Kûguû 14:6 - ÎVUKU RÎA ÛVORO MWARO

⁶ Nie nînaacokire ngîona mûraika wîngî agûrûkîte îgûrû rîerarî. Mûraika ûcio aarî na ûvoro mwaro wa tene na tene wa kûvunjia kûrî andû arîa matûûraga nthî, kûrî iruka cionthe, mbarî, nthiomi, na mavûrûri monthe.

Kûguû 14:6 ပူးပေါင်းရင်းမြစ်များ

Kîam 1:6

Ngai nîwacokire akiuga atîrî, “Nî kûgîe mwanya gatagatîrî ka manjî, nîguo wamûranie manjî maita maîrî.”

2Sam 23:5

Ûguo nîguo Ngai akaarathima njiarwa ciakwa, nîûndû nîwathondekire kîrîkanîro Kîam gûtûûra tene na tene nanie, kîrîkanîro kîu nî kîrûmu na gîtingîcenjekia. Ûndû ûcio nîguo nîîriragîria; nîûndû nîguo ûgaatuîka ûvootani wakwa, Ngai nîagaatûma ûndû ûcio ûvinge.

Thaburi 119:142

Ûthingu waku nîwa tene na tene, na watho waku nî wa ma.

Thaburi 139:24

Nduîria wone kana nîrî na mîthiîre mîcûku, na ûndongorie njîrarî ya gûtûûra tene na tene.

Thaburi 145:13

Ûthamaki waku ûtûûraga tene na tene, na wathani waku ûtûûraga kûrî njiarwa cionthe. Ngai-Mûnene nî mwîvokeku maûndûrî monthe marîa aragia, na nî mûtugi maûndûrî monthe marîa ekaga.

Isaia 40:8

Nyaki nîyûmaga namo maûa makavova, nwatî kiugo Kîam Ngai wetû gîgaatûûra tene na tene.”

Isaia 45:17

Nwatî vûrûri wa Isiraeli nîûkaavonokua nî Ngai-Mûnene, na ûvonokio wao ûgaatûûra tene na tene. Andû a kuo matigaaconorithua tene na tene.

Isaia 51:6

Roriani îgûrû; na mûcoke mûrorie nthî, nîûndû îgûrû rîkaathira ta ndogo; nthî îkaathira ta nguo, nao arîa matûûraga kuo magaakua ta ngi. Nwatî ûvonokio ûrîa ndetete ûgaatûûra tene na tene, naguo ûthingu wakwa ndûkaathira.

Isaia 51:8

Nîûndû makaarîwa nî igunyû mathire ta nguo, marîwe nî igunyû ta guoya. Nwatî ûthingu wakwa ûgaatûûra tene na tene, na ûvonokio wakwa nîwa njiarwa na njiarwa.”

Isaia 6:2

Îgûrû rîake kwarûngamîte Aserafi, wa serafi ûmwe aarî na mathagu matandatû; mathagu maîrî maakunîkîte ûthiû wake, maîrî magakunîka magûrû make namo maîrî akîgûrûka namo.

Ezek 1:14

Ciûmbe icio ciathiîcaga na mbere na igacoka na vuva ta rûveni.

Danieli 4:1

Mûthamaki Nebukadinezarû nîwatûmire ndûmîrîri îno kûrî andû a iruka cionthe, mavûrûri monthe na andû a nthiomi cionthe arîa matûûraga nthî yonthe akîmeera atîrî, “Mûrogîa na thayû!

Danieli 9:21

Gaburieli, mûndû ûrîa noonire kîonekirî gîakwa Kîam mbere, nîwaûkire na îvenya nginya varîa naarî. Vîndî îo nîrîo magongoona ma kîvwaî maarutagwa.

Mathaayo 10:27

Ûndû ûrîa nîramwîrîra ndumarî nwa nginya mûkawaria ûtherirî; na maûndû marîa mwîragwa na kîvwe, nwa nginya mûkaamanîrîra mûrî nyombarî îgûrû.

Maariko 16:15

Nake Jesû nîwamerire atîrî, “Thiîni nthî yonthe mûkavunjîrie andû onthe ûvoro mwaro.

Aroma 16:25

Nîtûkumieni Ngai! Ke arî na ûvoti wa gûtûma mwîkare mûkindîrîtie wîtîkiorî wenyu kûringana na Ûvoro mwaro wîgiî Jesû Kristû ûrîa mvunjagia, na kûringana na kûguûrîrua nthitho ya ûvoro wama ûrîa wethîrîtwe ûrî mûthithe gwa kavinda karaca mûno.

Akol 1:23

Kwoguo nwanginya mûthiî na mbere gwîkara mwîkindîrîtie wîtîkiorî wenyu na mûrî na vinya. Mwîrîgîrîro ûrîa mwagîre naguo rîrîa mwegwire ûvoro mwaro, mûtikanetîkîre wenyenyue. Nie Paûlo nîrî ndungata ya ûvoro mwaro ûrîa wîthîrîtwe ûkîvunjîrua andû a nthî yonthe.

2Ath 2:16

Mwathani wetû Jesû Kristû ke mwene, na Ngai Vava ûrîa watwendire na njîra ya wega wake, nîwatûvere ûmîrîru wa tene na tene na kîîrîgîrîro Kîamro.

Ahib 13:20

Ngai nîariûkîtie Mwathani wetû Jesû Kristû ûrîa arî ke Mûrîthi Mûnene wa ng'ondu. Na njîra ya gîkuû gîake nîwarûthire kîrîkanîro gîa gûtûûra tene na tene.

1Pet 1:25

nwatî kiugo Kîam Mwathani nîgîtûûraga tene na tene.” Kiugo gîkî nîguo Ûvoro Mwaro ûrîa wavunjirue kûrî mue.

Kûguû 10:11

Nanie nînacokire ngîrwa atîrî, “We nwa nginya wanîrîre rîngî maûndû marîa Ngai avangîte nîûndû wa iruka nyîngî, mavûrûri meengî, nthiomi nyîngî na athamaki eengî.”

Kûguû 10:7

Nwatî kavinda karîa mûraika wa mûgwanja akaavuva karumbeta gake Ngai nîakaavingia mûvango wa nthitho yake, wata ûrîa aanîrîre kûrî ndungata ciake na nîcio arathi.”

Kûguû 13:7

Nîyaverwe rûtha îrûe na andû a Ngai na îmavoote. Na nîyaverwe wathani wa kwatha mbarî cionthe, mavûrûri, nthiomi na iruka cionthe.

Kûguû 3:10

Mue nîmûrûmîrîrîte kîthomo gîakwa gîa kûmîrîria mûkirîrîrîtie na kwoguo nie nîngaamûgitîra kuuma kûrî îvinda rîa mathîna rîrîa rîgaûka kûgeria andû onthe arîa matûûraga gûkû nthî.

Kûguû 5:9

Nacio ciûmbe icio na athuuri acio nîmaainire rwîmbo rûcerû makiugaga atîrî: “We ûrî mwagîrîru wa gwoca îvuku rîa gîkûnjo na ûtumûre ndumo ciarîo. Nîûndû we nîwaûragirwe, na njîra ya nthakame yaku we nîwagûrire andû a Ngai kuuma mîvîrîga yonthe, nthiomi cionthe, mavûrûri monthe na iruka cionthe.

Kûguû 8:13

Nînacokire ngîroria na ngîgua nderi îrîa yagûrûkîte îgûrû rîerarî îkiugîrîria na mûgambo mûnene atîrî, “Uuui! Uuui! Uuui! Na kaî andû arîa matûûraga nthî nîmakeethîrwa na thîna rîrîa araika acio engî athatû makaavuva tûrumbeta-î!”