Kûguû 14:11 - ÎVUKU RÎA ÛVORO MWARO

¹¹ Nayo ndogo ya mwaki ûrîa ûkaamanyamaria yunûkagia na îgûrû tene na tene. Arîa magoocaga nyamû kana mûviano wayo na marî na rûûri rwa rîîtwa rîayo, magatûûra manyamaragua.”

Kûguû 14:11 ပူးပေါင်းရင်းမြစ်များ

Kîam 19:28

Nîwaroririe nthî matûûrarî ma Sodomu na Gomora wana Kîamnda kîonthe, na akîona ndogo îkîthiî na îgûrû yumîte nthî. Yekariî ta ndogo îrîa yumaga mwakirî mûnene mûno.

Thaburi 10:16

Ngai-Mûnene nî mûthamaki tene na tene, andû arîa magoocaga ngai ciîngî nî makaathira vûrûrirî wake.

Thaburi 145:1

Nîngûkwambararia we Ngai wakwa, mûthamaki wakwa; na ngumagie rîîtwa rîaku tene na tene.

Ntha 15:18

We Ngai-Mûnene nîûtûûra ûrî mûthamaki tene na tene.”

Isaia 33:14

Andû evia arîa marî Zayuni nîmaretigîra, nao andû arîa matagoocaga Ngai marainaina makiugaga atîrî: “Nû gatagatîrî getû ûngîvota gûkuvîvîria mwaki ûyû ûvîvagia ûkathiria? Nû gatagatîrî getû ûngîtirîria mwaki ûyû ûtavoraga tene na tene?”

Isaia 34:10

Mwaki ûcio ûgaakanaga ûtukû na mûthenya, nayo ndogo yaguo îgaatûûra yunûkagia na îgûrû tene na tene. Vûrûri ûcio ûgaatûûra ûrî werû njiarwa na njiarwa, gûtirî mûndû ûkaavîtûkîrîra kuo tene na tene.

Isaia 34:8

Nîûndû Ngai-Mûnene arî na mûthenya wa kwîrîvîrîria, mwaka ûrîa akarîvîrîria Zayuni kuuma kûrî nthû ciayo.

Isaia 57:20

Nwatî andû arîa aganu mekariî ta îria rîgikia ndiivû, rîrîa rîtangîvoorera; makûmbî ma manjî ma rîo maikagia ndaka na gîko ndeererî ciarîo.

Danieli 3:6

Mûndû wa wonthe ûtakawînamîrîra aûvoe, nîakaanyitwa wa rîmwe akînaikua mwakirî mûnene mûno.”

Joeli 2:30

“Nîngekîra rûûri îgûrû na nthî, nîgûkethîrwa na nthakame, mwaki na matu ma ndogo.

Mathaayo 11:28

“Ûkani kûrî nie, mue muonthe anogu na mûtitikîte mîrigo mîrito, na nîngûmûvurûkia.

Mathaayo 25:41

“Mûthamaki nîagaacoka ere arîa makeethîrwa marî mwena wake wa ûmotho atîrî, ‘Nthengutîrani ava, mue arîa arume nî Ngai! Thiîni mwakirî wa tene na tene ûrîa ûthondekeretwe Ngoma na araika ake.

Mathaayo 25:46

Nao andû acio nîmakaathiî kûrîa makaaverithua tene na tene. Nao andû arîa athingu nîmakaathiî mwoyorî wa tene na tene.”

Gûco 28:65

Mûtikeganîra kana mûgîe na thayû mûrî mavûrûrirî mau, na gûtigaatuîka kwenyu. Ngai-Mûnene nîagaatûma mwîthîrwe mûrî na guoya, mûtarî na kîîrîgîrîro na mûthirîtwe nî mwîvoko.

Ahib 1:8

Ûvoro wîgiî Mûriû Ngai nîwaugire atîrî, “Ûthamaki waku we Ngai nîûgûtûûra tene na tene! We wathaga andû aku na kîvooto.

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”

Kûguû 13:12

Nyamû îo nîyavûthagîra wathani wonthe ûrîa waumaga kûrî nyamû îo ya mbere. Yekaga ûguo methorî ma nyamû îo ya mbere. Nîyatûmaga nthî na arîa matûûraga kuo magooce nyamû îo ya mbere, îrîa kîronda Kîamyo Kîamrî kîvonu.

Kûguû 13:15

Nyamû ya kaîrî nîyetîkîrîtue îveverere mûviano wa nyamû ya mbere mîvevû ya gûtûma ûgîe mwoyo. Yekire ûguo nîguo mûvuanano ûcio warie, na mûndû wa wonthe ûtakaaûgooca aûragwe.

Kûguû 13:17

Kwoguo gûtirî mûndû ûngîagûrire kana endia kîndû atarî na rûûri rûu. Rûûri rûu, rwarî rîîtwa rîa nyamû ya mbere kana namba îrîa yarûngamagîrîra rîîtwa rîayo.

Kûguû 14:9

Nake mûraika wa kathatû nîwarûmîrîre arîa a mbere aîrî akiugagîrîria atîrî, “Mûndû wa wonthe ûgoocaga nyamû na mûvuanano wayo, na agekîrwa rûûri ûthiû kana njara ya ûrîo,

Kûguû 18:18

Na moona ndogo îrîa yaumaga mwakirî ûrîa warîvîvagia, nîmaugîrîrie atîrî, “Gûtirî kwagîa îtûûra rîngî rînene ta rîrî!”

Kûguû 18:9

Athamaki a nthî arîa meekire maûndû ma ûtharia na nîmaagwatanîre merirîria macûku nake nîmakaarîra na maugîrîrie mona ndogo îrîa yaumaga kûrî rîo rîkîvîa.

Kûguû 19:3

Wana rîngî nînaugîrîrie atîrî, “Ngai arokumua! Ndogo kuuma mwakirî ûrîa ûravîvia îtûûra rîu înene yunûkagia na îgûrû tene na tene!”

Kûguû 20:10

Nake Ngoma ûrîa wamavîtithîtie, nîwaikirue îriarî rîa mwaki na ûviriti, kûrîa nyamû na mûrathi wa maveeni maaikîtue. Nao nîmagatûûra maverithagua ûtukû na mûthenya tene na tene.

Kûguû 22:5

Gûtigacoka kûgîa na ûtukû, na matikethîrwa makîvatara taa kana ûtheri wa riûa, nîûndû Mwathani Ngai nîke ûkethagîrwa arî ûtheri wao. Na nîmakaathana marî athamaki tene na tene.

Kûguû 7:12

makiugaga atîrî, “Ameni! Ngumo, riiri, ûûgî, ngatho, na gîtîîo, vinya na ûvoti nî cia Ngai wetû tene na tene! Ameni!”