njîra ya magegania na ya gwîtigîrwa; ciîko ciaku nî cia magegania. Nie mwene nîmbîcî waro!

Thaburi 145:17

Ngai-Mûnene nî mûthingu maûndûrî monthe, na arî ntha maûndûrî monthe marîa ekaga.

Thaburi 145:6

Andû makaragia ûvoro wa ciîko ciaku cia vinya, nanie ngaanagîrîra ûnene waku.

Thaburi 18:30

Ngai ûyû njîra ciake nî nginyanîru, Ciîranîro cia Ngai-Mûnene nî cia ma! Ke nî ngo kûrî arîa onthe macaragia ûgitîri kûrî ke.

Thaburi 78:12

Methe mao nîmoonire Ngai akîringa ciama, arî Zoani kûndû kûrîa kwaraganu vûrûrirî wa Misiri.

Thaburi 92:5

We Ngai-Mûnene, kaî maûndû marîa wîkaga nî manene-î! Meciria maku nî marikîru mûno!

Thaburi 99:4

We mûthamaki mwene Vinya Wonthe, mwendi ûthingu; Nîwonanîtie kîvooto Isiraeli; nîwonanîtie ûthingu na waragania.

Isaia 33:22

Nîûndû Ngai-Mûnene nîke mûtucanîri ciira wetû, Ngai-Mûnene nîke ûtwathaga, Ngai-Mûnene nîke mûthamaki wetû, na nîke ûgaatûvonokia.

Isaia 45:21

Umbûrani na mwîtetere; tigani andû maciire marî vamwe. Nû waririe maûndû mama wa tene? Anga tî nie Ngai-Mûnene? Gûtirî ngai îngî tiga nie, nînie Ngai mûthingu na Mûvonokia; gûtirî ngai îngî tiga nie.

Danieli 6:20

Rîrîa aakuvîvîrie îrima, nîwetire Danieli arî na kîeva kîngî mûno na akîmwîra atîrî, “Ûûi Danieli, ndungata ya Ngai ûrîa ûtûûra mwoyo! Ngai ûrîa ûtungatagîra wa mûthenya nîaravotire gûgûtethûra kûrî mînyambû?”

Danieli 9:11

Andû onthe a Isiraeli nîmaaunire watho waku, na makîrega gûkwathîkîra. Tue nîtwakûvîtîrie we Ngai-Mûnene na tûkîrega kwathîkîra Watho ûrîa waveere ndungata yaku Musa. Kwoguo tûrî anyite nî kîrumi na matuîro marîa mandîke wathorî wa Musa, ndungata yaku.

Hosea 14:9

Mûndû wa wonthe mûgî nîataûkîrwe nî maûndû mama, arîa maicî gûkûûrana nîmamenye maûndû mama. Nîûndû njîra cia Ngai-Mûnene nî nûngarû na andû arîa athingu matûûraga mairûmagîrîra, nwatî evia nîmavîngagwa marî njîrarî icio.

Mika 7:20

Nîûkoonania wîvokeku waku kûrî Jakovu na wendo waku ûtathiraga kûrî Iburahimu, wata ûrîa werîre methe metû na mwîvîtwa kuuma tene.

Zefania 3:5

Nwatî Ngai-Mûnene ûrîa ûrî îtûûrarî rîu nî mwîvokeku, ekaga maûndû marîa magîrîru nwatî tî marîa macûku. Onanagia kîvooto wa kîraûko kûrî andû ake. Kûnarî ûguo, arîa aganu mathiîcaga na mbere gwîka naaî matarî na nthoni.

Zakaria 9:9

Mue andû a Zayuni kenani mûno; Mue andû a Jerusalemu ugîrîriani na vinya. Taroriani, mûthamaki wenyu nîaûkîte kûrî mue, aûkîte akenete na arî na ûvootani. Nî mwînyivia na akuuîtwe nî mvunda, akuuîtwe nî njaû ya mvunda.

Johana 1:17

Ngai aavecanire watho na njîra ya Musa, nwatî wega na ûma ciaûkire na njîra ya Jesû Kristû.

Gûco 31:30

Musa nîwacokire akina rwîmbo rûrû ruonthe andû onthe a Isiraeli arîa maaûnganîte mathikîrîrîtie.

Gûco 32:3

Nîngaanîrîra rîîtwa rîa Ngai-Mûnene, nao andû nîmakaauga, Ngai nî mûnene.

Gûco 34:5

Kwoguo, Musa ndungata ya Ngai-Mûnene nîwakuîrîre kûu vûrûrirî wa Moabu wata ûrîa Ngai-Mûnene aaugîte.

1Tim 1:17

Mûthamaki ûrîa ûtûûraga tene na tene, ûrîa ûtathiraga na ûtonekaga na nwake Ngai tu, arotîîwa na agakumua tene na tene! Ameni.

Ahib 3:5

Musa aarî mwîvokeku maûndûrî monthe arî ndungata nyombarî ya Ngai. Ke nîwaririe ûvoro wîgiî maûndû marîa Ngai akaaria mavinda marîa magaaûka.

Josh 22:5

Menyerera mwathîkagîre maathani na mawatho marîa Musa aamwathire. Aamwathire mwendage Ngai-Mûnene, Ngai wenyu, mûrûmagîrîre njîra ciake cionthe, mwathîkagîre maathani make, mwîthagîrwe mûrî evokeku kûrî ke na ûmûtungatagîre na ngoro cienyu cionthe na vinya wenyu wonthe.”

Kûguû 1:8

Mwathani Ngai, Mwene vinya wonthe, ûrîa warî kuo, ûrî kuo, na ûrîa ûgaûka arauga atîrî, “Nie nînie wa mbere na wa mûthiia.”

Kûguû 11:17

makiugaga atîrî: “Tue nîtûracokia ngatho kûrî we, Mwathani Ngai mwene vinya wonthe, Ûrîa Ûrî kuo na warî kuo! Nîûndû we nîwonanîtie vinya waku mûnene na ûkambîrîria kwathana!

Kûguû 14:3

Andû acio ngiri îgana na mîrongo îna na inya (144,000) nîmaarûngamîte mbere ya gîtî Kîam ûnene, mbere ya ciûmbe irîa irî mwoyo inya, na mbere ya athuuri. Nao nîmaainaga rwîmbo rûcerû rûrîa tu nwa o mangîarûmenyire. Acio nî arîa maarî akûûre.

Kûguû 14:8

Mûraika wa kaîrî nîwarûmîrîre ûrîa wa mbere. Nake nîwaugîrîrie atîrî, “Babuloni nî îgwîte, îtûûra rîrîa rînene rîa Babuloni nî rîgwîte. Nîyatûmire andû arîa matûûraga gûkû nthî mevia. Maavanire ta maavetwe ndivei manyue îrîa îgaatûma Ngai amaverithia.”

Kûguû 17:14

Athamaki acio na nyamû nîmakaarûa na Gatûrûme. Nake Gatûrûme arî vamwe na arîa Ngai etîte, akamathuura na nî arûmîrîri evokeku, nî akaamavoota, nîûndû ke nî Mwathani wa aathani na Mûthamaki wa athamaki.”

Kûguû 19:16

Nguorî yake, Kîamûrî gîake nîvaandîkîtwe rîîtwa atîrî: “Mûthamaki wa athamaki, Mwathani wa aathani.”

Kûguû 19:2

Nîûndû atucanagîra ciira na ûma na kîvooto! Ke nîatuîrîrîte ciira mûmaraa ûrîa watûmire andû a nthî meka maûndû macûku ma ûtharia. Ngai nîamûverithîtie nîûndû ke nîwaûragire ndungata ciake.”

Kûguû 4:8

Wa kîûmbe gatagatîrî ka icio inya ciarî mwoyo Kîamrî na mathagu matandatû na nîgîecûrîte metho kûndû kuonthe nja na ndaarî. Ûtukû na mûthenya nî cinaga itagûtigithîria ikiugaga atîrî: “Mûtheru, Mûtheru, Mûtheru, nî Mwathani Ngai mwene vinya wonthe, ûrîa warî kuo, ûrî kuo, na ûgaaûka.”