Kûguû 14:2 - ÎVUKU RÎA ÛVORO MWARO

² Nanie nînegwire mûgambo kuuma îgûrû wagambaga ta ndurumo ya manjî, na ta mûrurumo mûnene wa ngwa. Mûgambo ûcio wagambaga ta mûgambo ûrîa aini magambagia makîvûra ngita ciao.

Kûguû 14:2 ပူးပေါင်းရင်းမြစ်များ

2Sam 6:5

Daudi na Aisiraeli onthe nîmaainire makîrûgaga na vinya wao wonthe nîguo makumie Ngai-Mûnene. Vîndî îo nîmaavûraga ngita, mîtûrirû, ndarama na ithaani irîa iringithanagua.

2Maû 20:28

Makinya Jerusalemu, nîmaathiîre hekarûrî makinaga na ngita, mîtûrirû na tûrumbeta.

Thaburi 147:7

Inîrani Ngai-Mûnene mûkîmûcokagîria ngatho, inîrani Ngai wetû mûkîvûraga mîtûrirû.

Thaburi 149:3

Kumiani rîîtwa rîake mûkîinagia, nîmamwinîre na nduramu na mîtûrirû!

Thaburi 33:2

Kumiani Ngai-Mûnene mûkîvûraga inanda, mwinîreni na ngita.

Thaburi 43:4

Nîngaacoka nthiî metharî ya kîgongoona ya Ngai, nîngaûka kûrî we Ngai ûrîa ûngenagia mûno. Nîngaakwinîra ngîvûraga kînanda ngîgûkumagia, we Ngai, Ngai wakwa.

Thaburi 57:8

Roho wakwa, ûkîra! Ûkîra we ngita na kînanda! Nîngûkîra mbere ya gûkîe.

Thaburi 92:3

tûgîkwinagîra nyîmbo na ngita, na mîgambo mîaro ya kînanda.

Thaburi 93:4

Ngai-Mûnene nî mûthamaki mûnene kûu îgûrû, arî vinya gûkîra mûrurumo wa îria, arî vinya gûkîra makûmbî ma manjî ma îria.

Thaburi 98:5

Inani mûkumie Ngai-Mûnene mûkîvûraga inanda! mûkumieni na mîgambo mîaro ya inanda.

Ntha 19:16

Naguo mûthenya wa kathatû kîraûko nîkwagîre ngwa nyîngî na mveni. Na kîrîmarî gûkiumîra îtu înene na gûkîguwa mûgambo mûnene wa karumbeta. Nao andû onthe arîa marî kûrîa maambîte magema nîmaatetemire nî guoya.

Ntha 20:18

Vîndî îrîa andû meegwire ngwa, na makîona mveni, makîgua mûgambo wa karumbeta na makîona kîrîma gîgîtoga ndogo nîmaatetemire nî guoya. Nîmaarûngamire varaca

Isaia 17:13

Mavûrûri mararuruma ta manjî meengî, nwatî Ngai nîakaamagûkia nao maûre mathiî kûndû kûraca, makaavinyûrua ta ûrîa macaki magûrûkagua nî rûkûngi kîrîmarî îgûrû, kana ta ûrîa rûkûngû rûmbûragwa nî rûkûngi rûnene.

Ezek 43:2

Riiri wa Ngai wa Isiraeli nîwaûkire umîte na mwena wa îrathîro. Naguo mûgambo wa Ngai warî ta mûrurumo wa manjî ma îria, nayo nthî nîyagîre na ûtheri wa riiri wake.

Zakaria 9:14

Ngai-Mûnene nîakeyonithania arî îgûrû rîa andû ake, mîguî yake îthiîcaga ta rûveni; Mwathani Ngai nîakaavuva karumbeta, na athiî arî rûkûngirî rwa mwena wa îveti.

1Akor 13:1

Nie nwa mbarie nthiomi irîa ciaragua nî andû na irîa ciaragua nî araika. Nwatî ethîrwa ndirî na wendani, mîario yakwa îkariî ta ithaani irîa iringithanagua ikagamba kana ta ngengere îkîgamba.

Kûguû 1:10

Mûthenya wa Mwathani nînecûrîtwe nî roho mûtheru. Roho ûcio mûtheru nîwamvotithirie kwîgua mûgambo mûnene, ûrîa wagambire ta mûgambo wa karumbeta vuva wakwa.

Kûguû 1:15

nyarîrî ciake ciakengete ta cuuma ya gîcango îrî ntherie na mwaki, naguo mûgambo wake wagambaga ta ndurumo ya manjî.

Kûguû 11:12

Nao arathi acio aîrî nîmaacokire makîgua mûgambo mûnene kuuma îgûrû ûkîmera atîrî: “Unûkiani ava!” Na wa nthû ciao iroretie, nîmaaunûkirie îgûrû marî îtuurî.

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”

Kûguû 15:2

Na nînoonire kîndû kîonekaga gîkariî ta îria rîa gîcicio rîtukanîtue na mwaki. Wana nînonire arîa maavootete nyamû, mûvuanano wayo, na makavoota ûrîa namba yarûngamagîrîra rîîtwa rîake. Andû acio maarûngamîte mwenarî wa îria rîu rîa gîcicio manyitîte ngita irîa Ngai aamaveere,

Kûguû 18:22

Andû makîvûra ngita, na makina kana makîvuva mîtûrirû na tûrumbeta matikeguwa îtûûrarî rîu rîngî. Gûtirî mûndû ûkoonekana akîruta wîra wa mbiacara, kana kwîguwa mûgambo wa kîthîi gîkîthîa rîngî!

Kûguû 5:8

Na vîndî îrîa Gatûrûme oocire îvuku rîu rîa gîkûnjo, ciûmbe inya irîa irî mwoyo nîciegwîthirie nthî vau mbere ya Gatûrûme. Wa kîûmbe Kîamrî na ngita na mbakûri ya thaavu îcûrîte ûbani, ûrîa aarî guo mavoya ma andû a Ngai. Wana nginya athuuri acio mîrongo îîrî na ana nîmeegwîthirie nthî vau mbere ya Gatûrûme na wa mûthuuri arî na ngita na mbakûri ya thaavu îcûrîte ûbani ûrîa arî guo mavoya ma andû a Ngai.

Kûguû 6:1

Nînaacokire ngîona Gatûrûme gagîtumûra rûtumo rûmwe rwa icio mûgwanja, na ngîgua kîûmbe kîmwe Kîam irîa inya irî mwoyo gîkiuga na mûgambo wagambaga ta ngwa, “Ûka!”

Kûguû 8:7

Nake mûraika wa mbere nîwavuvire karumbeta gake. Nayo mbura ya mbembe na mwaki, itukanîte na nthakame nîcietîkire nthî. Nakîo gîcunjî kîmwe Kîam icunjî ithatû cia nthî na nyaki yonthe ya ngirini, na gîcunjî kîmwe Kîam icunjî ithatû cia mîtî nîciavîre.